ស្រីៗចង់បានមនុស្សប្រុសល្អៗជាគូ ត្រូវដឹង ៦ ចំណុចនេះពីគេសិនដែរ
- 2018-06-07 07:00:00
- ចំនួនមតិ 0 | ចំនួនចែករំលែក 0
ស្រីៗចង់បានមនុស្សប្រុសល្អៗជាគូ ត្រូវដឹង ៦ ចំណុចនេះពីគេសិនដែរ
នារីទាំងអស់ពិតជាចង់បានមនុស្សប្រុសដ៏ល្អត្រឹមត្រូវម្នាក់ មកជាគូអនាគត។ ប៉ុន្តែមុននឹងឲ្យបុរសល្អៗមកចាប់អារម្មណ៍ អ្នកគួរតែដឹង ៦ ចំណុចនេះរបស់គាត់ជាមុនសិន៖
១.មើលតម្លៃផ្ទាល់របស់ពួកគេ
កុំមើលតែសម្បកក្រៅថាគាត់ស្លៀកពាក់បែបណា តែគួរស្វែងយល់ពីតម្លៃផ្ទាល់ខ្លួនរបស់ពួកគេសិនដូចជាអត្តចរិត សម្ដីសំដៅ និងកាយវិការ។ បើអ្នកឃើញថាគេរូបរាងខាងក្រៅមិនសូវស្អាត ហើយគិតថាគេជាមនុស្សមិនល្អ ពិតណាស់ថាមួយជាតិនេះ អ្នកមិនអាចជួបបុរសល្អឡើយ។
២.កុំសម្លឹងមើលតែរបស់ទ្រព្យ
បើអ្នកជ្រើសរើសមនុស្សប្រុសណាជាគូ ដោយពឹងផ្អែកតែលើទ្រព្យសម្បត្តិ អ្នកអាចនឹងជួបទុក្ខធំនាថ្ងៃក្រោយ។ មាសប្រាក់ បុណ្យស័ក្ដិ មិនអាចជួយឲ្យមនុស្សអាក្រក់ ក្លាយជាល្អទេ ដូចនេះហើយទោះបានរៀបការជាមួយបុរសបែបនោះ អ្នកបានត្រឹមតែទឹកភ្នែកប៉ុណ្ណោះ។
៣.ធ្វើជាខ្លួនអ្នកដដែល
គ្មានអ្វីចាំបាច់ដល់ថ្នាក់ផ្លាស់ប្ដូរចរិតឫកពា ដើម្បីឲ្យមនុស្សប្រុសមកចាប់អារម្មណ៍។ ព្រោះមនុស្សប្រុសៗមើលឃើញពីមន្តស្នេហ៍ដែលជាខ្លួនឯងរបស់ស្រីៗ ជាជាងរបស់កែច្នៃ។
៤.តែងតែស្មោះត្រង់
ជាការពិតណាស់ថា បុរសល្អៗស្វែងរកចំណុចនេះ ពីខ្លួននារី។ បើអ្នកតែងមានភាពស្មោះត្រង់មិនចាំបាច់ខ្លាចថាគ្មានមនុស្សប្រុសមកស្រលាញ់ឡើយ។
៥.សេពគប់មនុស្សល្អៗ
អ្នកល្អៗ គេប្រាកដជាស្វែងរកអ្នកល្អដូចគ្នា។ មានគូស្នេហ៍ខ្លះបានជួបគ្នា ព្រោះតែមិត្តភ័ក្ដិបានណែនាំ ហើយនោះក៏ព្រោះតែពួកគេគិតថា អ្នកល្អគ្រប់គ្រាន់ ដើម្បីណែនាំដល់មិត្តមួយទៀត។
៦.សម្ដីថ្លៃថ្នូរ
ពាក្យចាស់ពោលថា «សម្ដីសជាតិ មារយាទសពូជ» មនុស្សប្រុសគ្រាន់តែឮសម្ដីសំដៅអ្នកនិយាយ អាចដឹងបានថា គ្រួសារមានស្ថានភាពបែបយ៉ាងម៉េចទៅហើយ៕
ចុចអាន៖ស្រីៗបើនៅតែបន្តទម្លាប់បែបនេះទៀត កុំថាប្រុសៗចិត្តដាច់ឲ្យសោះ