អ្នកណាចូលចិត្តញ៉ាំពោតខ្លះ? អ៊ីចឹងគួរតែដឹងពីអត្ថប្រយោជន៍ទាំងនេះ

2018-06-06 10:00:00
ចំនួនមតិ 0 | ចំនួនចែករំលែក 0

សព្វថ្ងៃនេះ មនុស្សភាគច្រើន នៅពេលឃ្លានបែរជាចូលចិត្តញ៉ាំអាហារមានជាតិស្ករ ជាតិខ្លាញ់ដែលអាចបណ្ដាលឲ្យធាត់យ៉ាងងាយ និងប៉ះពាល់សុខភាពទៀតផង។ ប៉ុន្តែសម្រាប់អ្នកដែលចូលចិត្តញ៉ាំពោតវិញ មិនត្រឹមតែគ្មានបញ្ហាអីនោះទេ ថែមទាំងអាចទទួលបានអត្ថប្រយោជន៍ជាច្រើនពីផ្លែពោតទៀតផង៖

*អត្ថប្រយោជន៍សម្រាប់ស្បែក

១. ជួយពន្យារភាពចាស់

បើអ្នកចង់ឲ្យសម្រស់មើលទៅនៅតែក្មេងជាងវ័យ ពោតអាចជួយបាន ព្រោះវាមានផ្ទុកនូវសារធាតុប្រឆាំងអុកស៊ីតកម្ម ដែលអាចទប់ស្កាត់ភាពចាស់យ៉ាងមានប្រសិទ្ធភាព។

២. ជំនួយស្បែក

ជាតិរ៉ែ និងវីតាមីននៅក្នុងពោតមានតួនាទីយ៉ាងសំខាន់ ដែលអាចជួយធ្វើឲ្យស្បែកមានភាពភ្លឺរលោង ព្រមទាំងមានសុភាពល្អ។

៣. ព្យាបាលស្នាមមុននៅលើមុខ

ពោតសម្បូរទៅដោយ វីតាមីន E ហើយវាមានជាតិម្សៅម្យ៉ាង ដែលអាចចូលទៅលុបបំបាត់ស្នាមមុន នៅលើមុខ។

*អត្ថប្រយោជន៍សម្រាប់សក់

៤. ជំរុញចលនាឈាមលើស្បែកក្បាល ឲ្យដើរស្រួល

ពោតមានជាតិប្រេងជួយជំរុញចលនាឈាមលើស្បែកក្បាល និងធ្វើឲ្យឫសសក់មានសភាពរឹងមាំជាងមុន។

៥. ការពារសរសៃសក់

វីតាមីន C និងសារធាតុប្រឆាំងអុកស៊ីតកម្មជាច្រើនមានមុខងារជួយធ្វើឲ្យសរសៃសក់រឹងមាំ និងការពារមិនឲ្យសក់ជ្រុះ។

*អត្ថប្រយោជន៍សម្រាប់សុខភាព

៦. ទប់ស្កាត់មិនឲ្យមានជំងឺស្លេកស្លាំង

ពោតសម្បូរទៅដោយវីតាមីន B ១២ ជាតិដែក និងអាស៊ីដហ្វូលីក បើអ្នកខ្វះនូវសារធាតុទាំងនេះ វាជាមូលហេតុដែលបង្កឲ្យមានជំងឺស្លេកស្លាំង។

៧. កាត់បន្ថយជាតិកូលេសស្រ្តរ៉ូល Cholesterol

ជាតិសរសៃហ្វាយបឺរ (Fiber) អាចរលាយទៅជាជែល (Gel) ចូលទៅស្រូបជាតិខ្លាញ់ នៅក្នុងចរន្តឈាម និងអាចគ្រប់គ្រងកម្រិតនៃកូលេសស្រ្តរ៉ូលបានយ៉ាងល្អ។

៨. ជំនួយភ្នែក

ពោតមានសារធាតុ បេតាការ៉ូទីន វីតាមីន A ដែលអាចជួយឲ្យភ្នែកភ្លឺ។

៩. ផ្តល់ថាមពល

ញ៉ាំពោតមួយផ្លែ អាចផ្តល់ថាមពលដល់រាងកាយបានច្រើនជាងការញ៉ាំបន្លែដទៃទៀត ដូច្នេះហើយបានជាអ្នកហាត់កាយប្រាណភាគច្រើនចូលចិត្តញ៉ាំពោត ដើម្បីជំនួយកម្លាំង។

១០. ជំនួយបេះដូង

វាមានសារធាតុអូមេហ្គា ៣ ដែលអាចទប់ស្កាត់ខ្លាញ់រុំបេះដូង និងជំងឺគាំងបេះដូង។

១១. ការពារមិនឲ្យកើតជំងឺទឹកនោមផ្អែម

វីតាមីន B ចូលទៅបម្លែងជាតិប្រូតេអ៊ីន លីពីត កាបូនអ៊ីដ្រាត និងកម្ចាត់អាំងស៊ុយលីន មិនបណ្តាលឲ្យអ្នកកើតជំងឺទឹកនោមផ្អែម និងអាចជួយការពារបានទៀតផង។

១២. ល្អសម្រាប់ប្រព័ន្ធរំលាយអាហារ

វាអាចជួយក្នុងការកិនរំលាយអាហារ ការពារមិនឲ្យទល់លាមក ហើយបើអ្នករាករូសពេលបានញ៉ាំពោត នឹងមានអារម្មណ៍ប្រសើរជាងមុន។

១៣. ល្អសម្រាប់អ្នកមានផ្ទៃពោះ

ពោតមានជាតិអាស៊ីដហ្វូលីកខ្ពស់ ល្អចំពោះសុខភាពស្រ្តីកំពុងមានផ្ទៃពោះ ដែលមិនគួរមើលរំលង។

ចុចអានបន្ត៖

ប្រភព៖ Stylecraze ប្រែសម្រួល៖ ដេត ឈុនអ៉ី

ពាក្យទាក់ទង

សុខភាព

ភ្ជាប់ទំនាក់ទំនងជាមួយ Kanha

អត្ថបទពេញនិយម

សញ្ញាទាំង៧ បង្ហាញថាអ្នកមានផ្ទៃពោះ អ្នកម្តាយថ្មីថ្មោងអាចពិបាកដឹងបន្តិចហើយ

កុំនិយមដាក់ឈ្មោះកូនជាភាសាបរទេសពេក មកមើលឈ្មោះខ្មែរ ពិរោះៗ ហើយមានអត្ថន័យល្អៗទៀត

ឈ្មោះកូនប្រុសស្រីពីរោះៗមានន័យល្អដែលពេញនិយមបំផុតប្រចាំប្រទេសនីមួយៗ

ដុំពក ឬកូនកណ្តុរនៅទីតាំង៤នេះ គឺមិនប្រក្រតីហើយ ព្រោះជាសញ្ញាព្រមាននៃជំងឺមហារីក

តើជំងីសិរមាន់នៅតំបន់រន្ធបាត អាចឆ្លងតាមរបៀបណាខ្លះ?

នេះគឺជាមូលហេតុធំ ធ្វើឲ្យមុនចេះតែកើតមាននៅលើចង្ការបស់អ្នក

ហេតុអ្វីវិតាមីនសេ សំខាន់សម្រាប់ការរស់នៅរបស់អ្នក?

អត្ថបទថ្មី

បើម៉ាក់ៗធ្វើរឿងទាំង៥នេះ មិនខ្វះទឹកដោះទេ កូនមានសុខភាពល្អ ហើយម្តាយក៏ទំនេរ

មិនគួរ មើលរំលងការថែទាំស្បែកមុខពេលជួបបញ្ហាតិចតួចអាចបណ្តាលឲ្យស្បែកខូច

តើជំងីសិរមាន់នៅតំបន់រន្ធបាត អាចឆ្លងតាមរបៀបណាខ្លះ?

ហេតុអ្វីវិតាមីនសេ សំខាន់សម្រាប់ការរស់នៅរបស់អ្នក?

គន្លឹះល្អៗ៣យ៉ាង គួរអនុវត្តន៍ជារៀងរាល់ថ្ងៃ ដើម្បីជួយពង្រឹងភាពស៊ាំឲ្យរឹងមាំ

មកដឹងមូលហេតុ និងគន្លឹះដើម្បីជួយម្តាយកុំឲ្យហើមជើង ពេលមានផ្ទៃពោះ

មកដឹងមូលហេតុ សក់ស្កូវមុនអាយុ និងវិធីថែទាំដើម្បីកាត់បន្ថយ