គួរទម្លាប់ញ៉ាំតែបៃតងពីឥឡូវ ព្រោះក្រៅពីស្រកទម្ងន់ វានៅមានអត្ថប្រយោជន៍ច្រើនទៀត

2018-05-28 05:23:00
ចំនួនមតិ 0 | ចំនួនចែករំលែក 0

តែបៃតងមិនត្រឹមតែជាភេសជ្ជៈមួយដែលកំពុងពេញនិយមទេ វាថែមទាំងអាចជួយរក្សារូបរាង សម្រកទម្ងន់បានទៀតផង។ លើសពីនេះតែបៃតងនៅមានអត្ថប្រយោជន៍ជាច្រើនទៀតដែលអ្នកមិនគួររំលង ព្រោះអាចជួយទប់ស្កាត់នឹងជំងឺជាច្រើនដូចខាងក្រោម ៖

១. ស្រកទម្ងន់

សម្រាប់អ្នកដែលចង់ស្រកទម្ងន់ គួរតែទទួលទានតែបៃតង ព្រោះវាអាចរំលាយអាហារបានយ៉ាងល្អ ដែលអាចជួយដុតបំផ្លាញកាឡូរី និងសារជាតិខ្លាញ់ដែលមិនល្អពីក្នុងរាងកាយយើង។

រូបតំណាង

**២. ប្រឆាំងនឹងជំងឺទឹកនោមផ្អែម**

តែបៃតងជួយរក្សាកម្រិតជាតិស្ករ និងបញ្ចុះការកើនឡើងនៃជាតិស្ករក្នុងឈាមក្រោយពេលដែលយើងទទួលទាន។ លើសពីនេះវាអាចរារាំងការកើនឡើងនូវជាតិអាំងស៊ុយលីន និងការផ្ទុកសារជាតិខ្លាញ់ក្នុងខ្លួនយើង។

៣. ប្រឆាំងនឹងជំងឺបេះដូង

ជួយរក្សាឲ្យយើងស្ថិតនៅក្នុងស្ថានភាពប្រសើរមួយដែលអាចទប់ទល់នឹងការផ្លាស់ប្ដូរនៃសម្ពាធឈាម ដើម្បីធ្វើឲ្យបេះដូងយើងមានដំណើរការល្អ ហើយវាថែមទាំងអាចការពារនឹងការបង្កើតនៃការកកឈាមដែលជាមូលហេតុចម្បងនៃការគាំងបេះដូង។

៤. ទប់ស្កាត់ជំងឺមហារីកបំពង់អាហារ

វាអាចកាត់បន្ថយហានិភ័យនៃជំងឺមហារីកបំពង់អាហារ ព្រោះសារជាតិដែលមាននៅក្នុងតែបៃតងអាចសម្លាប់កោសិកាមហារីកទូទៅក្នុងជាលិកាដែលធ្វើឲ្យជាលិកាយើងមានសុខភាពល្អ។

៥. កាត់បន្ថយកូឡេស្តេរ៉ុល

ជួយកាត់បន្ថយកូឡេស្តេរ៉ុលអាក្រក់ដែលមានក្នុងឈាម និងធ្វើឲ្យមានសមាមាត្រនៃកូឡេស្តេរ៉ុលប្រសើរឡើង។

៦. ជំនួយកោសិកាខួរក្បាល

តែបៃតងបានការពារកោសិកាខួរក្បាលពីការស្លាប់ និងស្ដារឡើងវិញនូវកោសិកាខួរក្បាលណាដែលខូចខាតឲ្យទៅជាប្រសើរឡើងវិញ។

៧. ការពារជំងឺពុកធ្មេញ

ការសិក្សាបានបង្ហាញថាសារធាតុដែលមានក្នុងតែបៃតងអាចប្រឆាំងអុកស៊ីតកម្ម និងសារធាតុគីមី ហើយ អាចបំផ្លាញបាក់តេរីនិងមេរោគដែលបង្កឲ្យមានការឆ្លងមេរោគបំពង់ក ធ្មេញ និង មាត់ធ្មេញ។

៨. សម្រួលដល់សម្ពាធឈាម

ការទទួលទានតែបៃតងត្រូវបានគេដឹងថាអាចកាត់បន្ថយបន្ថយហានិភ័យនៃការមានសម្ពាធឈាមខ្ពស់។

៩. ព្យាបាលជំងឺធ្លាក់ទឹកចិត្ត

Theanineគឺអាស៊ីដអាមីណូដែលបានរកឃើញនៅក្នុងស្លឹកតែ ដែល វាជាសារធាតុដែលធ្វើឲ្យយើងមានអារម្មណ៍ធូរស្រាល ស្រស់ថ្លា និងអត្ថប្រយោជន៍ជាច្រើនទៀតចំពោះអ្នកផឹកតែនេះ។

១០. ប្រឆាំងមេរោគនិងបាក់តេរី

តែបៃតងអាចសម្លាប់មេរោគ និងបាក់តេរីដែលមានក្នុងខ្លួនយើង ហើយវា មានប្រសិទ្ធិភាពសម្រាប់ការព្យាបាលជំងឺ ឱកាសនិយមជាច្រើនទៀត។

១១. ថែរក្សាស្បែក

តែបៃតងអាចជួយបំបាត់ស្នាមជ្រីវជ្រួញ និងកោសិកាចាស់ៗដែលបណ្ដាលឲ្យអ្នកចាស់មុនអាយុ។ មិនតែប៉ុណ្ណោះវាជួយទប់ស្កាត់កម្ដៅថ្ងៃដែលធ្វើឲ្យស្បែកយើងខូចទៀតផង៕