៥វិធីចងជើងគេ ឲ្យស្រលាញ់អ្នកគ្មានថ្ងៃប្រែប្រួលចិត្ត

2018-05-28 03:46:21
ចំនួនមតិ 0 | ចំនួនចែករំលែក 0

ផិតក្បត់គឺជាបញ្ហាដែលងាយកើតឡើងមែនទែនក្នុងរឿងមនោសញ្ចេតនាបច្ចុប្បន្ន។ ដើម្បីរក្សាស្នេហារបស់ខ្លួនឲ្យគង់វង្ស ក្រៅពីចិត្តស្មោះដែលមានចំពោះគេនោះ យើងក៏ត្រូវមានតិចនិកដើម្បីចងគេដូចគ្នា។

១. ដោះស្រាយរាល់បញ្ហាតូចៗរវាងអ្នកទាំង២

បញ្ហាតូចៗច្រើន ផ្គុំចូលគ្នានឹងក្លាយទៅជាបញ្ហាធំដុំ។ ពេលរឿងដដែលកើតឡើងរហូត គេនឹងមានអារម្មណ៍ថាហត់នឿយ ហើយចង់រំដោះខ្លួនចេញពីចំណងស្នេហ៍មួយនេះ ព្រោះបើឈានចូលកាលៈទេសៈនេះហើយ គេនឹងមានអារម្មណ៍ថាវាជាការជំពាក់បំណុលច្រើនជាងជាមនោសញ្ចេតនា។

២. ទុកឲ្យគេជាអ្នកតាមស្រលាញ់អ្នកមុន

គេតែងនិយាយថា អ្វីដែលងាយយកបាន ក៏ងាយបាត់ទៅវិញដែរ។ ដូចនេះនៅពេលចាប់ផ្ដើមដំបូង ទោះបីជាមានអារម្មណ៍លើគេដែរ ក៏គួរទុកឲ្យគេជាអ្នកសាសងអ្នកមុន ដើម្បីប្រសិនបើថ្ងៃក្រោយ គេចង់មានចិត្តវៀចវេរ នឹងស្ដាយពីកម្លាំងកាយចិត្ត ដែលធ្លាប់ចំណាយចេញមកទម្រាំតែបានយើង។

៣. សាកសួរចិត្តគេ

នៅពេលនៅជាមួយគ្នាតែ២នាក់ អ្នកអាចធ្វើសាកសួរគេបាន ពីប្រធានបទនៃការផិតក្បត់។ ប្រសិនបើគេគ្មានប្រតិកម្មអ្វីនឹងរឿងនេះទេ ពោលគឺគេគិតថា ផិតក្បត់ក៏គ្មានបញ្ហា អ្នកត្រូវបម្រុងចិត្តឲ្យហើយ ព្រោះគេក៏ស្ថិតក្នុងចំណោមដែលអាចក្បត់បានដែរ ព្រោះគេគិតថាសកម្មភាពនេះគ្មានទោសឡើយ។

៤. ស្មោះដាក់គេមុន

អ្នកមិនអាចរំពឹងឲ្យគេស្មោះជាមួយយើង នៅពេលយើងមិនស្ម័គ្រជាមួយគេបានឡើយ។ ស្មោះត្រង់នឹងគេ តាំងពីរឿងតូចបំផុត ដើម្បីឲ្យគេទុកចិត្តយើង។ ឧទាហរណ៍ថា អ្នកចាស់ ចង់ធ្វើជាមិត្តភ័ក្ដិធម្មតាជាមួយអ្នក យើងអាចសាកសួរគេថា អាចឬអត់ នេះបង្ហាញឲ្យឃើញថាយើងច្បាស់លាស់នឹងគេ ហើយក៏ចង់ឲ្យគេធ្វើដូចនេះដែរ។

៥. មានជីវិតផ្ទាល់ខ្លួន

គេថាចង់ចងឲ្យជាប់ គឺត្រូវចេះលែងឲ្យរលុងខ្លះ។ រឿងស្នេហាក៏ដូចគ្នាដែរ យើងកុំធ្វើដូចជីវិតនេះមានតែគេពេក ត្រូវរស់ឯករាជ្យខ្លះ ដើម្បីបង្ហាញឲ្យគេដឹងថា យើងក៏មានជម្រើសផ្ទាល់ខ្លួនពេលគ្មានគេ ទើបគេមិនអំនួតថា យើងរស់បានតែពេលមានគេ បើមិនដូចនេះទេ គេនឹងមិនឲ្យតម្លៃយើងឡើយ៕

ចុចអាន៖

ប្រភព៖ Spiceee ប្រែសម្រួល៖ Caramel