សញ្ញាទាំង ៧ បង្ហាញថា មិត្តប្រុសស្រលាញ់អ្នកខ្លាំងជាងអ្វីៗទាំងអស់ក្នុងលោកនេះ
- 2018-04-30 03:13:28
- ចំនួនមតិ 0 | ចំនួនចែករំលែក 0
សញ្ញាទាំង ៧ បង្ហាញថា មិត្តប្រុសស្រលាញ់អ្នកខ្លាំងជាងអ្វីៗទាំងអស់ក្នុងលោកនេះ
បើសង្កេតឃើញថាមិត្តប្រុសមានចំណុចទាំងនេះ អ្នកពិតជាមនុស្សស្រីមហាសំណាងហើយ ព្រោះគាត់ស្រលាញ់អ្នកជាងអ្វីៗទាំងអស់ក្នុងលោកនេះ។ ៧ ចំណុចនេះមាន៖
១.មិនលាក់បាំងរឿងអ្វីសោះ
ប្រសិនបើមិត្តប្រុសមិនលាក់អ្វីពីអ្នកសោះ សូម្បីតែរឿងអាថ៌កំបាំងផ្ទាល់ខ្លួន ឬរឿងគ្រួសារនោះវាពិតជាសញ្ញាល្អណាស់។ ភាពបើកចំហនៅក្នុងទំនាក់ទំនង គឺជាចំណុចរួមមួយដែលជួយឲ្យស្នេហាឈានដល់គោលដៅជីវិត គឺការរៀបការ។
២.ស្ដាប់ដោយភាពអត់ធ្មត់ចំពោះអ្វីដែលអ្នកនិយាយ
ពេលអ្នកមានបញ្ហា ហើយទៅរៀបរាប់ប្រាប់គាត់ គាត់ស្ដាប់អ្នកយ៉ាងប្រុងប្រយ័ត្ន និងមានភាពអត់ធ្មត់បំផុត។ គាត់តែងតែស្ដាប់អ្វីដែលអ្នកនិយាយដោយការយកចិត្តទុកដាក់ទាំងស្រុង ព្រោះចង់ចែករំលែកការលំបាកអ្នក។
៣.ដឹងពីជីវិតឯកជនរបស់គាត់
អ្នកពិតជាមានសំណាងណាស់បើអ្នកគឺជាមនុស្សតែម្នាក់គត់ដែលស្គាល់អ្វីគ្រប់យ៉ាងអំពីរូបគាត់។ នេះបង្ហាញថា គាត់មានជំនឿខ្លាំងចំពោះអ្នក និងប្រហែលជាច្រើនជាងអ្វីៗផ្សេងទៀតនៅក្នុងពិភពលោក។
៤.បង្ហាញជាសាធារណៈនូវអ្វីដែលគាត់ស្រលាញ់អ្នក
គាត់ហ៊ានប្រកាសប្រាប់ពិភពលោកនេះថា អ្នកជាសង្សារ ដោយមិនលាក់លៀមអ្វីឡើយ ព្រោះចង់ឲ្យអ្នកដទៃដឹងឮ។ គាត់និយាយទៅកាន់អ្នកដោយក្ដីស្រលាញ់ និងការគោរពទោះជានៅពីរនាក់ នៅទីសាធារណៈ ឬនៅជាមួយមិត្តភ័ក្ដិ និងគ្រួសារជាដើម។
៥.មិនបង្ខំអ្នកឲ្យធ្វើអ្វីនោះទេ
បុរសម្នាក់នោះនឹងមិនបង្ខំអ្នកឲ្យធ្វើអ្វី ដើម្បីបំពេញបំណងខ្លួនគាត់ឡើយ។ គាត់តែងតែសុំឲ្យអ្នកធ្វើអ្វីមួយ ឬប្រាប់អ្នកគិតពីការងារដែលគាត់បានប្រាប់អ្នក។ ប្រសិនបើគាត់ស្រលាញ់អ្នកច្រើនជាងអ្វីផ្សេងទៀតនោះ គាត់នឹងផ្ដល់ឲ្យអ្នកនូវកន្លែងទំនេរគ្រប់គ្រាន់ ដើម្បីដឹកនាំជីវិតតាមរបៀបផ្ទាល់ខ្លួនរបស់អ្នក។
៦.តែងតែរកពេលវេលាដើម្បីនៅក្បែរអ្នក
គាត់តែងតែត្រៀមខ្លួនរួចរាល់ ដើម្បីនៅជាមួយអ្នក ហើយដោះស្រាយបញ្ហាណាមួយដែលអ្នកកំពុងជួបប្រទះ។ គាត់ ជាបុរសតែម្នាក់គត់សួរអំពីអារម្មណ៍ និងសុខភាពរបស់អ្នករៀងរាល់ព្រឹក និងយប់ និយាយរួមគឺដៃគូអ្នកពិតជាបារម្ភពីអ្នក។
៧.អ្នកអាចប្រើរបស់របរគាត់បាន
មិនថាទូរសព្ទ កាបូបលុយ គ្រឿងសម្អាង ឬសម្លៀកបំពាក់គាត់ គឺអ្នកអាចប្រើប្រាស់បានដោយសេរី ហើយម្ចាស់គេពិតជារីករាយ៕
ចុចអាន៖រឿងដែលនារីៗត្រូវគិតពិចារណា មុនសម្រេចចិត្តគេងជាមួយបុរសណាម្នាក់