ហេតុផលបែកគ្នាទាំង៦ដែលគ្រាន់តែឮហើយ ហួសចិត្តចង់ដាច់ផ្ងារ
- 2018-04-30 03:19:57
- ចំនួនមតិ 0 | ចំនួនចែករំលែក 0
ហេតុផលបែកគ្នាទាំង៦ដែលគ្រាន់តែឮហើយ ហួសចិត្តចង់ដាច់ផ្ងារ
ពេលចង់បែកគ្នាហើយ ហេតុផលអ្វីក៏អាចនិយាយចេញមកបានដែរ។ ដូចពាក្យតែងពោលថា ពេលអស់ស្នេហាហើយ ហេតុផលគ្រាន់តែជាលេសតែប៉ុណ្ណោះ។ បើពេលស្ដាប់ ត្រៀមអារម្មណ៍មិនបានស្រួលទេប្រយ័ត្នដាច់ផ្ងារពេលស្ដាប់ហេតុផលបែកគ្នាខាងក្រោមនេះ។
១. គ្រូទាយប្រាប់ថាត្រូវបែកគ្នា
មូលហេតុនេះត្រូវបានប្រើភាគច្រើននៅពេលគ្រួសារម្ខាងទៀតមិនពេញចិត្តដៃគូរបស់កូនខ្លួន។ ពួកគាត់យកលេសថាឆ្នាំអ្នកទាំង២ឆុងគ្នា មិនអាចនៅជាមួយគ្នាបាន ដូចនេះត្រូវតែបែកគ្នា។
២. មានមូលហេតុតែនិយាយចេញអត់បាន
មិនដឹងជាមកពីមូលហេតុអ្វីទើបពិបាកនិយាយចេញដល់ថ្នាក់នេះ។ គាត់ថាគាត់មានមូលហេតុតែនិយាយចេញមិនកើត។
៣. ចង់ឲ្យអូនល្អ
គេថាបែកពីគេដើម្បីឲ្យយើងមានអនាគតល្អជាងមុន ព្រោះគេជាមនុស្សមិនល្អ។ ឆ្ងល់ដែរ ចុះពេលមកសុំស្រលាញ់ឯងដំបូង មិនព្រមថាខ្លួនមិនល្អទៅ?
៤. ទៅរកអ្នកថ្មីល្អជាងបងទៅ
គេថាយើងល្អពេក មិនស័ក្ដិសមនឹងមនុស្សអន់ដូចគេ។ អីចឹងបានថា ពេលចង់បែកហើយ និយាយអីក៏បានពិតមែន។
៥. ហ្គេមសំខាន់ជាងសង្សារ
ពេលខាងប្រុសលេងហ្គេមស្ទើរតែ២៤ម៉ោងក្នុង១ថ្ងៃនោះ ខាងស្រីគ្មានជម្រើសអ្វីក្រៅពីឲ្យសង្សាររើសយករវាងខ្លួន និងហ្គេមឡើយ។ ហើយបើខាងប្រុសនៅតែយកហ្គេមទៀតនោះ បែកគ្នាគ្មានគួរឲ្យឆ្ងល់ឡើយ។
៦. ការងារសំខាន់ជាងស្នេហា
កាលមិនទាន់មានការងារធ្វើ គេធ្វើដូចសង្សារគឺជាអ្វីៗគ្រប់យ៉ាង។ តែដល់ពេលការងារហើយ គេបែរថា មានស្នេហាធ្វើឲ្យគេមិនអាចផ្ដោតអារម្មណ៍បាន ដូចនេះត្រូវតែបែកគ្នា ទាំងដែលយើងមិនបានរំខាន ឬទាមទារអ្វីពីគេបន្តិចឡើយ ៕
ចុចអាន៖
ចង់មានជីវិតផ្ទាល់ខ្លួន និងជីវិតស្នេហាស្រស់ស្អាតព្រមគ្នា ត្រូវប្រកាន់យកចំណុចទាំងនេះ
មនុស្សស្រីមានអត្តចរិតបែបនេះ ប្រុសៗស្រលាញ់បាត់មុខមិនបាន