ធ្លាប់ទេ ឈឺចាប់ព្រោះស្រលាញ់មនុស្សដែលខ្លួនមិនគួរស្រលាញ់? អ្នកមានវិបត្តិស្នេហ៍គួរតែអាន
- 2018-05-21 07:28:50
- ចំនួនមតិ 0 | ចំនួនចែករំលែក 0
ធ្លាប់ទេ ឈឺចាប់ព្រោះស្រលាញ់មនុស្សដែលខ្លួនមិនគួរស្រលាញ់? អ្នកមានវិបត្តិស្នេហ៍គួរតែអាន
ធ្លាប់ទេ... ស្រលាញ់គេទាំងគេមានម្ចាស់ហើយ ឬ ស្រលាញ់មនុស្សពីរនាក់ក្នុងពេលតែមួយ?
បើសិនជាថ្ងៃមួយ អ្នកស្រលាញ់មនុស្សដែលមានម្ចាស់ហើយ ដោយមានសង្ឃឹមតិចៗ ថាគេអាចនឹងផ្លាស់ប្ដូរចិត្ត មកស្រលាញ់យើងខ្លះ ឬទោះបីមានអារម្មណ៍ថាខុស ដែលគិតចង់ដណ្ដើមគេមក ប៉ុន្តែក៏ចង់ក្លាយជាជម្រើសរបស់គេ...
វាមិនខុសទេ បើសិនជាយើងស្រលាញ់នរណាម្នាក់ ព្រោះគ្មាននរណាអាចឃាត់ចិត្តខ្លួនឯងបានឡើយ។ ប៉ុន្តែត្រូវធ្វើចិត្ត និងត្រៀមខ្លួនសម្រាប់ការខូចចិត្តផង។ បើហ៊ានស្រលាញ់គេ (ទាំងដែលមិនទំនងនឹងទៅរួច) នោះក៏កុំខ្លាចនឹងខូចចិត្ត។
បើគេជ្រើសរើសអ្នក នោះសូមអបអរផង ប៉ុន្តែបើគេមិនរើស សូមកុំបន្ទោសថាខ្លួនឯងមិនល្អ ឬបន្ទោសថាអ្នកណាខុស។ មនុស្សល្អ មិនមែនទាល់តែជោគជ័យក្នុងសេចក្ដីស្នេហារហូតនោះទេ។ គ្មាននរណាម្នាក់ល្អគ្រប់ដប់ ហើយក៏គ្មាននរណាម្នាក់អាក្រក់គ្រប់ដប់ដែរ។ បើចង់បន្ទោសគឺមានតែបន្ទោសពេលវេលា ដែលនាំឲ្យអ្នកជួបគ្នាយឺតពេក។
បើថ្ងៃណាមួយ អ្នកស្រលាញ់មនុស្ស ២នាក់ ហើយដល់ពេលដែលត្រូវជ្រើសរើស
ចូរបណ្ដោយឲ្យបេះដូងអ្នកជាអ្នករើស ហើយរើសយកនូវអ្វីដែលអ្នកត្រូវការ។ រើសយកអ្នកដែលបានចិត្តរបស់យើង ហើយសឹមឲ្យរាងកាយយើងទៅជាមួយដែរ ព្រោះថានៅពេលណាដែលបេះដូង និងរាងកាយរបស់យើងនៅបែកគ្នា រាងកាយរបស់យើងគឺមិនខុសពីស្លាប់ទាំងរស់នោះទេ។
រឿងស្នេហា គ្មានអ្នកណាត្រូវ អ្នកណាខុសទេ រវាងមនុស្ស៣នាក់ គឺត្រូវតែមានម្នាក់ខូចចិត្តជានិច្ច។
គ្មានទេពាក្យថាអាណិត បើថាអាណិត គួរអាណិតខ្លួនឯងសិន។ សួរខ្លួនឯងសិនថា ជ្រើសរើសគេដោយសារអាណិត តើយើងនឹងបានសុខ ឬអត់?
គ្មានទេពាក្យថាយុត្តិធម៌ អ្នកមកមុន មិនចាំបាច់ ត្រូវតែក្លាយជាម្ចាស់ ហើយអ្នកមកក្រោយ ក៏មិនបាច់ត្រូវលះបង់រហូតដែរ។
ជីវិតគឺជារបស់យើង ចូរជ្រើសរើសដោយខ្លួនឯង ដូច្នេះហើយយើងនឹងមិនបាច់បន្ទោសអ្នកណា។ យើងមានសិទ្ធិជ្រើសរើស។
យើងមិនអាចបង្ខំចិត្តនរណាម្នាក់ឲ្យស្រលាញ់ ឬមិនស្រលាញ់យើងបាននោះទេ ហើយគេក៏មិនអាចមកបង្ខំយើងបានដូចគ្នា។
ហើយកុំស្រលាញ់នរណាម្នាក់អស់ពីពោះ គួរទុកក្ដីស្រលាញ់ខ្លះឲ្យខ្លួនឯងផង ត្រឹមតែ ១%ក៏បានដែរ ទុកសម្រាប់ថ្ងៃដែលយើងត្រូវខូចចិត្ត។
“មនុស្សដែលយើងស្រលាញ់” មិនមែនជាវត្ថុទេ។ គេមានជើង ហើយយើងក៏មិនអាចចងគេទុកដោយខ្សែបានដែរ ប៉ុន្តែត្រូវចងគេដោយប្រើ “ចិត្ត”។
កុំលលេងជាមួយ ស្នេហា ពុំដូច្នោះទេ ស្នេហា នឹងលលេងជាមួយយើងវិញដូចគ្នា ៕
ចុចអាន៖
៥ វិធីជួយរម្ងាប់អារម្មណ៍ ពេលមិត្តឆក់យកសង្សារទៅបាត់
គួរបន្ត ឬក៏បញ្ចប់ បើតាមទាន់គេកំពុងលួចលាក់មានថ្មី? អត្ថបទនេះនឹងប្រាប់អ្នកពីចម្លើយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
