ពិភពលោកមនុស្ស៧ពាន់លាននាក់ ហេតុអ្វីត្រូវនៅរង់ចាំគេតែម្នាក់?

2018-05-20 02:43:14
ចំនួនមតិ 0 | ចំនួនចែករំលែក 0

ស្នេហាឈឺចាប់បំផុតមិនមែននៅពេលបែកគ្នាទេ តែជាពេលដែលយើងឈរនៅទីនេះ តែក្នុងកែវភ្នែកគេលែងមានយើង សូម្បីតែម្ដងក៏មិនដែលស្រក់ទឹកភ្នែកដើម្បីយើង។

កុំទាន់អាលប្រញាប់បន្ទោសអ្នកដែលតោងជាប់មនុស្សម្នាក់ទៀតថាជាឈ្លើង ហើយស្រលាញ់ឡើងងប់ងុល ព្រោះនៅក្នុងពិភពរបស់អ្នកដែលមានស្នេហា សម្រាប់អ្នកដែលនៅក្រៅដូចយើងនេះ នឹងមិនយល់ពីគេឡើយ។

ឈឺចាប់ដោយសាររឿងស្នេហា ទំនុកចិត្តខ្ទេចខ្ទី សុភមង្គលខ្ចាត់ខ្ចាយក៏មិនអាចធ្វើឲ្យពួកគេឈប់ស្រលាញ់គ្នាបាន។ ដឹងថាឈឺចាប់ ដឹងថាខ្លួនឯងគួរស្ដីបន្ទោស ថែមទាំងដឹងថាយើងគ្មានតំណែងអ្វីនៅក្នុងបេះដូងរបស់គេ តែយើងនៅតែមិនអាចក្លាហាននិយាយពាក្យថាបែកបាន។

ពិភពលោកនេះមានមនុស្សរាប់ពាន់លាននាក់ តែយើងនៅតែប្រឹងទន្ទឹងរង់ចាំតែម្នាក់។ មូលហេតុអ្វីបានជាធ្វើឲ្យយើងមិនអាចដោះដៃចេញពីគេបាន ទាំងដែលមិនដឹងថាទោះបីជាចំណាយពេលច្រើនយ៉ាងណាក៏គេមិនអាចវិលត្រលប់ដូចមុនបាន?

ព្រោះដោយសារតែយើងនៅក្មេង គិតថានៅមានពេលវេលាច្រើនទៀត ទោះបីជាចាំបន្តិចទៀតក៏ខាតបង់អី។ តែអ្នកត្រូវដឹងថា យុវភាពរបស់មនុស្សស្រីគឺខ្លីខ្លាំងណាស់ ធ្មេចបើកៗ យើងអាយុសាមពេលណាក៏មិនដឹង។ ទោះដឹងថារឿងមនោសញ្ចេតនាពិបាកផ្ដាច់បាន តែបើគិតថាស្នេហាមួយនេះលែងមានសង្ឃឹមផ្សះផ្សាបានហើយ សូមបណ្ដោយឲ្យគេទៅ ហើយឈប់រំពឹងទៀតទៅ។ ត្រូវយកពេលនោះ មកស្វែងរកមនុស្សម្នាក់ ដែលត្រូវការយើង ដូចយើងត្រូវការគេដែរ ទើបស័ក្ដិសម៕

ចុចអាន៖

អត្ថបទ៖ Caramel