ទោះឆោតដល់ថ្នាក់ណា ស្រីៗមិនត្រូវហែករឿងទាំងនេះឲ្យអ្នកក្រៅដឹងដែរ

2018-05-13 04:40:47
ចំនួនមតិ 0 | ចំនួនចែករំលែក 0

ក្នុងរឿងស្នេហា ពេលខ្លះក៏សប្បាយ ខ្លះក៏កើតទុក្ខ ខ្លះក៏ខឹងគ្នា។ តែទោះបីជាច្រឡោតខ្លាំងយ៉ាងណា ក៏មិនត្រូវនិយាយរឿងទាំងនេះចេញឲ្យអ្នកដទៃដឹងដែរ បើមិនចង់ឲ្យស្នេហារបស់អ្នកឈានដល់ផ្លូវបញ្ចប់ទេនោះ។

១. រឿងសង្សារឈ្លោះគ្នា

ឈ្លោះប្រកែកគ្នាក្នុងរឿងមនោសញ្ចេតនាគឺជារឿងដែលជៀសមិនផុត។ អារម្មណ៍ខឹងសម្បារពេលឈ្លោះគ្នាជាមួយសង្សារ ធ្វើឲ្យយើងចង់តែយករឿងទាំងអស់ទៅប្រាប់ឲ្យមិត្តភ័ក្ដិបានដឹងដើម្បីបន្ធូរអារម្មណ៍ខ្លះ។ បើប៉ះចំមិត្តភ័ក្ដិល្អ ផ្ដល់ដំបូន្មានវិជ្ជមានទៅមិនអីឡើយ តែខ្លាចតែប៉ះចំអ្នកសំដីអាក្រក់ និយាយចុះឡើង អ្នកទាំង២អាចបែកគ្នាក៏ថាបាន។

២. ប្រាក់ចំណូលរបស់សង្សារ

រឿងលុយកាក់គឺជារឿងរសើប មិនគួរទម្លាយឲ្យអ្នកក្រៅដឹងក្រៅពីខ្លួនឯង ជាពិសេសនេះមិនមែនជារបស់យើងផង។ ធម្មតា មិនថាប្រុសឬស្រី បើរកចំណូលបានច្រើនប្រាកដជាសប្បាយចិត្ត បើមិនទាន់បានច្រើនទេ ក៏មិនចង់ឲ្យគេដឹងឮដែរ ដូចនេះកុំឆោតទៅប្រៀបធៀបចំណូលរបស់សង្សារយើង នឹងគេឲ្យសោះ។

៣. គិតថាសង្សារខ្លួនអាក្រក់

មកដល់ចំណុចណាមួយ យើងអាចគិតថាសង្សាររបស់ខ្លួនជាមនុស្សអន់ ធ្វើអ្វីមិនកើត ឬចរិតមិនបានជាដើម។ ហើយយករឿងទាំងនេះទៅប្រាប់មិត្តភ័ក្ដិ។ តែនៅពេលដែលអ្នកទាំង២ជានាគ្នាវិញ ហើយរូបភាពរបស់សង្សារនៅក្នុងកែវភ្នែកយើងបានប្រែជាល្អឥតខ្ចោះមកវិញ តែយ៉ាងណាក្ដី រូបភាពរបស់សង្សារអ្នក នៅក្នុងកែវភ្នែករបស់មិត្តភ័ក្ដិគឺបានក្លាយជាអាក្រក់ទៅហើយ។

៤. មិត្តភ័ក្ដិអ្នកដែលសង្សារមិនចូលចិត្ត

កុំទុកឲ្យស្នេហាធ្វើឲ្យបែកបាក់មិត្តភាពឲ្យសោះ។ បើសិនជាមិត្តភ័ក្ដិអ្នកមានចំណុចត្រង់ណាដែលសង្សារយើងមិនពេញចិត្ត កុំទៅប្រាប់គេអី នាំតែគិតអាក្រក់ពីសង្សារយើង ហើយមិត្តភាពប្រេះឆាទៀត។ បើគេមិនពេញចិត្តទេ កុំរៀបចំឲ្យអ្នកទាំង២ប៉ះគ្នាទៅបានហើយ៕

ចុចអាន៖

ប្រភព៖ bestie ប្រែសម្រួល៖ Caramel