បុរសមានអារម្មណ៍ថា ខ្លួនឯងសំណាងបំផុតក្នុងលោក ពេលមិត្តស្រីធ្វើរឿង ៤ យ៉ាងនេះ

2018-04-27 02:04:45
ចំនួនមតិ 0 | ចំនួនចែករំលែក 0

តើអ្នកកំពុងស្វែងរកវិធីល្អបំផុត ដើម្បីធ្វើឲ្យមិត្តប្រុសមានអារម្មណ៍ពិសេសដែរឬទេ? បើដូចនេះមែន កញ្ញា សូមបង្ហាញជូនមិត្តនារីនូវវិធីធ្វើឲ្យដៃគូមានអារម្មណ៍ថា គាត់ពិតជាមានសំណាងបំផុតក្នុងលោកនេះ៖

១.រកមូលហេតុដើម្បីសរសើរ

បុរសទោះមិនសូវស៊ីជោរ ក៏មានចិត្តរំភើបនឹងពាក្យសរសើរដែរ។ ដូចនេះអ្នកត្រូវតែចេះប្រើពាក្យលើកទឹកចិត្តឲ្យបានត្រឹមត្រូវ តែចាំពេលណាគាត់ធ្វើការបានសម្រេចអ្វីមួយសិន។ អ្នកត្រូវរកវិធី ដើម្បីបង្ហាញគាត់ថា អ្នកជាមនុស្សម្នាក់ដែលតែងកត់សម្គាល់គ្រប់ពេលវេលាពីជោគជ័យរបស់គាត់ នោះបុរសពិតជាមានអារម្មណ៍ពិសេសណាស់ក្នុងការស្ដាប់មនុស្សជាទីស្រលាញ់ពោលពាក្យស្ញប់ស្ញែង។

២.បង្ហាញពីក្ដីស្រលាញ់របស់អ្នក

កុំទុកវានៅក្នុងខ្លួនអ្នក បង្ហាញវាប្រាប់ទៅមនុស្សប្រុសចុះ ដោយប្រាប់ផ្ទាល់ និងនៅជាសាធារណៈ(បង្ហោះតាម social media)។ សូមកាន់ដៃ និងឲ្យគាត់ដឹងថា អ្នកនៅជាមួយគាត់ជានិច្ច ហើយប្រាប់ពីសេចក្ដីសុខដែលអ្នកមាន។ គ្រាន់តែប្រាប់គាត់ថា អ្នកគឺជាមនុស្សស្រីសំណាងបំផុតលើផែនដី ព្រោះមានគាត់ជាដៃគូ ហើយពាក្យបួនម៉ាត់ដែលមិនគួរភ្លេចនិយាយគឺ «អូនស្រលាញ់បង»។

៣.ថែរក្សាគាត់ឲ្យបានល្អ

កុំខ្ជិលក្នុងការយកចិត្តទុកដាក់ចំពោះតម្រូវការគាត់។ បុរសជួនកាលមានភាពរញ៉េរញ៉ៃ ដោយពួកគេមិនសូវរវីរវល់នឹងរឿងថែរក្សាសម្រស់ និងសុខភាពខ្លួនឯងនោះទេ ដូចនេះអ្នកគួរតែរៀបចំរបស់របរប្រើប្រាស់គាត់ឲ្យមានរបៀបរៀបរយ និងប្រាប់ពីរបៀបប្រើ។ ធ្វើវាដោយម៉ត់ចត់ ទើបមនុស្សប្រុសមានក្ដីសុខបំផុតដែលមានអ្នកនៅក្បែរ។

រូបតំណាង

**៤.ជូនរង្វាន់ដែលគាត់គាត់ស្រលាញ់**

អ្នកត្រូវដឹងអំពីការចូលចិត្ត និងមិនចូលចិត្តមនុស្សប្រុស ដូច្នេះព្យាយាមឲ្យអំណោយម្ដងម្កាលដែលគាត់ស្រលាញ់ដូចជាខោអាវកីឡា ដែលពាក់ដោយ Idol គាត់ ឬនាឡិកាជាម៉ាកល្បីជាដើម។ ទង្វើបែប នេះនឹងធ្វើឲ្យគាត់មានអារម្មណ៍ពិសេសចំពោះអ្នកកាន់តែច្រើនឡើងៗ៕

ចុចអាន៖រឿងតូចតាច ដើម្បីចងភ្ជាប់បេះដូងបុរសឲ្យស្រលាញ់យើងកាន់តែខ្លាំង មិនអាចចាកចេញបាន

ប្រភព៖ Likelovequotes ប្រែសម្រួល៖ ទ្រី រ៉ាវី