ពុះក្រូចឆ្មារជា ៤ ទុកក្នុងបន្ទប់គេង និងផឹកទឹករាល់ថ្ងៃ អ្នកនឹងទទួលបានប្រយោជន៍ហួសស្មានទាំងនេះ
- 2018-05-11 04:30:00
- ចំនួនមតិ 0 | ចំនួនចែករំលែក 0
ពុះក្រូចឆ្មារជា ៤ ទុកក្នុងបន្ទប់គេង និងផឹកទឹករាល់ថ្ងៃ អ្នកនឹងទទួលបានប្រយោជន៍ហួសស្មានទាំងនេះ
ក្រូចឆ្មារ គឺជាបន្លែមានសុខភាពល្អបំផុត ដែលមនុស្សគ្រប់គ្នាអាចទទួលទានបាន ព្រោះវាផ្ដល់នូវអត្ថប្រយោជន៍ច្រើនរាប់មិនអស់ ហើយអាចធ្វើឲ្យជីវិតរបស់អ្នកមានភាពស្រស់ស្រាយ។ ហេតុដូច្នេះហើយការទុកក្រូចឆ្មារនៅក្នុងបន្ទប់គេង នឹងផ្ដល់គុណសម្បត្តិជាច្រើនដូចខាងក្រោម:៖
១.ដាក់ក្រូចឆ្មារនៅលើតុក្បែរគ្រែ ដើម្បីធ្វើឲ្យបន្ទប់គេងស្រស់ស្រាយឡើង ហើយបង្កើនការដកដង្ហើម និងបន្សុទ្ធខ្យល់បានល្អទៀតផង។
២.វាជួយព្យាបាលជំងឺផ្ដាសាយ អាឡែរហ្សី និងជំងឺហឺតផងដែរ ហើយកាត់បន្ថយការស្ទះរន្ធច្រមុះ ព្រមទាំងកាត់បន្ថយភាពតានតឹង។ ធ្វើបែបនេះ ក៏អាចជួយឲ្យមានការដកដង្ហើមស្រួលពេញមួយយប់ និងប្រយុទ្ធប្រឆាំងការគេងមិនលក់។
៣.បន្ទាប់ពីស្រូបយកជាតិក្លិនក្រអូបឆ្ងុយរបស់ក្រូចឆ្មាររាងកាយនឹងមានភាពស្ងប់ស្ងាត់ ខួរក្បាលស្រឡះល្អ ហើយអ្នកអាចបង្កើនការប្រុងស្មារតីបានខ្ពស់ទៀតផង។
ទឹកក្រូចឆ្មារ
១.ម៉្យាងវិញទៀតការផឹកទឹកក្រូចឆ្មារមួយកែវនៅពេលព្រឹកនឹងជួយអ្នកបង្កើនប្រព័ន្ធភាពស៊ាំ ជួយចលនាពោះវៀន និងប្រយុទ្ធប្រឆាំងនឹងជំងឺទូទៅដូចជាជំងឺផ្ដាសាយ ឬគ្រុនជាដើម។
២.ផឹកទឹកក្រូចឆ្មារជួយបន្សុទ្ធរាងកាយ និងជួយរំលាយអាហារ ព្រោះជាតិ pectin វាមានផ្ទុកនូវជាតិសរសៃដែលបង្កើតបានជាអារម្មណ៍ឆ្អែត។ លើសពីនេះទៀតទឹកទឹកក្រូចឆ្មារ នឹងជួយឲ្យអ្នកទទួលបានស្បែករលោង និងមានសុខភាពល្អដោយមិនមានភាពមិនប្រក្រតី។
៣.ទឹកក្រូចគឺជាមធ្យោបាយធម្មជាតិ ដើម្បីបង្កើនកម្រិតថាមពលរបស់អ្នក និងធ្វើឲ្យអារម្មណ៍កាន់តែប្រសើរឡើងផងដែរ។ ដូចគ្នានេះផងដែរការបន្ថែមដំណក់ទឹកក្រូច ២-៣តំណក់ក្នុងតែ វានឹងបំផ្លាញបាក់តេរី បំបាត់ការឈឺបំពង់ក និងធ្វើឲ្យធូរស្រាលការរលាក។
ដូច្នេះចូរចាប់ផ្ដើមផឹកទឹកក្រូចរាល់ព្រឹក ហើយដាក់ក្រូចឆ្មារមួយចំនួននៅក្បែរគ្រែរបស់អ្នកនៅក្នុងបន្ទប់ដេក នោះលោកអ្នកនឹងទទួលបានអត្ថប្រយោជន៍ទាំងនេះក្នុងពេលឆាប់ៗ៕