ពេលកូនតូចហើមពោះយប់ព្រលប់ មានក្រូចសើច+ខ្ទឹមសប្រើជំនួសប្រេងកូឡា បាត់ដូចគេបេះ
- 2018-05-04 06:00:00
- ចំនួនមតិ 0 | ចំនួនចែករំលែក 0
ពេលកូនតូចហើមពោះយប់ព្រលប់ មានក្រូចសើច+ខ្ទឹមសប្រើជំនួសប្រេងកូឡា បាត់ដូចគេបេះ
នៅពេលកូនតូចមានបញ្ហាដូចជា ហើមពោះ មិនដើរខ្យល់ ឬមិនជុះជាដើម ក្រៅពីទៅរកពេទ្យ ឬទិញថ្នាំឲ្យកូន អ្នកអាចសាកល្បងវិធីបុរាណនេះ ដោយបុកថ្នាំលាបផ្សំពី ក្រូចសើច និងខ្ទឹមស។
អ្នកស្រី ផល្លា សុម៉ាលីណា ជាគ្រូបង្រៀននៅសាលាគរុកោសល្យកំពង់ចាម ដែលមានកូនតូចបានចែករំលែកបទពិសោធន៍ផ្ទាល់ខ្លួនដោយបានប្រើវិធីបុរាណនេះមកកែខៃអាការហើមពោះកូនថា ពិតជាមានប្រសិទ្ធភាពខ្ពស់និងងាយស្រួលធ្វើ។
គ្រឿងផ្សំ៖
១. ក្រូចសើច ២ ផ្លែ
២. ខ្ទឹមសមួយកំពឹស
៣. អំបិលមួយចឹប
វិធីធ្វើ
១. ហាន់ក្រូចសើច និងខ្ទឹមស ជាចំណិតស្ដើងៗ រួចដាក់ដាក់អំបិលច្របល់ចូលគ្នាយកទៅចំហុយ ១០ ទៅ ១៥នាទី។
២. កិនឲ្យម៉ត់ទុកក្នុងក្រឡដូចជាឱសថ (ប្រើជំនួសប្រេងកូឡា) ទុកលាបឲ្យកូនតូច។
៣. លាបហើយរុំឲ្យជិត សង្កេតមើលបើកូនដើរខ្យល់នោះនឹងស្រួលខ្លួនហើយ។
ចំណាំ៖
ចំហុយឆ្អិនល្អគឺប្រើរយៈពេល១៥នាទី ទើបទុកប្រើបានយូរ។
មនុស្សធំអាចប្រើបានដែរ គ្រាន់តែថែមខ្ទឹមស ៣ ទៅ ៤ កំពឹសឲ្យហឹរជាងរបស់ក្មេង។
នេះជារូបមន្តផ្សំដែលអ្នកស្រី ផល្លា សុម៉ាលីណា អះអាងថា មានប្រសិទ្ធភាពចំពោះអាការៈហើមពោះរបស់កូនគាត់តែម្ដង៕
ចុចអាន៖អាហារ ៤យ៉ាងជួយឲ្យកូនៗមានខួរក្បាលល្អ និងឆ្លាតវៃដែលឪពុកម្ដាយគ្រប់រូបមិនគួរមើលរំលង
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
