ទម្លាប់មនុស្សស្រីទាំង ៨ ដែលនាំឲ្យខូចទាំងសុខភាព និងសម្រស់

2018-04-30 01:30:00
ចំនួនមតិ 0 | ចំនួនចែករំលែក 0

ភាគច្រើននៃពួកគេគិតថា អ្វីៗទាំងអស់ដែលធ្វើនៅក្នុងទម្លាប់ប្រចាំថ្ងៃគឺត្រឹមត្រូវរួមទាំងការបរិភោគ និងការធ្វើការ ប៉ុន្តែអ្នកមិនរំពឹងថាទម្លាប់ខ្លះមានផលអាក្រក់ ដែលជាមូលហេតុធ្វើឲ្យសុខភាពទ្រុឌទ្រោម ហើយសម្រស់ក៏ថយចុះទៀត។

១.ទំពាអាហារតែម្ខាង

ក្រុមអ្នកជំនាញបានព្រមានថា ការទំពាអាហារនៅតែម្ខាងអាចបង្កឲ្យសាច់ដុំមុខរបស់អ្នករីកធំ និងមិនស្មើគ្នា។ ដូច្នេះព្យាយាមរក្សាថ្ពាល់ទាំងសងខាងឲ្យស្មើល្អ ដោយទំពាអាហារថ្គាមទាំងសងខាង។

រូបតំណាង

**២.ច្រត់ចង្កា**

មនុស្សជាច្រើនអង្គុយធ្វើការងារយូរពេក មានភាពធុញទ្រាន់ ក៏យកដៃច្រត់ចង្កា។ ប៉ុន្តែសូមព្យាយាមកម្ចាត់ទម្លាប់នេះឲ្យបានលឿនតាមដែលអាចធ្វើទៅបាន ព្រោះអ្នកជំនាញនិយាយថា វានឹងធ្វើឲ្យមុខមានបញ្ហារមាស់ អុជ រលាកសាច់ដុំ និងស្នាមជ្រួញ។

រូបតំណាង

៣.ចងចិញ្ចើម

ជារឿយៗឲ្យតែពេលខឹង នៅលើផ្ទៃមុខអាចបញ្ជាក់បានយ៉ាងច្បាស់ដោយសារការចងចិញ្ចើមនេះឯង។ ទោះជាយ៉ាងណាក៏ដោយ សូមព្យាយាមធ្វើឲ្យខ្លួនឯងរីករាយ ដើម្បីរក្សាមុខរបស់អ្នកឲ្យនៅតែស្រស់ស្អាត ព្រោះថាពេលចងចិញ្ចើម ថ្ងាស នឹងលេចឡើងស្នាមជ្រួញ។

រូបតំណាង

៤.មិនប្រើវ៉ែនតា

មនុស្សមួយចំនួនតូចប៉ុណ្ណោះដែលដឹងថាស្បែកនៅជុំវិញភ្នែក គឺស្ដើង ដូច្នេះវាងាយនឹងបង្កើតស្នាមជ្រួញ ឬរង្វង់ភ្នែកខ្មៅនៅពេលមិនបានការពារត្រឹមត្រូវ។ នៅក្រោមឥទ្ធិពលនៃពន្លឺព្រះអាទិត្យស្បែកត្រូវបានខូចខាតខ្លាំង ដូច្នេះសូមអនុវត្តទម្លាប់ប្រើវ៉ែនតាពេលចេញទៅក្រោមពន្លឺព្រះអាទិត្យ។

រូបតំណាង

៥.ការប្រើកុំព្យូទ័រ និងទូរសព្ទញឹកញាប់

ពួកវាមានផ្ទុកវិទ្យុសកម្ម ដែលអាចប៉ះពាល់ដល់ស្បែក ខួរក្បាល នៅពេលអ្នកសម្លឹងអេក្រង់ ហើយវាក៏ធ្វើឲ្យមានស្នាមជ្រួញលើកញ្ចឹងកទៀតផង។

រូបតំណាង

៦.អង្គុយនៅក្នុងបន្ទប់ម៉ាស៊ីនត្រជាក់ខ្លាំងពេក

ប្រតិបត្តិការនៃម៉ាស៊ីនត្រជាក់នេះ គឺទាញសំណើមនៅក្នុងខ្យល់ដើម្បីផលិតខ្យល់ត្រជាក់ / ក្ដៅ។ ដូច្នេះស្ត្រីដែលអង្គុយនៅក្នុងបន្ទប់ម៉ាស៊ីនត្រជាក់ច្រើនពេកអាចបណ្ដាលឲ្យស្បែកបាត់បង់ជាតិសំណើម។ ប្រសិនបើអ្នកត្រូវអង្គុយនៅបន្ទប់ម៉ាស៊ីនត្រជាក់យូរពេកសូមប្រើឡេ ដើម្បីជួយស្បែកមានសំណើម។

រូបតំណាង

៧.ងូតទឹកផ្កាឈូកក្ដៅ

ការងូតទឹកផ្កាឈូកក្ដៅអាចជួយឲ្យអ្នកសម្រាក មិនបំបាត់ភាពធុញទ្រាន់ បន្ទាប់ពីធ្វើការពេញមួយថ្ងៃ។ ទោះជាយ៉ាងណាក៏ដោយទឹកក្ដៅធ្វើឲ្យស្បែកឆាប់ស្ងួត និងជ្រួញ។

រូបតំណាង

៨.គេងផ្កាប់មុខ

ការគេងផ្កាប់មុខធ្វើឲ្យស្បែកខូច ព្រោះការដាក់សម្ពាធយូរពេក។ លើសពីនេះក្រពះក៏មានបញ្ហាដែរនៅពេលដេក បែបនេះ ហើយវាក៏ធ្វើឲ្យសាច់ដុំនៅលើកញ្ចឹងក និងស្មាធ្វើការផ្គត់ផ្គង់ឈាមទៅខួរក្បាលថយចុះ៕