ក្រោយសម្ដែងរឿង F4 ១៧ ឆ្នាំ សាន់ឆាយ បែរជានិយាយថាស្អប់ទៅវិញ

2018-04-27 04:30:00
ចំនួនមតិ 0 | ចំនួនចែករំលែក 0

បន្ទាប់ពី ១៧ ឆ្នាំដែលរឿង «ស្នេហា ៤ ដួង» របស់តៃវ៉ាន់បានបញ្ចប់ទៅ តួឯកស្រី Barbie Hsu បែរជានិយាយថា នាងស្អប់ភាពជូរចត់របស់ សាន់ឆាយ ក្នុងរឿងខ្លាំងណាស់។

រឿង «Meteor Garden» ត្រូវបានទទួលអាជ្ញាប័ណ្ណដោយតៃវ៉ាន់ដំបូង និងបានប្រែក្លាយទៅជាខ្សែភាពយន្តក្នុងឆ្នាំ ២០០១ ។ ក្រោយបញ្ចាំងចប់តួអង្គដ៏ស្រស់ស្អាត និងសង្ហាទាំង ៥ ក៏ចាប់ផ្ដើមល្បីឈ្មោះទាំងវ័យក្មេង គឺ Barbie Vic Chou Jerry Yan Vanness Wu និង Ken Chu គ្របដណ្ដប់ទូទាំងអាស៊ី។។

កាលពីថ្ងៃ ២៥ មេសា កន្លងទៅនេះ តួឯកស្រីក្នុងរឿងបែរជាបង្ហាញថា នាងមិនចូលចិត្តតួអង្គរបស់ សាន់ឆាយ ដោយបានសរសេរបង្ហោះលើទំព័រ Weibo ផ្ទាល់ខ្លួន ព្រមជាមួយរូបថតចាស់មួយសន្លឹកដែលថតជាមួយនឹងតួសម្ដែងដទៃទៀត។ តារាស្រីវ័យ ៤១ ឆ្នាំបានបន្តថា "ខ្ញុំសារភាពតាមត្រង់ខ្ញុំ ក៏ស្ទាក់ស្ទើរក្នុងការដើរតួ សាន់ឆាយ នេះដែរ។ ខ្ញុំបានប្រាប់នាយកទៀតថា នាងជាមនុស្សស្លូតណាស់ ខ្ញុំមិនចូលចិត្តនាងទេ"។

សារដែល Barbie Hsu បង្ហោះ

ក្រោយបង្ហោះរួចអ្នកមើលជាច្រើនយល់ស្របជាមួយនាង។ តែ អ្នកគាំទ្រមួយចំនួនបាននិយាយថា សេណារីយ៉ូបែបនេះមានប្រជាប្រិយភាពខ្លាំងណាស់ ហើយទាក់ទាញចំណាប់អារម្មណ៍ទស្សនិកជនទៀតផង។ ទោះជាយ៉ាងណាក៏ដោយអ្នកខ្លះគិតថាវាជាទង្វើមួយរបស់អ្នកម្ដាយកូន ៣ នោះគ្រាន់តែធ្វើឲ្យតួអង្គ សាន់ឆាយ ក្លាយជាមនុស្សគ្មានគំនិតប៉ុណ្ណោះ៕