ចូលខែក្ដៅមិនទាន់ Fan Bingbing ត្រៀមគ្រឿងការពារកម្ដៅថ្ងៃមួយកំប្លេតែម្ដង
- 2018-04-26 02:53:56
- ចំនួនមតិ 0 | ចំនួនចែករំលែក 0
ចូលខែក្ដៅមិនទាន់ Fan Bingbing ត្រៀមគ្រឿងការពារកម្ដៅថ្ងៃមួយកំប្លេតែម្ដង
គេហៅតារាសម្ដែងល្បីឈ្មោះ Fan Bingbing ជារាជិនីសម្រស់ពិតជាមិនខុសមែន ព្រោះនាងតែងតែចេះថែរក្សារូបសម្បត្តិរបស់ខ្លួននៅគ្រប់កាលៈទេសៈ។
រយៈពេលចុងខែមេសា ឈានចូលខែឧសភានេះ អាកាសធាតុគ្រប់ទីកន្លែងប្រែទៅជាក្ដៅហួតហែងដូចនៅវាលខ្សាច់សាហារ៉ា ធ្វើឲ្យមនុស្សគ្រប់រូបអត់ចង់ចេញក្រៅពេលថ្ងៃ។ ដោយសារតែខ្លាចខូចស្បែកដែលសដូចបណ្ដូលចេករបស់ខ្លួន តារាសម្ដែងលំដាប់ A ចិន Fan Bingbing កាលពីពេលថ្មីៗនេះ បានបង្ហាញពីគ្រឿងការពារកម្ដៅថ្ងៃរបស់ខ្លួន ធ្វើឲ្យអ្នកគាំទ្រចាប់អារម្មណ៍ជាខ្លាំង។
តាមនោះដែរ នៅលើបណ្ដាញសង្គមរបស់ខ្លួន តារារូបនេះបានឲ្យដឹងថា រាល់ពេលមានការចេញថតនៅក្រៅម្ដងៗ ស្រីស្អាតវ័យ៣៦ឆ្នាំមិនដែលភ្លេចទេនូវមួក ជាមួយម៉ាសដើម្បីគេចពីកម្ដៅថ្ងៃ។ បើសិនជាត្រូវថតចំថ្ងៃក្ដៅខ្លាំង តួរឿង "ព្រះនាងយេយេ" នឹងឃ្លុំឲ្យជិតខ្លួនតែម្ដង គឺគ្មានឲ្យនៅសល់ចន្លោះណាទាំងអស់៕