ប្រើម្សៅកូនក្មេងផាត់មុខ ធ្វើឲ្យសាច់ម៉ត់ខ្ចីល្វក់ ហើយថែមទាំងមានប្រយោជន៍ច្រើនយ៉ាងទៀត
- 2018-04-25 09:30:00
- ចំនួនមតិ 0 | ចំនួនចែករំលែក 0
ប្រើម្សៅកូនក្មេងផាត់មុខ ធ្វើឲ្យសាច់ម៉ត់ខ្ចីល្វក់ ហើយថែមទាំងមានប្រយោជន៍ច្រើនយ៉ាងទៀត
ម្សៅហ៊ុយសម្រាប់លាបឲ្យកូនក្មេង មិនត្រឹមតែមានប្រយោជន៍ដល់ស្បែកខ្ចីទារកប៉ុណ្ណោះទេ តែមនុស្សធំក៏អាចប្រើវាយ៉ាងមានប្រយោជន៍ពេលផាត់មុខផងដែរ។ គេអាចប្រើម្សៅកូនក្មេង ៥ របៀបនេះពេលផាត់មុខដើម្បីឲ្យសាច់មុខម៉ត់ស្អាតជាប់បានយូរ៖
១. ប្រើម្សៅកូនក្មេងជំនួសម្សៅទ្រនាប់
មុនពេលផាត់មុខ លាបម្សៅកូនក្មេងពេញមុខទះតិចៗដើម្បីឲ្យចូលសព្វ រួចសឹមដាក់ចាប់ផ្ដើមផាត់មុខដូចសព្វដង។ លាបម្សៅកូនក្មេងធ្វើជាម្សៅទ្រនាប់បែបនេះនិងធ្វើឲ្យ ការផាត់មុខអ្នកជាប់បានយូរ។
២. ប្រើដើម្បីឲ្យមុខភ្លឺម៉ត់ក្រោយផាត់មុខរួច
ក្រោយពេលផាត់មុខរួចរាល់ លាបម្សៅកូនក្មេងដូច Hight lighterនៅថ្ងាស ក្រោមភ្នែក ខ្ទង់ច្រមុះ និងចង្កា។ ទុករយៈពេល ១០នាទី សឹមយកជក់បោសចេញ ពីលើមុខ។ ស្បែកមុខអ្នកនិងភ្លឺរលោងម៉ត់ខៃដូចកូនក្មេង។
៣. ជួយឲ្យរោមភ្នែកមើលទៅក្រាសជាងមុន
ម្សៅកូនក្មេងជួយឲ្យរោមភ្នែកអ្នកដុះវែងល្អ ហើយថែមទាំងធ្វើឲ្យឃើញក្រាស់ជាងមុនពេលលាបមាស្ការ៉ាពីលើ។ ដំបូងអ្នកចាក់ម្សៅលើដៃ ហើយយកប្រដាប់សិតរោមភ្នែក មកជ្រលក់ ហើយគ្រលាស់បន្តិច យកមកសិតរោមភ្នែក រួចលាបម៉ាស្ការ៉ាពីលើ រួចស្រេច។
៤. ជួយឲ្យក្រែមប្រែជាស្ងួត
អត្ថប្រយោជន៍ម៉្យាងទៀតរបស់ម្សៅកូនក្មេង គឺអាចធ្វើឲ្យក្រែមលើបបូរមាត់ស្ងួតជាប់បានយូរ ដោយគ្រាន់តែលាបក្រែមរួច ហើយថែមម្សៅកូនក្មេងពីលើថែមទៀតនិងធ្វើឲ្យពណ៌ក្រែមស្ងួតជាប់បានយូរ។
៥. កម្ចាត់សក់ឡើងប្រេង
បើអ្នកត្រូវចេញក្រៅជាបន្ទាន់ គ្មានពេលកក់សក់ សក់ឡើងប្រេងអ្នកអាចប្រើម្សៅកូនក្មេងលាបតាមគល់សក់ ទុកមួយស្របក់វានិងជ្រាបចូលសរសៃសក់កាត់បន្ថយសក់ឡើងប្រេង។
ចុចអាន៖រៀនតែ ៦ជំហានក្នុងការ Make-upនេះ ធានាជួយឲ្យផ្ទៃមុខអ្នកស្អាតដូចនារីកូរ៉េ