ឃើញមិត្តភ័ក្ដិមានប្ដី-កូនអស់ ខ្លួនឯងនៅលីវដដែល កុំព្រួយ នេះជាហេតុផលអ្នកគួរបន្ត Single
- 2018-04-20 05:30:00
- ចំនួនមតិ 0 | ចំនួនចែករំលែក 0
ឃើញមិត្តភ័ក្ដិមានប្ដី-កូនអស់ ខ្លួនឯងនៅលីវដដែល កុំព្រួយ នេះជាហេតុផលអ្នកគួរបន្ត Single
មនុស្សស្រីមួយចំនួនដែលមានមិត្តភ័ក្ដិស្របាលៗមានខ្លះមានប្ដី មានកូនអស់ហើយ តែខ្លួនឯងបែរជាមិនទាន់រកកោះត្រើយឃើញ។ តែមិនបាច់ទោភ័យអីទេ អ្នកអាចបន្ត Single តទៅទៀតដោយ ផ្អែកលើហេតុផលទាំងនេះ៖
១.អាចរស់នៅក្នុងជីវិតដែលខ្លួនប្រាថ្នា
ទោះជាគ្មានប្ដី គ្មានកូន តែអ្នកនៅតែអាចរស់នៅបានយ៉ាងសប្បាយរីករាយ ពោលគឺដេកននាលយ៉ាងណាក៏គ្មានបញ្ហា ហើយចាំបាច់ឈឺក្បាលត្រូវរៀបចំកន្លែងសម្រាប់ប្ដី ឬកូនឡើយ។
២.អាចដើរហើរដោយសេរី
អ្នកមិនចាំបាច់ឈឺក្បាលហាលថ្ងៃត្រូវខ្វល់រឿងបាយទឹកសម្រាប់នរណាឡើយ ព្រោះនៅខ្លួនមួយ។ ដូចនេះចង់ទៅណាមកណាក៏មិនបាច់ភ័យមានអ្នកចាំផ្លូវ ឬត្រូវផ្គាប់ផ្គុនដែរ។
៣.កុំសន្មតថាជីវិតរបស់មិត្តអ្នកកាន់តែងាយស្រួលនោះ
ពេលឃើញមិត្តមានប្ដីមានកូន មានឪពុកម្ដាយក្មេក កុំគិតថាស្រួលឲ្យសោះ ព្រោះពេលខ្លះពួកគេអាចមានបញ្ហាជាច្រើនត្រូវដោះស្រាយ គ្រាន់តែមិនប្រាប់អ្នកឲ្យដឹងតែប៉ុណ្ណោះ។ ព្រោះនោះជារឿងនៅក្នុងគ្រួសារ ដូចនេះអ្នកមានអាទិភាពសប្បាយច្រើនជាង។
៤.បន្តស្វែងរកអ្វីដែលអ្នកចង់បាន
ប្រសិនបើអ្នកចង់បន្តការសិក្សា ឬចង់ទៅធ្វើការនៅក្រៅប្រទេស និងខេត្តឆ្ងាយៗ អ្នកអាចទៅដោយមិនចាំបាច់គិតអ្វីទាំងអស់ ដើម្បីសម្រេចក្ដីស្រមៃខ្លួន។ ប៉ុន្តែបើក្រឡេកទៅមើលមិត្តអ្នកដែលជាប់ដៃជាប់ជើងនឹងរឿងគ្រួសារ គឺប្រហែលមិនអាចចាកចេញបានទេ។
៥.សឹងតែដាច់ទំនាក់ទំនង
អ្នកមានប្ដីមានកូន ភាគច្រើនតែងតែមិនសូវមានទំនាក់ទំនងជាមួយមិត្តរួមក្រុមច្រើនដូចកាលនៅលីវទេ។ តែសម្រាប់អ្នកគឺមានពេលច្រើនអ្នកដើរកម្សាន្ត ទៅញ៉ាំអាហារ ឬទៅមើលកុនជាក្រុមៗដូចមុនដដែល៕
ចុចអាន៖ស្ត្រីគ្រប់រូបគួរតែដឹងអំពីច្បាប់វិន័យទាំងនេះ ទើបជួយឲ្យជីវិតរឹតតែងាយស្រួល