កុំទាន់សង្វាតដើរលេង ខាងក្រោមនេះជាអ្វីដែលអ្នកត្រូវធ្វើទាន់នៅវ័យខ្ទង់២០ឆ្នាំ

2018-04-18 02:05:21
ចំនួនមតិ 0 | ចំនួនចែករំលែក 0

១. ព្យាយាមស្វែងរកការពិតរបស់ខ្លួនអ្នក

មនុស្សមួយចំនួនតែងគិតថា ខ្លួនមិនមានសមត្ថភាពគ្រប់គ្រាន់ មិនអាចធ្វើអ្វីបាន។ មុននឹងគិតបែបនេះអ្នកគួរតែ ស្វែងយល់ពីខ្លួនឯងឱ្យបានច្បាស់ជាមុនសិន។ អ្នកគួរតែស្វែងរកការពិតនៃជំនាញអ្វីមួយរបស់អ្នក ដែលអាចជួយអ្នកនៅថ្ងៃអនាគត។

២. កំណត់អ្វីដែលសំខាន់សម្រាប់ខ្លួនឯង

ក្នុង១ថ្ងៃអ្នកមានពេលតិចជាង២០ម៉ោងទៅទៀត សម្រាប់ផ្លាស់ប្តូរជីវិតរបស់អ្នក។ នៅពេលដែលអ្នកចំណាយពេលអត់ប្រយោជន៍ច្រើន វាប្រៀបដូចជាកំពុងតែបំផ្លាញក្តីស្រមៃខ្លួនឯងអញ្ចឹង។ អ្វីដែលត្រូវធ្វើគឺត្រូវកំណត់គោលដៅឱ្យបានច្បាស់លាស់ និងយកចិត្តទុកដាក់លើអនាគតខ្លួន។

៣. រកលុយឱ្យបានច្រើនទាន់ខ្លួននៅក្មេង

ឈប់ជឿអ្នកដែលថា "វិធីដែលអាចធ្វើឱ្យខ្លួនឯងសប្បាយចិត្តគឺ ការដើរលេង" វាមិនពិតនោះទេ។ មានវិធីច្រើនណាស់ដែលអ្នកអាចសប្បាយបាន ហើយមិនចាំបាច់ចំណាយច្រើនដូចជាការដើរលេងនោះទេ។ នៅពេលដែលអ្នករកលុយបានច្រើន នោះទើបជាសេចក្តីសុខពិតប្រាកដ។

៤. ត្រូវដឹងពីអ្វីដែលខ្លួនមិនចូលចិត្ត

ការដែលស្អប់អ្នកណាម្នាក់មិនមែនមានន័យថាអ្នកជាមនុស្សអាក្រក់ទេ។ ដូច្នេះហើយត្រូវធ្វើខ្លួនឯងជាខ្លួនឯង មិនចាំបាច់ធ្វើជាចូលចិត្តអ្វីមួយ ឬចូលចិត្តអ្នកណាម្នាក់នោះទេ។ នៅពេលដែលអ្នកកាន់តែស្មោះត្រង់ចំពោះខ្លួនឯង នោះអ្នកនឹងមានអារម្មណ៍ល្អ និងមានឯករាជ្យភាព។

៥. រកមិត្តភក្តិល្អ ឬស្នេហាពិត

ការរកមិត្តភក្តិមិនលំបាកនោះទេ តែមិត្តភក្តិល្អទើបពិបាករក។ ទោះបីជាយ៉ាងណាក៏ដោយ នៅពេលដែលពេលវេលាមកដល់ នោះអ្នកនិងជួប មនុស្សដែលដូចជាអ្នក ហើយអាចចែករំលែកគ្រប់យ៉ាងជាមួយគ្នា។ យ៉ាងហោចណាស់រកមិត្តភក្តិបែននេះ ឱ្យបានម្នាក់ក្នុង១ជីវិត ៕

ចុចអាន៖

ប្រភព៖ thoughtcatalog ប្រែសម្រួល៖ តាន់ ច័ន្ទលក្ខិណា