ស្អាតបានមួយតួខ្លួនដោយប្រើរបស់ដែលមានស្រាប់នៅក្នុងផ្ទះ
- 2018-04-04 07:38:26
- ចំនួនមតិ 0 | ចំនួនចែករំលែក 0
ស្អាតបានមួយតួខ្លួនដោយប្រើរបស់ដែលមានស្រាប់នៅក្នុងផ្ទះ
អ្នកវិទ្យាសាស្ត្របានបង្ហាញឱ្យឃើញថាមានកត្តាជាច្រើនដែលធ្វើអោយប៉ះពាល់ដល់ស្បែកយ៉ាងខ្លាំងដូចជាការគេងតិចពេករងកម្ដៅខ្លាំងពេក កង្វះការហាត់ប្រាណ នឹងទទួលផ្សែងកង្វក់ផ្សេងៗ។នារីភាគច្រើនចំណាយច្រើនបំផុតទៅលើ គ្រឿងសំអាងដើម្បីថែរក្សាសម្រស់។ តែពេលនេះអស់បារម្ភរឿងចំណាយទៀតហើយ បើអ្នកមានរបស់ទាំង១២យ៉ាងនេះ
១ សំបកចេក
ផ្លែចេកនិងសំបកចេកមានអត្ថប្រយោជន៍ណាស់សម្រាប់កម្ចាត់មុន បំបាត់អាចម៌រុយនិងស្នាមជ្រួញនៅលើផ្ទៃមុខ ពីព្រោះវាពោរពេញទៅដោយ វីតាមីន និងជាតិរ៉ែមួយចំនួនដូចជាប៉ូតាស្យូម ម៉ាញ៉េស្យូម និងប្រូតេអ៊ីន។ជំហានដំបូង ត្រូវដុសខាត់សំបកចេកនៅលើមុន រហូតដល់សំបកចេកឡើងខ្មៅ រួចទុកចោលមួយសន្ទុះ ហើយលាងមុខជាមួយទឹក។បន្តធ្វើបែបនេះឱ្យបាន២ឬ៣ថ្ងៃ បន្ទាប់មកកិនចេកឱ្យម៉ត់ រួចលាបលើស្នាមមុន។
២ ទឹកឃ្មុំ
ទឹកឃ្មុំក៏អាចជួយឱ្យស្បែកកាន់តែប្រសើរភ្លឺថ្លា និងជួយទប់ស្កាត់មុនមិនឱ្យរាលដាលនៅលើផ្ទៃមុខ។ ប្រសិនបើអ្នកម៉ាស្សាមុខជាមួយទឹកឃ្មុំរៀងរាល់ថ្ងៃ នោះស្នាមអុចខ្មៅនិងកាត់បន្ថយ ជាពិសេសស្បែកមុខនិងកាន់តែម៉ត់រលោង។
៣ ម្សៅសូដា
ម្សៅសូដាគឺសម្រាប់ជំនួយដល់ការខាត់ស្បែកតាមរបៀបធម្មជាតិ។ អ្នកអាចលាយវាជាមួយទឹកឃ្មុំនិងប្រេងអូលីវ រួចលាយអោយសព្វ បន្ទាប់មកលាបពេញផ្ទៃមុខ ដើម្បីកម្ចាត់ស្បែកចាស់ៗចោល និងជាតិកង្វក់ទាំងអស់។ បន្ថែមពីនេះទៀត ការលាយម្សៅសូដាជាមួយប្រេងដូង ក៏អាចជួយកម្ចាត់ ជំងឺត្រអកបានដែរ។
៤ ផ្លែត្រសក់
ផ្លែត្រសក់ល្អបំផុតសម្រាប់ស្បែកស្ងួត និងស្នាមខ្មៅនៅក្រោមភ្នែក ដោយគ្រាន់តែបិតនៅមុខនិងភ្នែក។អ្នកអាចយកវាលាយជាមួយយ៉ាអួ ឬ ដាក់ក្លាស្សេឱ្យត្រជាក់ក៏បាន។
៥ ក្រូចឆ្មារ
គ្រូពេទ្យផ្នែករោគសើស្បែកណែនាំមិនអោយប្រើក្រូចឆ្មារនៅលើផ្ទៃមុខផ្ទាល់ទេ ជាពិសេសអ្នកដែលមានស្បែកងាយរងប្រតិកម្ម។ ប៉ុន្តែវាអាចនិងមានប្រសិទ្ធភាព នៅដែលលាយជាមួយទឹកឃ្មុំ ប្រេងអូលីវ ស្ករ យ៉ាអួ និងត្រសក់។ ក្រូចឆ្មារជួយកាត់បន្ថយមុខដែលមានខ្លាញ់ច្រើន និងជួយឱ្យស្បែកមានពន្លឺ។
៦ បន្ទាលកន្ទុយក្រពើ
ភាគច្រើនគេយកបន្ទាលកន្ទុយក្រពើ មកធ្វើជាគ្រឿងថែរក្សាសម្ផស្ស ក៏ព្រោះតែ វាមានជាតិសំណើម ជួយប្រឆាំងមេរោគ និងការរោលដោយសារពន្លឺថ្ងៃ។ជាតិអន្ធិលរបស់បន្ទាលកន្ទុយក្រពើអាចជួយកម្ចាត់ស្នាមអុចខ្មៅបានថែមទៀតផង ដោយគ្រាន់តែលាបវារៀងរាល់ថ្ងៃ។
៧ ដំឡូង
ដំឡូងមានអត្ថប្រយោជន៍ដូចជាត្រសក់អញ្ចឹង ដោយគ្រាន់តែកាត់ពីរ ឬបីចំណិតមកបិតលើមុខជាការស្រេច។
៨ ប្រេងអូលីវ
ប្រេងអូលីវប្រើសម្រាប់ការពារសរសៃមុខ និងធ្វើអោយមានសំណើមតាមធម្មជាតិ។ ដើម្បីទទួលបានលទ្ធផលល្អបំផុត អ្នកត្រូវបន្តក់ប្រេងអូលីវ ២ឬ៣ដំណក់លើមុខ និងក រួចម៉ាស្សាថ្នមៗ ហើយគ្របកន្សែងក្តៅ ឌណៗរយៈពេល៤០វិនាទី។
៩ សំបកក្រូច
អ្នកអាចសម្អាតស្បែក ជាមួយនឹងវីតាមីនដែលមាននៅក្នុងសំបកក្រូច។ សម្បកក្រូចជួយផ្តល់សំណើមដល់ស្បែក បំបាត់មុន ដោយគ្រាន់តែលាយវាជាមួយយ៉ាអួ រួចលាបលើស្បែក ទុកចោល១៥នាទី រួចលាងទឹកចេញ។ ធ្វើបែបនេះឱ្យបាន៣ឬ៤ដង ក្នុង១សប្តាហ៍។
១០ តែបៃតង
តែបៃតងមានតួនាទីថែរក្សាសម្រស់ឱ្យក្មេងជាងវ័យ ធ្វើឱ្យស្បែកមានជីវិតឡើងវិញ ដោយគ្រាន់តែលាយវាជាមួយក្រែម និងស្ករត្នោត ឬជាមួយទឹកឃ្មុំ។
១១ ទឹកដោះគោ
ទឹកដោះគោអាចធ្វើអោយស្បែកកាន់តែស្រស់ស្អាត ក៏ព្រោះតែវាពោរពេញទៅដោយវីតាមីន ប្រូតេអ៊ីន និងកាល់ស្យូម។ដំបូងអ្នកយកកន្សែងជ្រលក់ទឹកដោះគោនោះ ជួតពេញផ្ទៃមុខ រួចលាងទឹកក្តៅចេញ។
១២ ថ្នាំដុសធ្មេញ
ថ្នាំដុសធ្មេញពិតជាមានប្រសិទ្ធភាពណាស់សម្រាប់ប្រឆាំងនឹងមុន ឬស្នាមអុចខ្មៅ ដោយបន្តក់លើស្នាម និងមុនទាំងនោះ ទុកចោល២ ៣នាទីឱ្យស្ងួតរួចលាងទឹកចេញ។ ប៉ុន្តែត្រូវមើលពីសារធាតុផ្សំឱ្យច្បាស់មុននិងប្រើ ព្រោះសារធាតុសូដ្យូមខ្លះអាចធ្វើឱ្យឡើងរោលក្រហម៕
ចុចអាន៖
ស្បែកប្រែជាសភ្លឺ ដោយសារភេសជ្ជៈធ្វើពីផ្លែឈើ និងបន្លែ ៤ មុខ
រវល់ខ្លាំងគ្មានពេលថែសម្រស់ផ្ទៃមុខ វិធីងាយស្រួលនេះជួយបាន
Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY