ដាច់ខាតកុំយកប្រេងកូឡាលាបបង្ហើយកូន បើមិនចង់គ្រោះថ្នាក់ខូចប្រព័ន្ធប្រសាទ

2018-03-22 09:30:00
ចំនួនមតិ 0 | ចំនួនចែករំលែក 0

ការយកប្រេងកូឡាលាបលើបង្ហើយទារក គឺបង្កគ្រោះថ្នាក់ជាច្រើន ដែលឪពុកម្ដាយមួយចំនួនមិនដែលដឹងនោះឡើយ ហើយចេះតែធ្វើតៗគ្នាតាមចាស់ៗតាំងពីដើមមក។

រូបតំណាង

បើតាមលោក វេជ្ជបណ្ឌិត ប៉ែន កក្កដា ធ្លាប់បង្ហោះនៅលើបណ្ដាញសង្គមថា ការយកប្រេងកូឡាបំពោកលើបង្ហើយទារកនឹងនាំមកនូវគ្រោះថ្នាក់ជាច្រើនដូចជា៖ សារជាតិនោះអាចជ្រាបចូលដល់ខួរក្បាលកូន ឬអាចធ្វើឲ្យខូចកោសិកាប្រសាទកូនដែលអាច ឲ្យកូនល្ងង់ទៅថ្ងៃក្រោយ ឬបណ្ដាលឲ្យមានជាអាចម៍ក្របី ដែលធ្វើឲ្យកូនរមាស់ក្បាលទៅជាយំ កាចខ្លាំងក៏មាន។

លោកវេជ្ជបណ្ឌិត ប៉ែន កក្កដា ម្ដាយខ្លះមិនហ៊ានប៉ះពាល់នៅតំបន់បង្ហើយនោះទេ ហើយមិនហ៊ានកក់សាប៊ូនៅបរិវេណនោះទៀត ព្រោះខ្លាចប៉ះពាល់ខួរក្បាលកូន។ ក៏ប៉ុន្តែបែរជាហ៊ានយកប្រេងកូឡា ដោយមិនដឹងថា មានជាតិអ្វីខ្លះមកបំពោកនៅលើបង្ហើយនោះទៅវិញ ដែលនេះជាកំហុសធំបំផុត។

លោកវេជ្ជបណ្ឌិតបន្ថែមទៀតថា បើគ្រាន់តែមូលហេតុក្លិនក្រអូប ឬឲ្យកូនដកដង្ហើមស្រួល ទារកមិនចាំបាច់ត្រូវការប្រេងកូឡាមកលាបលើក្បាលទារកនោះទេ៕

ចុចអាន៖៥ វិធី អាចកាត់បន្ថយអាការឈឺចាប់កូនតូច អំឡុងពេល និងក្រោយចាក់វ៉ាក់សាំង

ប្រភព៖ sabaynews អត្ថបទ៖ ថោ ច័ន្ទឬទ្ធិ