៦មូលហេតុធ្វើឲ្យគេអស់ចិត្ត និងចាប់ផ្ដើមចង់ដើរចេញ គ្មានស្ដាយស្រណោះ

2018-03-21 02:40:25
ចំនួនមតិ 0 | ចំនួនចែករំលែក 0

សម័យនេះទៅហើយ មនុស្សកែប្រែចិត្តគំនិតក៏គ្មានអីប្លែក ហើយក៏មិនអាចអាចបន្ទោសគេតែម្ខាងបានឡើយ។ ខណៈហេតុផលបែកបាក់ស្នេហាមួយចំនួនកើតឡើងដោយសារគេនោះ មិនមែនន័យថាយើងគ្មានចំណែកនៃការចែកផ្លូវនេះឡើយ។ ជានិច្ចកាល យើងគឺជាផ្នែកមួយដែលជួយចូកជួយចែវឲ្យមនោសញ្ចេតនារបស់ខ្លួនដើរដល់ផ្លូវទាល់។ បើសិនមិនដឹងខ្លួន ហើយកែប្រែទាន់ពេលវេលាទេ អ្នកនឹងជាអ្នករុញឲ្យស្នេហាខ្លួនចុះទឹកដោយខ្លួនឯង។

១. បង្ហាញអាកប្បកិរិយាមិនខ្វាយខ្វល់ពេលគេនិយាយ

ហាក់ដូចយើងមិនខ្វល់ពីអ្វីដែលគេចង់ចែករំលែកទាល់តែសោះ ទាំងដែលគេចង់ឲ្យយើងស្ដាប់រឿងរបស់គេ។ កាលគ្រាទើបចាប់ផ្ដើម ទោះពេលច្រើនយ៉ាងណាក៏និយាយគ្នាមិនគ្រប់ តែពេលនេះ អ្នកសឹងតែលែងចង់ស្ដាប់គេទៅហើយ ដូចនេះបើមានថ្ងៃណាមួយគេចង់ចាកចេញ ក៏កុំឆ្ងល់ឲ្យសោះ។

២. អ្នកលែងជាអ្នកពីមុនទៀតហើយ

មនុស្សរាល់គ្នាតែងផ្លាស់ប្ដូរទៅតាមកាលៈទេសៈ តែការផ្លាស់ប្ដូររបស់យើងអាចប៉ះពាល់ដល់មនុស្សតិច ឬច្រើន។ ហើយក៏មិនមែនគ្រប់ការផ្លាស់ប្ដូរគឺល្អទាំងអស់នោះឡើយ។ កាលពីមុន នៅពេលស្រលាញ់គ្នាដំបូង គេស្រលាញ់យើងដែលជាយើង តែបើយើងដោយសារតែប្រការណាមួយ បានផ្លាស់ប្ដូរខ្លួនឯងហើយ បើគេផ្លាស់ប្ដូរអារម្មណ៍ក៏គ្មានអ្វីចម្លែកដែរ។

៣. អ្នកមើលឃើញការងារធំជាងស្នេហា

ក្នុងបញ្ហានេះមាន២ករណី។ ទី១នោះគឺ ដោយសារតែការងារអ្នករវល់ពេកគ្មានពេលសម្រាប់រឿងមនោសញ្ចេតនា ធ្វើឲ្យឃ្លាតកាយណាយចិត្ត។ ករណីមួយទៀតនោះគឺ ពេលទើបផ្ដើមដំបូង អ្នកទាំង២ការងារស្មើគ្នា តែក្រោយមកការងាររបស់អ្នកជោគជ័យជាងគេខ្លាំង ធ្វើឲ្យគេគិតថាខ្លួនឯងមិនដល់យើង ហើយក៏ចង់ដកចិត្ត ឲ្យអ្នករកអ្នកដែលល្អជាង។

៤. មិនហ៊ានតទល់នឹងភាពលំបាក

ទោះបីជាអ្នកទាំង២កំពុងស្រលាញ់គ្នាមែន តែបើសិនជាឃើញនូវឧបសគ្គខាងមុខ អ្នកនឹងរាថយភ្លាមៗ។ ឧទាហរណ៍ជាក់ស្ដែងដូចជា ឪពុកម្ដាយខាងគេមើលទៅកាចពេក ក៏យើងចង់ដកថយទៅហើយ មិនហ៊ានតស៊ូជាមួយគ្នាឡើយ។

៥. ភ្លេចមើលថែទាំខ្លួនឯង

យុវភាពរបស់មនុស្សស្រីគឺខ្លីខ្លាំងណាស់ បើសិនជាយើងមិនយកចិត្តទុកដាក់ទេ នោះនឹងបាក់សម្រស់ក្នុងមួយប៉ប្រិចភ្នែក។ អាចថាមកពីគេកែប្រែក៏ថាបាន តែបើយើងថែរក្សារូបសម្បត្តិ ហើយចេះតែបណ្ដោយតាមពេលវេលានោះ គេក៏អាចនឹងណាយជាមួយយើងដែរ។

៦. គម្លាតធ្វើឲ្យអ្នកទាំង២ឃ្លាតឆ្ងាយ

នេះបើសិនជាបន្ទោសអ្នកក៏មិនត្រូវដែរ ព្រោះកាលៈទេសៈ តម្រូវមកដូចនេះ។ ករណីនេះកើតឡើងនៅពេលស្រលាញ់គ្នាដំបូង ការងារមិនទាន់រវល់ អាចជួបបានដោយងាយៗ តែក្រោយមក ការងារម្នាក់ៗរវល់រៀងខ្លួន ធ្វើឲ្យពេលជួបគ្នាកាន់តែតិចទៅៗ រហូតដល់មនោសញ្ចេតនាក៏សាបតាមនោះដែរ៕

ចុចអាន៖

ប្រភព៖ Guu ប្រែសម្រួល៖ Caramel