កំពុងធ្វើការ បើចង់លាឈប់ដោយហេតុផលទាំងនេះ សូមពិចារណាឡើងវិញ

2018-03-18 04:49:18
ចំនួនមតិ 0 | ចំនួនចែករំលែក 0

អ្នកកំពុងធុញទ្រាន់នឹងការងារបច្ចុប្បន្ន ហើយចង់តែឈប់ឲ្យបាត់ៗ? សូមពិចារណាឡើងវិញ មុនពេលធ្វើការសម្រេចចិត្តដ៏ធំនេះ ដែលអាចប៉ះពាល់ដល់ការរស់នៅរបស់ខ្លួនឯង។

រឿងអ្វីនឹងកើតឡើងក្រោយពេលលាឈប់ពីការងារដែលកំពុងធ្វើនេះ? រីករាយ សុភមង្គល ការពេញចិត្ត ឬក៏អនាគតខ្មៅងងឹត ដើរទាត់ខ្យល់ គ្មានការងារធ្វើ? កុំដោយសារតែភាពច្រឡោតមួយនាទី ហើយធ្វើឲ្យជីវិតខ្លួនដុនដាបដោយសារហេតុផលទាំងនេះឲ្យសោះ។

រូបតំណាង

**១. ឈប់ដោយសារអស់សង្ឃឹម ធុញទ្រាន់**

ជំងឺរួមរបស់អ្នកធ្វើការនោះគឺពូកែត្អូញពីការងារបច្ចុប្បន្ន។ បើសិនជាអ្នកកំពុងស្ថិតក្នុងស្ថានភាពនេះដូចគ្នា អ្នកគួរដឹងថា នៅពេលឈានជើងចូលជីវិតដែលត្រូវធ្វើការហើយ ការងារមួយណាក៏ដូចមួយណា តែងតែច្រំដែល។ ទោះជាគេចទៅណាក៏មិនផុតពីអាការៈនេះដែរ។

២. ឈប់ដោយសារមិនត្រូវគ្នាជាមួយមេ

បើសិនជាអ្នកឈប់ដោយសារតែមូលហេតុនេះមែននោះ ភាពអត់ធ្មត់របស់អ្នកគឺនៅខ្សោយខ្លាំងណាស់។ រឿងត្រូវមាត់មេ គឺជារឿងដែលមិនអាចគេចបានពេលធ្វើការ តែវាមិនអាចដល់ថ្នាក់ធ្វើឲ្យយើងលាឈប់ពីការងារបានឡើយ។ មិនចង់ឲ្យរឿងនេះកើតឡើង យើងបំពេញការងារឲ្យល្អគឺបានហើយ។

៣. ឈប់ដោយសារមិត្តរួមការងារឈ្នានីស

ដំណោះស្រាយល្អបំផុតសម្រាប់រឿងនេះគឺឈប់ខ្វល់នឹងពួកគេ មិនមែនដាក់ពាក្យលាឈប់ទេ។ យកពេលមកធ្វើការយើងវិញ កុំរវល់នឹងមនុស្សអត់បានការទាំងនោះ។ ភាគច្រើនគេឈ្នានីសយើងដោយសារតែយើងល្អជាងគេ ជោគជ័យជាងគេ ដូចនេះកុំបារម្ភ។

៤. លាឈប់ដោយសារមានលុយសាគួ

អ្នកមានចំនួនលុយសាគួទុកចាយប្រមាណ៦ខែ ហើយចង់លាឈប់សម្រាកមួយរយៈ? នេះមិនមែនជាបញ្ហាទេ បើសិនជាអ្នកអាចរកការងារបានភ្លាមក្រោយពេលសម្រាក តែបើគ្មានសមត្ថភាពដូចនេះទេ កុំគិតដល់រឿងនេះទាំងអស់។

រូបតំណាង

៥. ឈប់ទាំងអត់ទាន់មានការងារធ្វើ

ដោយសារតែខឹងខ្លាំងពេក ក្នុងមួយវិនាទី អ្នកក៏សម្រេចចិត្តលាឈប់ពីការងារទាំងមិនទាន់មានទ្រនំថ្មីនៅឡើយ។ មនុស្សដែលឆ្លាតវៃនឹងមិនឈប់ពីការងារនៅពេលដែលអនាគតមិនទាន់ច្បាស់លាស់នឡើយ។

៦. ឈប់ទាំងមិនដល់ពេលកំណត់

នៅពេលដែលយើងដាក់ពាក្យសុំឈប់ហើយ ជាទូទៅគឺត្រូវចំណាយពេល៣០ថ្ងៃទៀតដើម្បីប្រគល់ការងារដែលអ្នកមកក្រោយយើង។ បើសិនជាយើងឈប់មុនពេលកំណត់នេះ កេរ្តិ៍ឈ្មោះរបស់យើងទៅថ្ងៃក្រោយនឹងខូចខាតជាក់ជាមិនខាន៕

ចុចអាន៖

ប្រភព៖ cafestyle ប្រែសម្រួល៖ Caramel