អ្នកដែលល្មោភគេងច្រើន ប្រយ័ត្នជួបគ្រោះថ្នាក់សុខភាពទាំង ៤នេះ
- 2018-03-12 10:08:40
- ចំនួនមតិ 0 | ចំនួនចែករំលែក 0
អ្នកដែលល្មោភគេងច្រើន ប្រយ័ត្នជួបគ្រោះថ្នាក់សុខភាពទាំង ៤នេះ
ការគេង ប្រៀបបីដូចជាបង្កើនថាមពលដល់រាងកាយ និងខួរក្បាលឡើងវិញ បន្ទាប់ពីប្រើប្រាស់ក្នុងសកម្មភាពប្រចាំថ្ងៃផ្សេងៗ។ ស្របជាមួយគ្នានេះ វាក៏អាចផ្តល់ទុក្ខទោសដល់សុខភាពផងដែរ ប្រសិនបើអ្នកល្មោភជាមួយការគេងនេះខ្លាំងពេក។
១. ប្រឈមនឹងជំងឺសម្ពាធផ្លូវចិត្ត
តាមរយៈការស្រាវជ្រាវកាលពីឆ្នាំ ២០១៤ បានឲ្យដឹងថា មនុស្សដែលល្មោភគេងអាចប្រឈមមុខនឹងជំងឺផ្លូវចិត្តម្យ៉ាង នោះគឺសម្ពាធផ្លូវចិត្ត។ គេបានធ្វើពិសោធរវាងមនុស្សដែលគេង ៧ម៉ោង និងមនុស្សដែលគេង ៩ម៉ោងក្នុងមួយយប់ ហើយលទ្ធផលបានបង្ហាញថា មនុស្សដែលគេង ៧ម៉ោងអាចប្រឈមនឹងជំងឺសម្ពាធផ្លូវចិត្តតែ ២៧%ទេ ចំណែកឯអ្នកគេង ៩ម៉ោងក្នុងមួយយប់វិញអាចប្រឈមជំងឺសម្ពាធផ្លូវចិត្តដល់ទៅ ៤៩% ឯណោះ។
២. ធ្វើឲ្យខួរក្បាលចុះខ្សោយ
ការគេងតិច ឬគេងច្រើនពេក សុទ្ធតែអាចធ្វើឲ្យខួរក្បាលចុះខ្សោយ។ គួរជៀសវាងការគេងតិចជាង ៥ម៉ោង និងគេងលើសពី ៩ម៉ោងក្នុងមួយថ្ងៃ។
៣. ប្រឈមនឹងជំងឺទឹកនោមផ្អែម
ការគេងច្រើនម៉ោង អាចប៉ះពាល់ដល់តុល្យភាពជាតិស្ករក្នុងឈាម ដែលបណ្តាលឱ្យមានជំងឺទឹកនោមផ្អែម។
៤. ឡើងទម្ងន់
ទាំងការគេងតិចជាង ៧ម៉ោង និងការគេងលើសពី ១០ម៉ោង សុទ្ធតែអាចធ្វើឲ្យអ្នកឡើងទម្ងន់។ នេះហើយជាមូលហេតុដែលមនុស្សមួយចំនួនចេះតែឆ្ងល់ថា ហេតុអ្វីតមអាហារនិងហាត់ប្រាណគួរសមដែរ តែនៅតែឡើងទម្ងន់៕
ចុចអាន៖ទម្លាប់ប្រចាំថ្ងៃទាំង ៦ធ្វើឲ្យអ្នកខូចតម្រងនោមដោយមិនដឹងខ្លួន