ប្ដីប្រពន្ធរៀបការច្រើនឆ្នាំ នៅតែអាចរក្សាចំណងស្នេហ៍ផ្អែមល្ហែមបាន ពឹងលើ ៥ ចំណុចនេះ

2018-02-23 01:30:00
ចំនួនមតិ 0 | ចំនួនចែករំលែក 0

មានគូស្នេហ៍មិនជាច្រើនប៉ុន្មានទេ ដែលអាចរក្សាចំណងស្នេហ៍រវាងប្ដីប្រពន្ធខ្លួនឲ្យនៅតែរឹងមាំ តែបើពិតជាមានចិត្តចង់រក្សា ៥ វិធីនេះអាចជួយបាន។ កញ្ញា នឹងបង្ហាញជូនរបៀបថែរក្សាចំណងស្នេហ៍ឲ្យនៅតែរឹងមាំ៖

១.ផ្ដោតលើដៃគូសំខាន់បំផុត

អ្នកត្រូវទន្ទេញក្នុងចិត្តថា មានតែប្ដី/ប្រពន្ធអ្នកប៉ុណ្ណោះដែលសំខាន់បំផុត ក្រៅពីនោះគឺជារឿងបន្ទាប់បន្សំ។ នៅពេលអ្នកអាចចាំពាក្យទាំងនេះ អ្នកមើលឃើញតម្លៃ ហើយក្ដីស្រលាញ់គឺធំធេងចំពោះគ្នារហូត។

២.យកឈ្នះភាពភ្លើតភ្លើន

បើគូណាអាចយកឈ្នះការអូសទាញពីភាពសប្បាយហ៊ឺហាពីខាងក្រៅបាន នោះសម្ពន្ធភាពប្ដីប្រពន្ធនឹងនៅតែល្អដដែល ព្រោះអ្នកនឹងនៅតែមើលឃើញដៃគូខ្លួនល្អជានិច្ច។

៣.មានភាពកំប្លុកកំប្លែងក្នុងខ្លួន

ស្នេហាវ័យណាក៏ដោយ ក៏ត្រូវការគ្រឿងបន្ថែមមួយនេះដែរ។ តែសូមកុំធ្វើខ្លួនជាមនុស្សប៉ប៉ាច់ប៉ប៉ោចនិយាយច្រើនអត់ប្រយោជន៍ ព្រោះនឹងរុញច្រានដៃគូឲ្យឃ្លាតឆ្ងាយទៅវិញទេ។

៤.ស្ដាប់ម្នាក់ទៀត ជាជាងនិយាយតែឯង

ត្រូវចេះស្ដាប់ពីតម្រូវការរបស់ដៃគូឲ្យបានជាងខ្លួនឯងនិយាយ ទើបអ្នកដឹងថាត្រូវបំពេញបន្ថែមនូវចំណុចណាខ្លះ។

៥.ស្មើភាពគ្នា

រវាងប្ដីប្រពន្ធ គឺគ្មានភាគីណាមានសិទ្ធ ឬចំណែកតូចជាងឡើយ។ បើអ្នករក្សាតម្លៃនៃភាពស្មើគ្នា ជីវិតស្នេហាអ្នកក៏កាន់តែសុខសាន្តរហូត៕

ចុចអាន៖បណ្ដាំម៉ែក្មេក៖ កូនស្រីម៉ែមិនល្អឥតខ្ចោះទេណា៎ ប៉ុន្តែ... (បុរសគ្រប់រូបគួរតែអាន)

ប្រភព៖ familyshare ប្រែសម្រួល៖ ទ្រី រ៉ាវី