ចង់ឲ្យខួរក្បាលល្អ រាងកាយនៅមាំមួនយូរ កុំភ្លេចលំហាត់ប្រាណមួយប្រភេទនេះណា!

2018-02-11 09:25:00
ចំនួនមតិ 0 | ចំនួនចែករំលែក 0

ការធ្វើលំហាត់ប្រាណ ពិតជាមានសារៈសំខាន់ណាស់សម្រាប់មនុស្ស វាមិនត្រឹមតែជួយសុខភាពផ្នែកផ្លូវកាយប៉ុណ្ណោះទេ ឯសុខភាពផ្លូវចិត្តក៏ដូចគ្នា។ ជាក់ស្តែង តាមរយៈការស្រាវជ្រាវថ្មីមួយរបស់អ្នកវិទ្យាសាស្ត្របានឲដឹងថា មានលំហាត់ប្រាណមួយប្រភេទដែលអាចធ្វើឲរាងកាយអ្នកនៅមាំទាំបានយូរ។ នោះគឺជាការរាំ! មិនគួរឲជឿមែនទេ បើចង់ដឹងតោះទៅអានចំនុចខាងក្រោមទាំងអស់គ្នា៖

១. រាំបែបឡិឡក់តែម្នាក់ឯង

ការរាំបែបនេះធ្វើឲអ្នកមានអារម្មណ៍ស្រស់ស្រាយ ព្រោះអ្នកមិនបានខ្វល់ថាមាននរណាកំពុងមើលអ្នករាំឡើយ។ កាលបើអ្នកមានភាពរីករាយ និងមិនសូវស្មុគស្មាញច្រើនហើយ ផ្ទៃមុខរបស់អ្នកក៏មើលទៅភ្លឺថ្លាដូចជាមនុស្សវ័យក្មេងដែរ។

២. ធ្វើឲដងខ្លួនមានលំនឹង និងជួយឲសាច់ដុំរឹងមាំ

ពេលដែលមនុស្សមានវ័យច្រើនបន្តិច សមត្ថភាពរបស់សាច់ដុំនឹងចុះខ្សោយ ហើយដងខ្លួនក៏មិនសូវមានលំនឹងដូចមុនដែរ។ ប៉ុន្តែការរាំគឺអាចជួយអ្នកពីបញ្ហាខាងលើបានមួយផ្នែក ទោះបីជាអ្នកមានអាយុចាស់បន្តិចក៏គេមិនសូវចាប់អារម្មណ៍ដឹងដែរ ព្រោះអ្នកនៅមានរាងកាយដែលមាំទាំនៅឡើយ។

៣. ពង្រឹងសមត្ថភាពអង្គចងចាំ

វ័យកាន់តែវិវត្តន៍បញ្ហាភ្លេចភ្លាំងក៏កាន់តែមាន តែប្រសិនបើអ្នកជ្រើសរើសការរាំធ្វើជាលំហាត់ប្រាណ វាហាក់បីដូចជាពង្រឹងការចងចាំតាមរយៈជំហាននៃការរាំរបស់អ្នកអ៊ីចឹង៕