រៀនថែទាំបេះដូងរបស់អ្នកឡើងវិញដោយអនុវត្តប៉ុន្មានជំហាននេះ

2018-02-02 04:18:05
ចំនួនមតិ 0 | ចំនួនចែករំលែក 0

សុខភាពបេះដូងគឺពិតជាមានសារៈសំខាន់ណាស់ មិនថាតែចំពោះមនុស្សចាស់ទេ ក្មេងៗក៏ត្រូវយល់ដឹងពីការថែទាំដែរ។ កញ្ញា សូមណែនាំនូវជំហានទាំង ៥ នៃការថែទាំសុខភាពបេះដូងរបស់អ្នក៖

១. ញ៉ាំអាហារដែលសម្បូរជាតិអូម៉េហ្គា ៣

អាហារដែលសម្បូរជាតិអូម៉េហ្គា ៣ មានដូចជា ត្រីសាល់ម៉ុន ប្រេងអូលីវ គ្រាប់អាល់ម៉ុន ផ្នែកក្រហមនៃស៊ុត។ល។ ត្រូវបរិភោគអាហារទាំងអស់នោះឱ្យបានយ៉ាងហោចណាស់ ៩០០ មីលីក្រាម ក្នុងមួយថ្ងៃ ទោះបីអ្នកស្ថិតលក្ខខណ្ឌសម្រកទម្ងន់ក៏ដោយ។

រូបតំណាង

**២. ចំណាយពេលដើរ**

ត្រូវចំណាយពេលដើរហាត់ប្រាណឱ្យបានពីរដងក្នុងមួយសប្តាហ៍ ហើយក្នុងម្តងៗត្រូវឱ្យបានប្រហែលមួយម៉ឺនជំហាន។

៣. រក្សាសម្ពាធឈាម

សម្ពាធឈាមគឺជាអ្នករួមចំណែកសំខាន់នៃជំងឺបេះដូង។ មិនថាអ្នកប្រើវិធីយ៉ាងណាទេ ត្រូវធ្វើឱ្យសម្ពាធឈាមមានកម្រិត ១១៥/៧៥ (Systolic/Diastolic)។

៤. តាមដានកូឡេស្តេរ៉ូលក្នុងឈាម

កូឡេស្តេរ៉ូលកើនឡើងអាចបណ្តាលមកពី ការជក់បារី ញ៉ាំអាហារដែលមានខ្លាញ់ច្រើនជាដើម។ អ្នកអាចធ្វើលំហាត់ប្រាណ ឬញ៉ាំអាហារដែលល្អចំពោះសុខភាព ដើម្បីឱ្យកម្រិតកូឡេស្តេរ៉ូលនៅក្រោម ៧០។

៥. ការធ្វើសូណា

បើអាចគួរចំណាយធ្វើសូណាឱ្យបាន ៤ ដងក្នុងមួយសប្តាហ៍ (ក្នុងម្តងឱ្យបាន ២០នាទី)៕