អត្ថប្រយោជន៍ដ៏អស្ចារ្យនៃការធ្វើម៉ាស្សាក្រពះ ដែលអ្នកគួរតែធ្វើរាល់ថ្ងៃ

2018-02-05 08:56:56
ចំនួនមតិ 0 | ចំនួនចែករំលែក 0

នៅពេលអ្នកធ្វើការម៉ាស្សាក្រពះ នោះ អ្នកពិតជាទទួលបានប្រយោជន៍ច្រើនហួសពីការស្មាន។ ការធ្វើម៉ាស្សាក្រពះជាទៀងទាត់ គឺល្អសម្រាប់សុខភាពទូទៅនៃរាងកាយ។ ការសិក្សាស្រាវជ្រាវបង្ហាញថាការម៉ាស្សាក្រពះអាចជួយអ្នកឲ្យបំបាត់បញ្ហាវេជ្ជសាស្ត្រជាច្រើនដូចជា ជំងឺពោះវៀន និងជំងឺហើមពោះជាដើម៖

១.បង្កើនលំហូរឈាម

ការម៉ាស្សាក្រពះពិតជាមានប្រយោជន៍ក្នុងការបង្កើនលំហូរឈាមនៅក្នុងផ្នែកពោះ។ វាធ្វើឲ្យអុកស៊ីហ្សែនកើនដល់សរីរាង្គផ្សេងៗដែលល្អសម្រាប់សុខភាពរបស់មនុស្សម្នាក់មិនគិតពីអាយុ។

២.កែលម្អការរំលាយអាហារ

ការម៉ាស្សាក្រពះ ជួយធ្វើឲ្យដំណើរការនៃការរំលាយអាហារប្រសើរឡើង និងល្អសម្រាប់ការបន្ទោបង់។ នៅពេលអាហារត្រូវបានរំលាយបានត្រឹមត្រូវនោះឱកាសនៃបញ្ហាទល់លាមក និងហើមពោះត្រូវបានថយចុះដល់កម្រិតស្ទើរសូន្យ។

៣.ជួយសម្រាកសាច់ដុំ

ការម៉ាស្សាក្រពះ គឺជាមធ្យោបាយដោះស្រាយដ៏ល្អឥតខ្ចោះ ពេលជួបបញ្ហាឈឺចាប់សាច់ដុំ។ មិនត្រឹមតែបន្ធូរសាច់ដុំប៉ុណ្ណោះ វានឹងជួយពង្រឹងអ្នកមានអារម្មណ៍ថាធុញទ្រាន់។

៤.ធ្វើឲ្យប្រសើរឡើងនូវដំណើរការបន្សាបជាតិពុល

អត្ថប្រយោជន៍ដ៏អស្ចារ្យមួយផ្សេងទៀតនៃការម៉ាស្សាក្រពះ គឺថាវារំញោចដំណើរការបន្សាបជាតិពុលក្នុងរាងកាយ។

៥.បញ្ចេញអ័រម៉ូនស្ត្រេស

អ្នកដែលម៉ាស្សាក្រពះរៀងរាល់ថ្ងៃ វានឹងជួយអ្នកឲ្យបញ្ចេញអ័រម៉ូនស្ត្រេសនៃរាងកាយ។

៦.គ្រប់គ្រងការគេងបានល្អ

ការម៉ាស្សាក្រពះមានលក្ខណៈសម្បត្តិដ៏ល្អបំផុត ហើយវាមានសមត្ថភាពជួយឲ្យអ្នកគេងបានលក់ស្រួល។ ព្រោះវាធ្វើឲ្យរាងកាយអ្នកបន្ធូរអារម្មណ៍តានតឹង។

៧.ជួយបញ្ចុះទម្ងន់

ការម៉ាស្សាក្រពះត្រូវបានគេស្គាល់ទូទៅថា ជាវិធីសាស្ត្រដ៏ល្អបំផុតមួយ សម្រាប់ការសម្រកទម្ងន់ និងការ ព្រោះពេលឈ្លីអាចដុតបំផ្លាញខ្លាញ់ក្បាលពោះបាន។

ក្រោយពេលញ៉ាំអាហារ ៣ ម៉ោង អាចត្រូវយកដៃមកឈ្លីជុំវិញតំបន់ក្រពះរយៈពេល ១៥ នាទីជារៀងរាល់ថ្ងៃ៕

ចុចអាន៖ឈប់បានជាការល្អ! ទម្លាប់ញ៉ាំអីពេលយប់ៗអាចឲ្យអ្នកមានជំងឺបេះដូង