ឈឺធ្មេញយប់ព្រលប់ អត់មានពេទ្យ សាកល្បងវិធីបំបាត់ការឈឺចាប់ដោយខ្លួនឯងបាន

2018-01-25 08:42:26
ចំនួនមតិ 0 | ចំនួនចែករំលែក 0

បើអ្នកកំពុងឈឺធ្មេញដល់ថ្នាក់ទ្រាំមិនបាន ហើយគ្មានពេលទៅជួបពេទ្យធ្មេញ អាចសាកល្បងវិធីសាស្ត្រខាងក្រោមនេះដោយខ្លួនឯងបាន ដែលមានប្រសិទ្ធភាពដល់ទៅ៧០-៨០%។

១- យកមេដៃចុចសង្កត់នៅលើស្បែកបាតដៃចន្លោះមេដៃនិងដៃចង្អុលម្ខាងទៀត។ វិធីនេះត្រូវបាននិយមប្រើនៅប្រទេសលោកខាងកើត ហើយទទួលបានលទ្ធផលល្អ។ បើអ្នកឈឺធ្មេញ ចូរធ្វើបែបនេះដោយចុចរយៈពេល២នាទី វានឹងជួយកាត់បន្ថយអាការៈឈឺចាប់ បង្កើតអារម្មណ៍ធូរស្រាល។ វិធីម្យ៉ាងទៀត អ្នកអាចយកទឹកកកមកស្នំត្រង់ចន្លោះមេដៃនិងចង្អុលដៃនោះ ទុកចោលពីរបីនាទី វាក៏ជួយបានដូចគ្នា។

២- ដំខ្ទឹមស ហើយលាយអំបិលបន្តិច រួចយកទៅបំពោកឬញ៉ុកក្នុងធ្មេញដែលឈឺ។ ទឹកដែលចេញពីខ្ទឹមនោះអាចបំបាត់ភាពឈឺចាប់បានភ្លាមៗ។

៣- យកស្លឹកម្លូតូចៗពីរបីសន្លឹកបុកលាយអំបិល រួចចាក់ស្រាសចូល១ពែង។ ត្រាំវាចោល១០នាទី រួចយកទឹកនោះសម្រាប់ខ្ពុរមាត់មួយថ្ងៃពីរដង ក្នុងមួយដងចំណាយពេល៥នាទី នោះអាការៈឈឺចាប់នឹងបាត់ទៅ។ ប៉ុន្តែត្រូវចំណាំថា ប្រើទឹកនោះដើម្បីខ្ពុរមាត់ តែមិនអាចផឹកបានទេ។

៤- បុកខ្ញីឱ្យម៉ត់ ហើយយកមកដាក់ក្នុងកន្លែងធ្មេញឈឺឱ្យបានច្រើនដង។ ខ្ញីមានសមត្ថភាពជួយកម្ចាត់បាក់តេរី កាត់បន្ថយការឈឺចាប់ និងរលាក ជួយព្យាបាលដំបៅតូចៗ ឬរបួសដែលឡើងហើម៕

ចុចអាន៖

ប្រភព៖ top10homeremedies ប្រែសម្រួល៖ សរ សុគន្ធី