Fan Bingbing ប្រជែងសម្រស់ជាមួយរាជិនីកែភេទថៃ Nong Poy នៅប្រទេសថៃ

2018-01-20 05:23:48
ចំនួនមតិ 0 | ចំនួនចែករំលែក 0

ខកខានមិនបានចូលរួមក្នុងកម្មវិធីធំប្រចាំឆ្នាំរបស់បណ្ដាញសង្គម Weibo ក៏ពិតមែន តែវត្តមានរបស់តារាសម្ដែងល្បីឈ្មោះ Fan Bingbing ពិតជាមិនធ្វើឲ្យអ្នកគាំទ្រអស់សង្ឃឹមពិតមែន។

កាលពីថ្ងៃទី១៨ខែមករានេះ អ្នកគាំទ្ររបស់រាជិនីសម្រស់ Fan Bingbing បានខកចិត្តយ៉ាងខ្លាំងនៅពេលស្រីស្អាតរូបនេះមិនបានចូលរួមកម្មវិធីប្រជុំតារាប្រចាំឆ្នាំរបស់បណ្ដាញសង្គមយក្ស Weibo។ ជំនួសមកវិញ ស្រីស្អាតវ័យ៣៦ឆ្នាំបានបង្ហាញវត្តមានក្នុងកម្មវិធីដ៏ធំមួយផ្សេងទៀតនៅប្រទេសថៃទៅវិញ។

ជាមួយរ៉ូបវែងអូសដី តួរឿង "មហិច្ឆតាអ៊ូម៉ីនាង" បានឆក់អស់ការចាប់អារម្មណ៍របស់ភ្ញៀវដែលមានមុខក្នុងកម្មវិធី។ ជាមួយការបង្ហាញសម្រស់ដ៏ឆើតឆាយរបស់ Fan Bingbing រាជិនីកែភេទថៃ Nong Poy ក៏បានបង្អួតសម្រស់ដែលអាចចាត់ទុកជាគូប្រជែងភាពស្រស់ស្អាតជាមួយតារាចិនលំដាប់ជួរមុខនេះបានដែរ។ ប្ដូររ៉ូប២ក្នុងកម្មវិធីតែមួយ តារាកែភេទវ័យ៣២ឆ្នាំបានធ្វើឲ្យស្រីៗដទៃទៀតសុំខ្មាសជាមួយសម្រស់របស់ខ្លួន៕