នាង​​ស្រឡាញ់​អ្នក​​គ្មាន​ថ្ងៃ​ប្រែប្រួល​ទេ បើ​អ្នក​សង្កេត​ឃើញ ៧​ចំណុច​នេះ​

  • 2018-01-17 02:18:15
  • ចំនួនមតិ 234 | ចំនួនចែករំលែក 1098

ការ​​ប្ដូរផ្ដាច់​ របស់​មនុស្ស​ស្រី​ក្នុង​រឿង​ស្នេហា​គឺ​មាន​ខ្លាំង​ជាង​មនុស្ស​ប្រុស​ឆ្ងាយ​ណាស់​។ ទស្សនៈ​ដែល​ថា​មនុស្ស​ស្រី​ស្រឡាញ់​ចាប់​​ពី​កម្រិត​សូន្យ​​រហូត​ដល់​មួយ​រយ​គឺ​ពិត​ជា​ត្រឹមត្រូវ​។ នៅ​ពេល​ដែល​នាង​ជួប​បុរស​ល្អ អាច​ពឹង​ពាក់​ជា​គូ​ជីវិត​បាន នាង​ប្រាកដ​ជា​​ឱប​ក្រសោប​បុរស​នោះ​យ៉ាង​ជាប់ មិន​ឲ្យ​របូត​ពី​ដៃ​ឡើយ​។ យ៉ាងណាមិញ ខាង​ក្រោម​នេះ​ជា​ចំណុច​ទាំង​៧​ដើម្បី​ឲ្យ​អ្នក​រឹត​តែ​ប្រាកដ​ចិត្ត​ថា​​​ក្ដី​ស្រឡាញ់​របស់​នាង​ចំពោះ​អ្នក​គ្មាន​ថ្ងៃ​ប្រែប្រួល​​ទេ​៖​ ​

រូបតំណាង

១. ស្រឡាញ់​គ្នា​រយៈ​ពេល​​យូរ​

ទំនាក់ទំនង​រឹត​តែ​យូរ ឧកាស​ដែល​នាង​​អាច​ឈប់​ស្រឡាញ់​អ្នក​រឹត​តែ​តិច​។​ នាង​ស៊ាំ​ជាមួយ​​រឿង​គ្រប់​យ៉ាង​របស់​អ្នក​។ នាង​រីករាយ​ជាមួយ​ភាព​ស្និទ្ធស្នាល​ អារម្មណ៍​ល្អ ដែល​នាង​ទទួល​បាន​​ពី​​មិត្ត​ប្រុស​ដែល​នាង​ស្គាល់​ច្បាស់​ និង​ចំណាយ​ពេល​​​​​​ជាមួយ​​​​ស្ទើរ​គ្រប់​ពេល​។​

២. ទាមទារ​ក្ដី​ស្រឡាញ់​​

ស្រឡាញ់​កាន់​តែ​ខ្លាំង ការ​ព្រួយ​បារម្ភ​ ហួងហែង​ចំពោះ​អ្នក​ក៏​​រឹត​តែ​ខ្លាំង​​​។ នាង​ទាមទារ​ចង់​ឲ្យ​អ្នក​ចាត់​ទុក​​នាង​ជា​ព្រះនាង ព្រោះ​នាង​បាន​ចាត់​ទុក​​​អ្នក​ដូច​​ព្រះអង្គ​ម្ចាស់​​​​តែ​ម្នាក់​គត់​របស់​នាង​ដូច​គ្នា​ដែរ​។​​

៣. អ្នក​ជា​ផ្នែក​ដ៏​សំខាន់​នៃ​ជីវិត​នាង​

ម្ដាយ​ឪពុក​​របស់​នាង​ស្រឡាញ់​អ្នក​។ មិត្តភ័ក្ដិ​ស្និទ្ធស្នាល​របស់​នាង ក៏​​ទទួល​យក​អ្នក​យ៉ាង​ពេញចិត្ត​។ នាង​តែងតែ​និយាយ​ចំណុច​ល្អៗ​របស់​អ្នក​ប្រាប់​ពួកគេ ព្រោះ​រាល់​ថ្ងៃ​នាង​​ស្រឡាញ់​អ្នក​ស្ទើរ​លេប​ទៅ​ហើយ​។​

រូបតំណាង

៤. បង្ហាញ​​អារម្មណ៍​ពិត​ប្រាប់​អ្នក​

មនុស្ស​ស្រី​កម្រ​​បង្ហាញ​អារម្មណ៍​ពិត​ប្រាប់​មនុស្ស​​ប្រុស​​មុន​ណាស់ ប៉ុន្តែ​នៅ​សុខៗ​ស្រាប់​តែ​នាង​សុំ​​ឈប់​ធ្វើ​សង្សារ​អ្នក ព្រោះ​ចង់​ក្លាយ​ជា​ប្រពន្ធ​ស្រប​ច្បាប់​វិញ មាន​ន័យ​ថា​នាង​ប្រាកដ​ក្នុង​ចិត្ត​ច្បាស់​ថា​អ្នក​គឺ​ជា​គូ​ព្រេង​ពិត​របស់​នាង​​ហើយ​។​

៥. ស្រមៃ​រឿង​អនាគត​ជាមួយ​អ្នក​

នាង​ត្រៀម​ឈ្មោះ​​សម្រាប់​ដាក់​ឲ្យ​កូនៗ ព្រម​ទាំង​ចូលរួម​ផ្ដល់​គំនិត​ក្នុង​ការ​តុបតែង​ឆ្នៃ​ម៉ូដ​​​ផ្ទះ​របស់​អ្នក​។ ការ​​រៀបចំ​ផែនការ​​អនាគត​របស់​នាង ​មាន​​គ្រប់​វត្តមាន​របស់​អ្នក​គ្រប់​រឿង​។ ​នេះ​ក៏​បញ្ជាក់​ថា​​ជីវិត​ទាំង​មូល​របស់​នាង មិន​អាច​បន្ត​ទៅ​មុន​បាន​ទេ​ប្រសិន​គ្មាន​រូប​អ្នក​​។​

រូបតំណាង

៦. ប្រាប់​ការ​ពិត​គ្រប់​យ៉ាង​

នាង​​​ប្រាប់​អ្នក​ត្រង់ៗ ពេល​នាង​ខឹង ប្រច័ណ្ឌ អន់​ចិត្ត​ជាមួយ​អ្នក​។​ មិន​ថា​​​​ក្ដី​សង្ឃឹម ក្ដី​ស្រមៃ​ ឬ​ទស្សនៈ​ផ្ទាល់​ខ្លួន​គ្រប់​យ៉ាង​របស់​នាង នាង​តែងតែ​ចែក​រំលែក​វា​ជាមួយ​អ្នក​។ នាង​បើក​ចំហ​បែប​នេះ សម្រាប់​តែ​មនុស្ស​ប្រុស​ដែល​នាង​ត្រូវ​​ផ្ញើ​ជីវិត​ជាមួយ​ជា​រៀង​រហូត​។​

៧. ផ្ដល់​ក្ដី​ស្រឡាញ់​ដែល​គ្មាន​លក្ខខណ្ឌ​

នាង​បង្ហាញ​ឲ្យ​អ្នក​ដឹង​ថា​ នាង​ស្រឡាញ់​ និង​ត្រូវការ​អ្នក​គ្រប់​​ពេល​វេលា​។​ មិន​ថា​មាន​រឿង​អ្វី​កើត​ឡើង នាង​មិន​រារែក​នឹង​ឆ្លង​ព្យុះ​ភ្លៀង​ជាមួយ​អ្នក​ឡើយ​។​ ទោះ​បី​ជា​​ឈ្លោះ​គ្នា​ប៉ុណ្ណា ក៏​នាង​នៅ​តែ​បារម្ភ​ពី​សុខ​ទុក្ខ​អ្នក​រហូត​ ៕

ប្រភព៖ popsugar ប្រែសម្រួល៖ អូន បញ្ញា