៧តិចនិករកបានមិត្តប្រុសល្អ គាប់ចិត្តក្នុងរយៈពេលខ្លី បែបវិធីចាស់ទុំ

2018-01-05 01:53:58
ចំនួនមតិ 0 | ចំនួនចែករំលែក 0

រកបានមិត្តប្រុសល្អ ត្រូវចិត្តម្នាក់ ក្នុងរយៈពេលខ្លីមិនមែនជារឿងងាយស្រួលទេ ដូច្នេះហើយទើបមនុស្សស្រីមួយចំនួនលះបង់ការព្យាយាម និងបណ្ដោយតាមព្រហ្មលិខិត។ វាត្រូវការការអត់ធ្មត់ ភាពឆ្លាតវៃ ចេះបត់បែន ដឹងស្ថានការណ៍បានលឿន ទើបអ្នកអាចទទួលបានជោគជ័យក្នុងដំណើរដ៏ស្មុគស្មាញ និងយ៉ាប់យ៉ឺននេះ។ យ៉ាងណាមិញ ខាងក្រោមនេះជាតិចនិក ៧យ៉ាងដែលជួយពង្រឹងស្មារតី ជំរុញឲ្យសម្រេចតាមគោលដៅ ធ្វើឲ្យអ្នករកបានមិត្តប្រុសល្អ ក្នុងរយៈពេលខ្លី៖

១. បុរសចូលចិត្តតាមស្រឡាញ់មនុស្សស្រី

មនុស្សប្រុសភាគច្រើនមិនចូលចិត្តមនុស្សស្រីដែលស្រួលយក ឬស្រឡាញ់ខ្លួនមុនទេ។ អ្នកត្រូវឆ្លាត និងចាំថាកុំព្រមជួប ឬបើកឧកាសឲ្យគាត់ខ្លាំងពេក។ ទាក់ទាញគាត់ ប៉ុន្តែត្រូវធ្វើឲ្យគាត់ពិបាកក្នុងការតាមស្រឡាញ់អ្នកខ្លះទើបជារឿងប្រសើរ។

រូបតំណាង

**២. រក្សាទំនុកចិត្តលើខ្លួនឯងឲ្យខ្ពស់**

កុំព្យាយាមសម្របខ្លួនតាមពាក្យរិះគន់របស់អ្នកដទៃ។ ស្លៀកពាក់ ធ្វើសកម្មភាពនានាដែលអ្នកគិតថាត្រូវជាមួយចំណូលចិត្ត ឬជាទម្លាប់ដែលធ្វើឲ្យអ្នកមានអារម្មណ៍ល្អ។ ទោះជាអ្នកមានរាងធាត់ ឬស្គមខ្លាំង កុំស្ទាក់ស្ទើរឬអៀនប្រៀនពេលជួបគាត់។

៣. បង្ហាញភាពអវិជ្ជមានរបស់ខ្លួន

គ្មានជីវិតអ្នកណាដែលល្អគ្រប់ដប់នោះទេ ដូច្នេះអ្នកក៏ត្រូវហ៊ានបង្ហាញចំណុចមិនល្អមួយចំនួនប្រាប់គាត់ដែរ។ ប៉ុន្តែកុំភ្លេចសង្កត់ធ្ងន់ថាអ្នកនៅតែរក្សាគោលជំហររឹងមាំរក្សាលំនឹងជីវិតជាមួយគំនិតសុទិដ្ឋិនិយមជានិច្ច។

៤. មានជីវិតផ្ទាល់ខ្លួន

មនុស្សប្រុសប្រហែលជាចង់បានមិត្តស្រីដែលចេះយោគយល់ និងផ្តល់សេរីភាពឲ្យខ្លួនដូចគ្នា។ ដូច្នេះប្រសិនអ្នកជាមនុស្សស្រីដែលចេះរីករាយជាមួយរឿងផ្ទាល់ខ្លួនដូចគាត់ អ្នកប្រាកដជាជម្រើសទីមួយមិនខាន។

៥. កុំខ្លាចក្នុងការណែនាំខ្លួនឯងទៅបុរសដែលជាគោលដៅ

ជួបប្រភេទបុរសក្នុងក្តីស្រមៃ នៅទីសាធារណៈ ឬកម្មវិធីជប់លៀងនានា កុំខ្លាចក្នុងការណែនាំខ្លួនឯងឲ្យគាត់ស្គាល់។ ចូរចងចាំថាបុរសចូលចិត្តមនុស្សស្រីដែលក្លាហានបែបនេះណាស់។

៦. ស្គាល់គាត់ឲ្យច្បាស់ មុនលង់ស្រឡាញ់

សាកល្បងសួរសំនួរមួយចំនួនទាក់ទងជាមួយចំណង់ចំណូលចិត្ត ទម្លាប់ ផ្នត់គំនិត របៀបរស់នៅ ស្ថានភាពគ្រួសារជាដើម។ ត្រូវប្រាកដថាអ្នកអាចទទួលយកបាន ប៉ុន្តែបើវាផ្ទុយពីតម្រូវការអ្នកខ្លាំង អ្នកអាចដកខ្លួនចេញរហ័ស ដើម្បីកុំឲ្យខ្ជះខ្ជាយពេលវេលារៀងខ្លួន។

រូបតំណាង

៧. ទទួលគាត់ជាមិត្តសិន

មិត្តភាពអាចក្លាយជាស្នេហា ដូច្នេះវាជាពេលដ៏ល្អក្នុងការរៀនស្គាល់គាត់ឲ្យបានច្បាស់ ដូចជា ទម្លាប់អាក្រក់ៗ ឬគូស្នេហ៍ចាស់ជាដើម។ អ្នកក៏អាចរីករាយជាមួយសកម្មភាពថ្មីៗរួមគ្នា ជាមួយគាត់ ក្នុងទំនាក់ទំនងដំបូងជាមិត្តភ័ក្ដិនេះផងដែរ ៕

ចុចអាន៖

ប្រភព៖ Youqueen ប្រែសម្រួល៖ អូន បញ្ញា