មិនប្រាកដថាស្រីស្អាត ធ្វើម៉េចក៏នៅតែស្អាតដែរ! តារាចិន ៨ រូបនេះសើចទៅបែរជា....

2018-01-09 07:24:08
ចំនួនមតិ 0 | ចំនួនចែករំលែក 0

មនុស្សជាច្រើនតែងបញ្ចេញមតិថា ជាស្រីស្អាតស្រាប់ ទោះជាធ្វើយ៉ាងម៉េចក៏នៅតែស្រស់ស្អាតដដែល។ តែពាក្យនោះមិនអាចប្រើបានទៅគ្រប់មនុស្សឡើយ។ ជាក់ស្ដែងតារាចិន ដែលជាកំពូលស្រីស្អាត បែរប្រែទៅជាអាក្រក់ភ្លាមៗ ពេលដែលពួកនាងហ៊ានសើចខ្លាំង។

១.Tiffany Tang៖ ជាធម្មតាតួឯកស្រីក្នុងរឿង "អ្នកប្រមាញ់មុខស្រស់" តែងស្ថិតក្នុងចំណោមស្រីស្អាតបំផុតរបស់ចិនជានិច្ច។ តែពេលដែលសើចខ្លាំង សម្រស់នាងក៏ប្រែប្រួលទៅជាមិនស្អាតវិញបានដែរ ដូច្នេះហើយស្រីស្អាតវ័យ ៣៤ ឆ្នាំកម្រសើចមួយទំហឹងឲ្យគេឃើញណាស់ ទាល់តែពេលភ្លេចខ្លួនទើបឃើញនាងក្នុងសភាពបែបនេះ។

រូបពេលមិនសើច និងពេលសើច

**២.Liu Yifei**៖ គ្មាននរណាម្នាក់ហ៊ាននិយាយថា សៀវ ឡុងនី មិនស្រស់ស្អាតឡើយ ទោះជានាងមិនផាត់មុខក៏ដោយ។ តែស្រីស្អាតវ័យ ៣០ ឆ្នាំរូបនេះក៏នៅតែមានចំណុចខ្សោយមួយលើមុខ គឺសើច ឬញញឹមខ្លាំងធ្វើឲ្យធ្មេញច្រពើស លេចចេញយ៉ាងច្បាស់ ហើយធ្វើឲ្យរង្វង់មាត់នាងមិនស្អាតតែម្ដង។

រូបពេលមិនសើច និងពេលសើច

៣.Yang Mi៖ មិនខុសពីមិត្តរួមអាជីពទាំងពីរ ភរិយា Hawick Lau មិនអាចសើចខ្លាំងបានឡើយ ពោលត្រឹមញញឹមមិនឲ្យចេញធ្មេញ ឬចេញបានបន្តិចប៉ុណ្ណោះ។ តែពេលសើចផ្ទៃមុខរបស់ Yang Mi ពោរពេញដោយស្នាមជ្រួញ។

រូបពេលមិនសើច និងពេលសើច

៤.Yao Chen៖ ជាតារាស្រីមានកេរ្តិ៍ឈ្មោះល្បីល្បាញជាមួយទេពកោសល្យ និងរូបសម្រស់។ តែស្រីស្អាតវ័យ ៣៨ ឆ្នាំមិនអាចសើចបានឡើយ ព្រោះនៅពេលសើចមាត់របស់នាងធំជាងមុនឆ្ងាយណាស់ ហើយមុខរបស់នាងមានស្នាមជ្រីវជ្រួញគ្រប់ដណ្ដប់ជុំវិញភ្នែក និងរង្វង់មាត់។

រូបពេលមិនសើច និងពេលសើច

៥.AngelaBaby៖ ភរិយារបស់កំពូលតារាប្រុស Huang Xiaoming ពិតជាមានសម្រស់ស្រស់ស្អាត តែមិនមែនជាពេលសើច។ មនុស្សគ្រប់គ្នាដឹងថា នៅពេលសើច នាងនឹងបាត់បង់នូវចំណុចសំខាន់មួយនោះ។ មុខ Baby ទាំងអស់មើលទៅពិបាកយល់ខ្លាំងណាស់ ដូចនេះហើយតារាស្រីវ័យ ២៨ ឆ្នាំព្យាយាមធ្វើមុខធម្មតាពេលចូលរួមកម្មវិធីផ្សេងៗ។

ពេលមិនសើច

ពេលសើច

៦.Zheng Shuang៖ តារាស្រីវ័យក្មេងត្រូវបានអ្នកគាំទ្រនិយាយថា មាននាងស្នាមញញឹមស្រស់ស្អាត បែបផ្អែមល្ហែម សក្ដិសមជាមួយទម្រង់មុខស្រទន់។ តែបើនាងសើចខ្លាំងវិញ គឺលែងស្រទន់ទៀតហើយ។

រូបពេលមិនសើច និងពេលសើច

៧.Zhao Wei៖ ត្រចៀកកាំក៏តែងមានឈ្មោះក្នុងបញ្ជីសម្រស់របស់ចិនជាប្រចាំដែរ ប៉ុន្តែមិនមែនជាមួយស្នាមញញឹមឡើយ។ ព្រោះពេលសើចបបូរមាត់ និងធ្មេញរបស់នាងមិនស្អាតសោះ។