Angelababy រងការរិះគន់ព្រោះកំពុងចិញ្ចឹមកូនតូច តែជក់បារីធ្វើមិនដឹង
- 2018-01-06 05:39:00
- ចំនួនមតិ 0 | ចំនួនចែករំលែក 0
Angelababy រងការរិះគន់ព្រោះកំពុងចិញ្ចឹមកូនតូច តែជក់បារីធ្វើមិនដឹង
តារាសម្ដែងស្រីល្បីឈ្មោះចិន Angelababy រងត្រូវបានអ្នកម្ដាយមានកូនតូចជាច្រើនវាយតម្លៃអវិជ្ជមានដោយសារជក់បារីខណៈមានកូនតូច។
កាលពីពេលថ្មីៗនេះ បណ្ដាញព័ត៌មាន Sina ទើបតែចុះផ្សាយរូបភាពក្រៅឆាករបស់តារាសម្ដែងជួរមុខ Angelababy នៅពេលនាងកំពុងថតរឿងភាគថ្មី "Disire and the City”។ ភ្លាមៗនោះ ស្រីស្អាតវ័យ ២៨ឆ្នាំរងការរិះគន់ពីសំណាក់មហាជនយ៉ាងខ្លាំង ព្រោះបង្ហុយផ្សែងបារីមិនខ្វល់ពីអ្នកណា។
តាមនោះដែរ ប្រពន្ធរបស់ Huang Xiaoming និងតួឯកប្រុសកំពុងត្រៀមថតឈុតថ្មី ខណៈតួប្រុសកំពុងតុបតែងខ្លួននោះ អ្នកម្ដាយកូន១ក៏ឆ្លៀតពេលបង្ហុយផ្សែងបារីតែម្ដងទៅ។ ក្រោយពេលរូបទាំងនេះត្រូវបានបញ្ចេញ រូបភាពថ្លៃថ្នូរ និងសុភាពរាបសាររបស់ Baby មុននោះត្រូវរងការខូចខាតយ៉ាងខ្លាំង។
មិនត្រឹមតែប៉ុណ្ណោះ មនុស្សជាច្រើនបានលើកឡើងថា ការជក់បារីនេះមិនត្រឹមតែប៉ះពាល់តារាសម្ដែងខ្លួនឯងទេ ថែមទាំងប៉ះពាល់ដល់កូនប្រុសតូចរបស់នាងទៀតផង។ សម្រាប់អ្នកម្ដាយមានកូនតូចបែបនេះ មិនគួរធ្វើបែបនេះឡើយ។ មុននោះដែរ ស្រីស្អាតកើតឆ្នាំ ១៩៨៩ ក៏ត្រូវបានគេប្រទះឃើញជក់បារីអេឡិចត្រូនិកផងដែរ៕