Crush លើ Boss មែនទេ? វិធីសាស្ត្រធ្វើឲ្យអ្នកកាន់តែមានតម្លៃក្នុងកែវភ្នែករបស់គាត់

2017-11-24 03:35:54
ចំនួនមតិ 0 | ចំនួនចែករំលែក 0

នៅកន្លែងការងារអ្នកប្រាកដជាចង់ឲ្យគេស្រឡាញ់ ចូលចិត្តខ្លួនជាពិសេស មេតែម្ដង។ បើ Boss នោះជាបុរសសង្ហាហើយទំនេរទៀតនោះ អ្នកអាចនឹងលួចស្រឡាញ់គាត់វិញក៏ថាបាន ដូច្នេះវិធីខាងក្រោមនេះអាចធ្វើឲ្យអ្នកកាន់តែមានតម្លៃក្នុងកែវភ្នែករបស់គាត់៖

១. កុំព្យាយាមធ្វើខុសពីចរិតខ្លួនឯង

កុំព្យាយាមសម្ដែងចរិតផ្សេងពីខ្លួនឯងនៅកន្លែងធ្វើការ ព្រោះអ្នកត្រូវដឹងថាមេអ្នកអាចសង្កេតពីទង្វើអ្នកគ្រប់ពេល បើអ្នកធ្វើបែបនេះវាអាចប៉ះពាល់ដល់ការងារ និង ចំណាប់អារម្មណ៍ពី Boss របស់អ្នក។

រូបតំណាង

**២. រៀបចំខ្លួនឲ្យបានសមរម្យ**

កុំគិតថាតែងខ្លួនឆើតឆាយពេកអ្នកអាចឲ្យគាត់ចាប់អារម្មណ៍នោះ អ្នកគួរតែផ្លាស់ប្ដូរពីការស្លៀកសំពត់ខ្លី មករៀបចំខ្លួនតាមបែបសាមញ្ញ ដោយ make-up លក្ខណៈធម្មជាតិ ប្រើប្រាស់ទឹកអប់ដែលមានក្លិនស្រាលនិងជាប់បានយូរ។

៣. ធ្វើជាអ្នកស្ដាប់ដ៏ល្អម្នាក់

នៅពេលដែលគាត់និយាយអ្វីមួយអ្នកត្រូវតែព្យាយាមស្ដាប់ដោយយកចិត្តទុកដាក់ សឹមនិយាយតាមក្រោយ តែត្រូវប្រាកដថាអ្វីដែលអ្នកនិយាយមិនវែងពេក និងមិនចាកប្រធាន។

រូបតំណាង

៤. រៀនធ្វើឲ្យបរិយាកាសជុំវិញគាត់ស្រស់ស្រាយ

វាពិតជាល្អបើសិនជាអ្នកអាចធ្វើឲ្យគាត់សើច ប៉ុន្តែកុំធ្វើរហូតដល់ភ្លេចខ្លួនថាគាត់ជា Boss របស់អ្នក។ គ្រាន់តែរករឿងដែលល្អមួយហើយនិយាយ នៅកន្លែងការងារដែលអាចធ្វើឲ្យអ្នកលេចធ្លោជាងគេ។

៥. ដោះស្រាយបញ្ហាដោយអត់ធ្មត់

គ្មានអ្វីដែលល្អគ្រប់យ៉ាងនោះទេ បើសិនជាមានបញ្ហានៅកន្លែងការងារអ្នកត្រូវធ្វើចិត្តឲ្យត្រជាក់ ទំនុកចិត្តទោះបីស្ថិតនៅក្រោមសម្ពាធយ៉ាងណាក៏ដោយក៏ត្រូវរក្សាគំនិតវិជ្ជមាន និងស្នាមញញឹម ដើម្បីឲ្យគាត់មានភាពកក់ក្ដៅជាមួយអ្នក។

៦. ត្រូវល្អជាមួយអ្នករាល់គ្នា

គាត់ពិតជាកត់សម្គាល់អ្នកបើសិនជាល្អជាមួយគាត់ ហើយរឹតតែល្អជាងនេះនៅពេលដែលអ្នកល្អជាមួយអ្នករាល់គ្នា ពេលនោះអ្នកពិតជាបុគ្គលិកពិសេសមួយដែលនៅក្នុងចិត្តគាត់ហើយ។

៧. កុំបញ្ចេញកាយវិការចង់បានគាត់ខ្លាំងពេក

ទោះបីអ្នកចង់បានគាត់ប៉ុណ្ណាក៏ដោយតែមិនត្រូវធ្វើជ្រុលពេកនោះទេ អ្នកគ្រាន់តែញញឹមដាក់គាត់ និងចេះជួយពេលដែលគាត់មានរឿងដែលត្រូវឲ្យជួយទៅបានហើយ។

៨. ផ្ដោតលើការងារ ត្រូវប្រាកដថាអ្នកជាមនុស្សដែលយកការងារសំខាន់ ហើយធ្វើវាដោយយកចិត្តទុកដាក់ ដើម្បីឲ្យគាត់អាចពឹងពាក់លើអ្នកបាន។