ទម្លាប់មិនទៀងទាត់ទាំង ៧ គួរលប់បំបាត់ចោលមុនពេលចុងបញ្ចប់ឆ្នាំមកដល់

2017-12-21 09:00:00
ចំនួនមតិ 0 | ចំនួនចែករំលែក 0

តើអ្នកបានចាប់ផ្ដើមគិតអំពីដំណោះស្រាយឆ្នាំថ្មីរបស់អ្នកហើយ ឬនៅ? ដូច្នេះវាជាពេលវេលាដ៏ល្អបំផុត ធ្វើការលះបង់វាខ្លះចេញ ដើម្បីឲ្យឆ្នាំថ្មីអ្នកជួបអ្វីដែលប្រសើរ ទើបជីវិតរីករាយបាន។ បែបនេះ ៧ ទម្លាប់មិនទៀងទាត់ គួរលប់បំបាត់ចោលមុនពេលចុងបញ្ចប់ឆ្នាំមកដល់៖

១.ភាពមិនស្មោះត្រង់

ទាំងចំពោះអ្នកដទៃ និងចំពោះខ្លួនឯង គួរតែបោះបង់វាចោលទៅ ហើយនៅឆ្នាំក្រោយត្រូវមានភាពស្មោះត្រង់គ្រប់បែបយ៉ាង។ វានឹងធ្វើឲ្យអ្នកភ្ញាក់ផ្អើលពីរបៀបដែលមនុស្សនៅជុំវិញអ្នកកាន់តែចូលចិត្ត និងគោរពអ្នក រឿងតិចតួចសោះ នោះក៏ដោយសារតែកាស្មោះត្រង់នេះឯង។

២.បោះចោលរឿងភ័យខ្លាច

សូមឲ្យឆ្នាំ ២០១៨ ជាឆ្នាំដែលអ្នកដោះលែងពីការភ័យខ្លាច។ បង្កើត «បញ្ជីភ័យខ្លាច» របស់អ្នក ហើយពិនិត្យមើលវាម្ដងមួយៗ រួចព្យាយាមកែប្រែភាពភ័យខ្លាចនោះទៅជាភាពជោគជ័យវិញ។ រឿងខ្លះអ្នកគិតថាវាពិបាក ហើយខ្លាចក៏រត់គេចទៅ តែបើចាប់ផ្ដើមធ្វើវាឡើង នោះ អ្នកនឹងមានអារម្មណ៍ថាខ្លួនឯងទំនុកចិត្តច្រើន ហើយអ្នកនឹងចាប់ផ្ដើមជឿជាក់ខ្លួនឯងភ្លាមៗ។

៣.ឈប់វិនិច្ឆ័យមនុស្ស

នេះជាទម្លាប់មិនល្អទាល់តែសោះ ព្រោះមនុស្សគេមិនឲ្យវិនិច្ឆ័យត្រឹមសំបកក្រៅទេ។ សូមព្យាយាមដើម្បីបំបែកផ្នត់គំនិតនេះចេញ ព្រោះនៅពេលណាអ្នកឮវិនិច្ឆ័យរូបអ្នកដោយមិនត្រឹមត្រូវ អ្នកក៏មិនសប្បាយចិត្តដែរ។

៤.បោះចោលអតីតកាល

បើអ្នកមិនគិតសម្លឹងទៅមុខទេ នោះជីវិតអ្នកដូចកង្កែបក្នុងអណ្ដូង ព្រោះមិនអាចឃើញអ្វីថ្មី និងភាពរីកចម្រើនចំពោះមុខ។ ដោះលែងអតីតកាលទៅ នោះអ្នកនឹងឃើញពន្លឺចែងចាំងនៅពីមុខអ្នកវិញ។ មួយវិញទៀតត្រូវចាំថា អតីតកាលមិនអាចកំណត់អនាគតរបស់អ្នកបានទេ។

៥.មិនតាមដានសុខភាពរបស់អ្នក

បើមិនចោលទម្លាប់អាក្រក់បែបនេះទេ ឆ្នាំថ្មីអ្នកក៏គ្មានអ្វីលូតលាស់ទៅមុខដែរ បើជំងឺរួបរឹតខ្លួន។ ចាប់ផ្ដើមពីឆ្នាំថ្មីដោយតាមដានសុខភាព របបអាហារ បរិមាណទឹក លំហាត់ប្រាណ ទើបជួយឲ្យអ្នកមានសុខភាពល្អឡើងវិញ និងធ្វើការជោគជ័យ។

៧.ចោលទូរស័ព្ទខ្លះ

ការសម្លឹងមើលទូរស័ព្ទជាប្រចាំ គឺជាទម្លាប់អាក្រក់ដែលអ្នកពិតជាត្រូវការកែតម្រូវ។ ព្យាយាមធ្វើអ្វីមួយដោយគ្មានទូរស័ព្ទ នោះអ្នកនឹងមានអារម្មណ៍ល្អ ហើយមិនចាំបាច់ចំណាយច្រើន៕

ចុចអាន៖គោលដៅ ៥ ដែលនារីគ្រប់រូបគួរកំណត់ខ្លួនឯងក្នុងឆ្នាំ ២០១៨

ប្រភព៖ Careergirldaily ប្រែសម្រួល៖ ទ្រី រ៉ាវី