និយាយចាញ់ហែកមាត់ចោលបើអ្នកមានតិចនិកពិសេសទាំង ៧នេះ

2017-11-30 07:14:46
ចំនួនមតិ 0 | ចំនួនចែករំលែក 0

នេះមិនមែនជាការផ្តល់យោបល់ឱ្យអ្នកទាំងអស់គ្នាយកការឈ្លោះជាធំទេ ប៉ុន្តែស្ថានភាពក្នុងជីវិតពេលខ្លះពិតជាមិនអាចប្រកែកបាន។ មនុស្សមិនមែនចិត្តព្រះឯណា បើអត់មិនបានខ្លាំងគឺត្រូវតែឈ្លោះហើយ! ៨ ក្បាច់ខាងក្រោមនេះ នឹងជួយឱ្យអ្នកគ្រប់គ្រងអារម្មណ៍បានល្អហើយអាចយកឈ្នះលើដៃគូជម្លោះបានសម្រេច៖

១. ព្យាយាមចាប់ចំណុចដែលជាការពិត

ជាធម្មតានៅពេលឈ្លោះ ភាគីទាំងសងខាងច្បាស់ជាប្រកាន់យកគំនិតត្រូវរៀងៗខ្លួន ប៉ុន្តែនេះមិនចាត់ទុកថាជាស្នៀតកំពូលទេ។ អ្នកត្រូវចាប់ភស្តុតាង ឬអ្វីដែលជាហេតុភេទកើតឡើងពិតប្រាកដ ហើយផ្ចាញ់ភាគីជម្លោះនោះតែម្តង។ អ្នកក៏ត្រូវប្រាកដដែរថាភស្តុតាងទាំងនោះ មិនត្រូវកើតចេញពីការវិនិច្ឆ័យតាមអារម្មណ៍របស់ខ្លួនឡើយ។

២. ស្តាប់ភាគីម្ខាងទៀតញេញឱ្យអស់ចិត្តសិន

នេះគឺជាគន្លឹះសំខាន់ ព្រោះអ្នកអាចដឹងពីអ្វីដែលគេកំពុងគិត ហើយក៏អាចប៉ាន់ស្មានដឹងពីចំនុចខ្សោយរបស់គេដែរ។

៣. គិតឱ្យទូលាយ

អ្នកមិនគួរប្រកាន់យកគំនិតរបស់ខ្លួនតែម្ខាងទេ ត្រូវបើកចិត្តឱ្យទូលាយដើម្បីស្វែងរកហេតុផលដែលសមស្របផ្សេងៗមកផ្ចាញ់ដៃគូជម្លោះ។

៤. គ្រប់គ្រងអារម្មណ៍ខ្លួនឯង

ទោះជាអ្នកខឹងសម្បារនឹងភាគីម្ខាងទៀតប៉ុនណាក៏ដោយ ក៏ត្រូវទប់អារម្មណ៍ខ្លួនឯងដែរ ជៀសវាងភ្លេចពាក្យដែលត្រូវឈ្លោះ។

៥. គោរពដៃគូជម្លោះ

ហាមដាច់ខាតការប្រើកាយវិការ ឬអំពើហិង្សាផ្តេសផ្តាស វាមិនត្រឹមតែធ្វើឱ្យអ្នកចាញ់ក្នុងជម្លោះនេះទេ ផ្ទុយទៅវិញអ្នកអាចប្រឈមនឹងការប្តឹងដាក់ទោសបីដៃគូជម្លោះទៀតផង។

រូបតំណាង

**៦. ចាត់ទុកវាជាការសន្ទនា**

ការប្រើពាក្យសម្តីបាញ់ប្រហាររបស់អ្នក គួរតែជាពាក្យប្រើក្នុងការសន្ទនាទូទៅ អាចប្រើសម្លេងស្មើៗធម្មតាដូចពេលនិយាយគ្នា ប៉ុន្តែសង្កត់អត្ថន័យឱ្យចុកឈាមវិញទើបល្អ។

៧. លាយពាក្យបន្ទន់ចិត្ត

លាយឡំពាក្យបញ្ជោរខ្លះៗទៅកាន់ដៃគូ វាជាយុទ្ធសាស្ត្រពង្វក់ស្មារតីឱ្យគេឆាប់ចុះចាញ់ក្នុងជម្លោះមួយនេះ៕

ចុចអាន៖ជ្រើសរើសរូបត្រីកោណមួយដែលពេញចិត្ត វានឹងប្រាប់ថាអ្នកជាមនុស្សបែបណា!

ប្រភព៖ bornrealist ប្រែសម្រួល៖ អ៊ុង រ័ត្នបញ្ញា