កាន់តែរឹងមាំ និង ឆ្លាតវៃ បើសិនអ្នកចេះចំណាយពេលនៅម្នាក់ឯងដោយស្ងប់ស្ងាត់!
- 2017-09-16 02:39:08
- ចំនួនមតិ 0 | ចំនួនចែករំលែក 0
កាន់តែរឹងមាំ និង ឆ្លាតវៃ បើសិនអ្នកចេះចំណាយពេលនៅម្នាក់ឯងដោយស្ងប់ស្ងាត់!
ប្រហែលមនុស្សមួយចំនួនមិនចូលចិត្តភាពស្ងប់ស្ងាត់ឡើយ តែមិនប្រាកដថានៅគ្នាច្រើនល្អជាងនៅម្នាក់ឯងនោះទេ ព្រោះពេលខ្លះមនុស្សត្រូវការគិត ត្រូវការស្ងប់ស្ងាត់ ហើយនៅពេលដែលអ្នកចំណាយពេលនៅម្នាក់ឯង អ្នកកាន់តែរឹងមាំ និង ឆ្លាតវៃ ព្រោះវា៖
១. ធ្វើឲ្យអ្នកមានទំនុកចិត្តលើខ្លួនឯង ៖ ពេលដែលអ្នកចេះធ្វើអ្វីដោយខ្លួនឯង មានការសម្រេចចិត្តខ្លួនឯង វាបានធ្វើឲ្យអ្នកមានការទុកចិត្តចំពោះខ្លួនឯងកាន់តែខ្លាំង អ្នកលែងមានការភ័យខ្លាច លែងមានការស្ទាក់ស្ទើរដូចពេលដែលអ្នកពឹងលើអ្នកដទៃទៀតហើយ។
**២. ជំរុញឲ្យមានសមិទ្ធផលឆាប់រហ័ស ៖** ពេលដែលនៅម្នាក់ឯងអ្នកអាចផ្ដោតអារម្មណ៍ជាមួយការងារដែលអ្នកធ្វើយ៉ាងមានប្រសិទ្ធភាពជាជាងពេលដែលអ្នកមានមនុស្សច្រើននៅជិតខ្លួន ដែលអាចនឹងមានភាពរញ៉េរញ៉ៃ។
៣. ជួយឲ្យអ្នកក្លាយជាមនុស្សដែលមានការច្នៃប្រឌិតខ្ពស់ ៖ ពេលដែលអ្នកនៅម្នាក់ឯង នោះអ្នកនឹងអាចមានគំនិតថ្មីៗប្លែកៗចេញមក ព្រោះពេលនោះអ្នកអាចមានពេលវេលា និង មានការស្រមើលស្រមៃច្រើន។
៤. ជួយសម្អាតចិត្តរបស់អ្នក ៖ ជាមួយបរិយាកាសស្មុគស្មាញ រញ៉េរញ៉ៃ អ្នកគួរតែបន្ធូរវាដោយរកកន្លែងមួយស្ងប់ស្ងាត់មួយ សម្រាកម្នាក់ឯងដើម្បីឲ្យខួរក្បាល ចិត្តគំនិតជ្រះស្រឡះឡើងវិញ។
៥. អាចឲ្យអ្នកដោះស្រាយបញ្ហាបាន ៖ នៅម្នាក់ឯងអាចជួយឲ្យយើងគិតអ្វីឆាប់ចេញ និងមានគំនិតក្នុងការរកដំណោះស្រាយបញ្ហាអ្វីមួយ ព្រោះអ្នកអាចចំណាយពេលគិតគូរដោយស្ងៀមស្ងាត់គ្មានអ្នករំខាន។
៦. កាត់បន្ថយភាពស្មុគស្មាញ ៖ ពេលដែលអ្នកទទួលបានអារម្មណ៍ឈឺចាប់អ្វីមួយអ្នកតែងតែចង់នៅម្នាក់ឯង ព្រោះបែបនេះអ្នកអាចគេចផុតពីសំឡេងមនុស្សដែលរអ៊ូរទាំ នាំតែឲ្យអ្នករឹតតែឈឺក្បាលថែមទៀត។
៧. ជួយឲ្យអ្នកមានភាពឯករាជ្យកាន់តែខ្លាំង ៖ ពេលដែលអ្នកនៅម្នាក់ឯងអ្នកកាន់តែមានភាពឯករាជ្យ ព្រោះអ្នកអាចផ្ដោតអារម្មណ៍ជាមួយអ្វីដែលអ្នកមាន និងធ្វើអ្វីដោយការទទួលខុសត្រូវចំពោះខ្លួនឯង ដោយមិនបាច់ធ្វើតាមតែអ្នកដទៃចង្អុលឡើយ។
ទម្លាប់នៅម្នាក់ឯងខ្លះទៅ កុំចាំតែមានអ្នកជួយ មានអ្នកផ្គត់ផ្គង់អី ព្រោះទៅថ្ងៃក្រោយគ្មានអ្នកណាអាចជួយយើងបានរហូតនោះឡើយ៕
ចុចអាន៖បុរស ៦ ប្រភេទដែលនារីប្រាថ្នាចង់បានជាងបុរសសម្បូរលុយ