ម្ចាស់កំណត់ត្រាក្រចកវែងថ្មីប្រចាំឆ្នាំ ២០១៨ គ្រាន់តែលាបក្រចកម្ដងស៊ីពេល១អាទិត្យ (វីដេអូ)

2017-09-08 05:04:35
ចំនួនមតិ 0 | ចំនួនចែករំលែក 0

កាលពីពេលថ្មីៗនេះ ស្ត្រីអ្នកច្នៃម៉ូដក្រចកម្នាក់ឈ្មោះ Ayanna Williams មកពីរដ្ធ Texas បានទទួលដំណែងពី Guinness លើកំណត់ត្រាក្រចកវែងជាងគេបំផុតលើពិភពលោកប្រចាំឆ្នាំ ២០១៨ (the Guinness World Records 2018 Edition)។ ក្រចកអ្នកស្រីនីមួយៗមានប្រវែងប្រហែល ០.៦ ម៉ែត្រ ហើយបើសរុបចូលគ្នាទាំងអស់វិញគឺមានប្រវែងដល់ជាង ៥.៥ ម៉ែត្រឯណោះ។

ដើម្បីបានដល់ប្រវែងប៉ុណ្ណេះ អ្នកស្រី Ayanna ចំណាយពេលអស់ ២៣ ឆ្នាំគឺចំណាយពេលយុវវ័យទាំងស្រុងតែម្ដង។

អ្នកស្រីបានប្រាប់ឲ្យដឹងថាអ្វីដែលជាបញ្ហាធំបំផុតសម្រាប់អ្នកស្រីនោះគឺពេលស្លៀកខោម្ដងៗដែលពិបាកមែនទែន។ ហើយបើចង់លាបក្រចកវិញគឺត្រូវចំណាយពេលដល់ទៅមួយអាទិត្យឯណោះ។

ដើម្បីបានក្រចកវែងបែបនេះ អ្នកស្រីបានប្រើប្រាស់ផលិតផលប្រឆាំងមេរោគរួមជាមួយការដុះសម្អាតប្រចាំថ្ងៃ ព្រមទាំងការលាបសារធាតុម្យ៉ាងដើម្បីជួយឲ្យវាដុះកាន់តែវែងផងដែរ។

«ខ្ញុំសប្បាយចិត្តណាស់ដោយសារតែសុបិនដ៏ចម្លែករបស់ខ្ញុំបានក្លាយជាការពិត។ ខ្ញុំមានឈ្មោះក្នុងបញ្ជី Guinness World Records ហើយ។ ការប្រឹងប្រែងរបស់ខ្ញុំពិតជាមិនអត់ប្រយោជន៍ទេ» អ្នកស្រីបន្ថែម៕