ធ្លាប់ចាញ់បោកអ្នកលក់ ទិញក្រែម brand បែរជាប៉ះចំរបស់ក្លែងក្លាយមែនទេ? នេះវិធីសម្គាល់

2017-08-19 05:08:51
ចំនួនមតិ 0 | ចំនួនចែករំលែក 0

បងប្អូនស្ត្រីជាច្រើនប្រាកដជាធ្លាប់ជួបបញ្ហាចាញ់បោកអ្នកលក់ ដោយហ៊ានចំណាយប្រាក់ទិញក្រែមម៉ាក់ល្បីៗហើយ តែប៉ះចំរបស់ក្លែងក្លាយទៀត។ ដូចនេះ កញ្ញា សូមបង្ហាញពីវិធីមើលក្រែមម៉ាក ថាមួយណាជារបស់ពិត មួយណាក្លែងក្លាយ៖

១.MAC

ផ្នែកខាងក្នុងរបស់ MAC ត្រូវបានរោងចក្រផលិតឡើងដោយមានចុងក្រែម ស្រួចរលោង។ ចំណែកនៅលើគម្របវិញមានបោះពុម្ពដោយឆ្លាក់ទឹកថ្នាំពណ៌ប្រាក់ជាអក្សរអង់គ្លេស MAC ជាប់បានល្អ។ តែបើរបស់ក្លែងក្លាយមានចុងមិនសូវស្រួច សាច់ក៏មិនរលោងស្អាតដែរ ហើយអក្សរនៅលើគម្របមិនមែនជាប្រភេទឆ្លាក់ឡើយ ជាពិសេសទឹកថ្នាំពណ៌ប្រាក់នោះនឹងងាយរបក។ ចំណុចខាងក្នុងមួយទៀត គឺរបស់ពិតគ្មានស្នាមចតុកោណនៅក្បែរ ស្នាមកែងឡើយ។

២.Tom Ford

សម្រាប់មិត្តនារីដែលចង់ទិញក្រែម Tom Ford ប្រើគួរពិនិត្យឲ្យបានមែនទែន ព្រោះមានរបស់ក្លែងក្លាយច្រើនណាស់។ ក្រែម Tom Ford មានស្លាកសញ្ញាទាក់ទាញ ដោយការរចនារបស់ក្រុមហ៊ុនរលោងស្អាតទាំងលើការវេចខ្ចប់ និងលើដប។ ចំណែកតម្លៃវិញរបស់ពិតជាង ៥០ ដុល្លារ ហើយរបស់មិនពិតមានតម្លៃជាង ១០ ដុល្លារប៉ុណ្ណោះ។ ប្រការបញ្ជាក់មួយទៀតថាក្រុមហ៊ុនមួយនេះគ្មានគោលការណ៍លក់បញ្ចុះតម្លៃ ៩០ភាគរយឡើយ បើជួបរបស់តម្លៃថោកបានន័យថា ជាផលិតផលក្លែងក្លាយ។

៣.Bourjois

Bourjois គឺជាក្រុមហ៊ុនគ្រឿងសម្អាងរបស់បារាំងដែលមានផលិតផលតុបតែងមុខជាច្រើន។ ដោយសារភាពពេញនិយមខ្លាំង ទើបមានជនខិលខូចបានបន្លំធ្វើរបស់មិនពិតឡើង តែយើងអាចបែងចែកថារបស់ពិត ឬមិនពិតបានយ៉ាងងាយស្រួលលើសាច់ក្រែម ដោយយករបស់ទាំងនោះមកគូសលើដៃ បើផលិតផលពិតមានសាច់ម៉ត់រលោង ងាយឲ្យស្បែកស្រូបយក ជាពិសេសឆាប់ស្ងួត តែផលិតផលក្លែងក្លាយលាបទៅឃើញកកៗ និងមានដុំៗលើស្បែក។ ចំណុចគួរចងចាំមួយទៀតគឺប្រវែង Bourjois ពិតផលិតឡើង ៦.៧ml / c និងមានពណ៌ ១ ទៅ ៨ ទើបថ្មីៗនេះប៉ុណ្ណោះ Bourjois បានប្ដូរទៅប្រវែង៧.៧ml ឯរបស់មិនពិតនៅតែ ៦.៧ ដដែល។

Bourjois ពិត

Bourjois ពិតគ្មានប្រតាកក្រែមជាប់ដង

៤. 3CE (3 Concept Eyes)

3CE ដែលជាក្រុមហ៊ុនគ្រឿងសំអាងដ៏ល្បីល្បាញរបស់ប្រទេសកូរ៉េ ពេលបញ្ចេញផលិតផលភ្លាមកក្រើកទីផ្សារភ្លែត ព្រោះពណ៌ថ្មីនៃក្រែម និងតម្លៃល្អ បូករួមទាំងរូបរាងទាក់ទាញ។ ដោយសារភាពល្បីល្បាញ 3CE ត្រូវបានគេចម្លងពេញទឹកពេញដី តែយើងមើលដឹងតាមរយៈចំណុចទាំងនេះ គឺនៅលើសម្បកក្រែមពិតមានបិទតែម 3CE ចំណែកអក្សរនៅលើសម្បកគ្មាន រីឯចុងក្រែមមានរូបរាងសមសួនសាច់ម៉ត់ ហើយស្រួច។ ចំណែកសម្បករបស់ក្លែងក្លាយគ្មានតែមបិតឡើយ និងសាច់ក្រែមមិនរលោង មិនស្រួចជាដើម៕