កាដូដែលមនុស្សស្រីចង់ទទួលបានពីមនុស្សប្រុសនាងស្រឡាញ់ជាងគេ

2017-06-08 06:55:00
ចំនួនមតិ 0 | ចំនួនចែករំលែក 0

ការជូនកាដូអ្វីមួយទៅមនុស្សដែលខ្លួនឯងស្រឡាញ់ មិនមែនជាការបង្ខំឬការទាមទាររបស់មនុស្សស្រីនោះទេ ប៉ុន្តែវាជាទឹកចិត្តរបស់អ្នក ក្ដីស្រឡាញ់អ្នកចំពោះនាង ហើយក៏នាងមិនចង់ឃើញអ្នកព្យាយាមទិញអ្វីឲ្យនាងលើសពីសមត្ថភាពដែរ ដូច្នេះអ្នកគួរតែយល់ពីនាង ហើយគួរតែជ្រើសរើសកាដូដ៏សក្ដិសមមួយសម្រាប់មនុស្សដែលគាត់ស្រឡាញ់ ៖

១. ចិញ្ចៀន ៖ មិនចាំបាច់ដល់ចិញ្ចៀនដែលមានតម្លៃរាប់រយដុល្លារនោះទេ គ្រាន់តែចិញ្ចៀនដ៏ស្អាតសាមញ្ញមួយទៅបានហើយ ព្រោះវាតំណាងឲ្យក្ដីស្រឡាញ់របស់អ្នកសម្រាប់នាង។

២. ខ្សែក ៖ ជារបស់ដែលនារីរំភើបបំផុតនៅពេលដែលមនុស្សដែលនាងស្រឡាញ់ជូនវាមកនាង ហើយវាសុទ្ធតែជារបស់ដែលនាងមិនអាចបំភ្លេចបាន។

៣. ខ្សែដៃ ឬ កងដៃ ៖ សុទ្ធតែជារបស់ដែលមនុស្សស្រីស្រឡាញ់ ហើយរឹតតែចង់ទទួលបានវាពីមនុស្សប្រុសដែលនាងស្រឡាញ់ ហើយវាមិនមែនតម្រូវឲ្យអ្នកទិញប្រភេទដែលថ្លៃនោះទេ តែវាតំណាងឲ្យទឹកចិត្តរបស់អ្នកចំពោះនាង។

៤. គ្រឿងសម្អាង ៖ អ្នកអាចមើលពីរបស់ដែលគាត់ចូលចិត្តប្រើមុនៗ ដើម្បីពេលដែលជិតប្រើអស់អ្នកជូនវាគាត់។ វាជាកាដូដ៏ Surprise មួយសម្រាប់នាងដែលមានន័យថាអ្នកចង់ឲ្យនាងស្រស់ស្អាតជានិច្ច។

៥. ស្បែកជើង ៖ ប្រហែលជាអ្នកឭថាវាជាកាដូមិនល្អសម្រាប់គូស្នេហ៍ តែអ្នកគិតខុសហើយវាជាកាដូដ៏រ៉ូមែនទិចសម្រាប់មនុស្សស្រី ព្រោះមានន័យថាអ្នកយកចិត្តទុកដាក់បំផុតលើនាង។

៦. រ៉ូប ឬក៏ ខោអាវ ៖ វាជាកាដូដ៏ពិសេសបំផុតសម្រាប់មនុស្សស្រី ព្រោះវាបង្ហាញថាអ្នកដឹងរឿងគ្រប់យ៉ាងពីនាង។

៧. តុក្កតា ៖ មនុស្សស្រីអាយុប៉ុន្មានក៏នៅតែស្រឡាញ់តុក្កតាដែរ ព្រោះពេលដែលអ្នកវាទៅនាងអាចឱប អាចថើប អាចវ៉ៃនៅពេលដែលនាងនឹកអ្នក ឬក៏ខឹងអ្នក។

៨. របស់ដែលធ្វើដោយដៃ ៖ ជារបស់មួយដែលមិនអាចយកលុយមកទិញបាន ព្រោះវាជាទឹកចិត្តអ្នកដែលព្យាយាមធ្វើវាឡើងសម្រាប់មនុស្សពិសេសម្នាក់ ដែលមិនអាចនឹងរកបាន ដូចជាការបត់ផ្កាយដ៏ច្រើន ការធ្វើជាផ្ទះ ឬ វត្ថុប្រចាំចិត្តណាមួយ។