ចង់ឲ្យសក់ឆាប់ដុះវែងមានអីពិបាក!

2017-05-12 04:02:41
ចំនួនមតិ 0 | ចំនួនចែករំលែក 0

សក់គឺជាផ្នែកមួយដ៏សំខាន់សម្រាប់មនុស្សស្រី នរណាៗក៏ចង់បានសក់វែងស្អាតដែរ ដូច្នេះហើយការថែរក្សាសក់ឲ្យមានសុខភាពល្អ ដុះវែងលឿន ជារឿងចាំបាច់បំផុត។ ថ្ងៃនេះទំព័រសម្រស់របស់ កញ្ញា សូមណែនាំនូវវិធីសាមញ្ញៗមួយចំនួន ដែលជួយឲ្យសក់ឆាប់លូតលាស់បានល្អ សម្រាប់ស្រីៗយើងអនុវត្តតាម៖ ១. កាត់សក់ ៖ត្រូវកាត់សក់ចុងៗចេញដើម្បីឲ្យសក់ថ្មីលូតលាស់មកបានលឿន ដោយសារភាគច្រើនចុងសក់គឺបែកចុង ខូច ដូច្នេះទើបត្រូវកាត់វាចេញ ដើម្បីឲ្យសក់មានសុខភាពល្អ។

២. កុំប្រើសាប៊ូដែលមានសារធាតុស៊ីលីកូន ៖ សារធាតុស៊ីលីកូនអាចជួយឲ្យសក់ភ្លឺរលោងមែន ប៉ុន្តែវាបានទៅធ្វើឲ្យស្ទះឫសសក់ដែលធ្វើឲ្យសក់មិនអាចលូតលាស់បាន។ ៣. ប្រើប្រេងធម្មជាតិ ៖ ប្រេងធម្មជាតិគឺល្អសម្រាប់សក់គ្រប់ប្រភេទ វាធ្វើឲ្យសក់មានសំណើម ភ្លឺរលោង ឆាប់ដុះវែងនិងការពារសក់ពីការបំផ្លាញនៃកម្ដៅថ្ងៃ។ ៤. ប្រើប្រទាលកន្ទុយក្រពើ ៖ វាជួយឲ្យសក់មានសុខភាពល្អ និងពន្លឿនការលូតលាស់របស់សក់ ហើយថែមទាំងព្យាបាលសក់ដែលគ្រើមមកជាទន់រលោងទៀតផង។ ចិតយកសាច់ថ្លាៗខាងក្នុង ច្របាច់យកទឹក ហើយមកលាបលើសក់ (១៥ នាទី) ហើយទុកមួយស្របក់ រួចលាងទឹកវិញជាការស្រេច។

៥.ផ្លែប័រ៖ សារធាតុប្រេងដែលមាននៅក្នុងផ្លែប័រជួយឲ្យសក់ដុះបានលឿន ថែមទាំងភ្លឺរលោង។ ក្រៅពីទទួលទានយើងអាចយកផ្លែប័រមកកិនឲ្យម៉ដ្ឋ រួចលាបលើសរសៃសក់ហើយទុករយៈ ពេល២០ ទៅ៣០នាទី រួចលាងជម្រះទឹកចេញ។ ៦.ប្រើសេរ៉ូមជំនួយសក់៖ សម្រាប់អ្នកគ្មានពេលវេលាគ្រប់គ្រាន់ និងចង់លទ្ធភាពឆាប់រហ័ស យើងអាចប្រើសេរ៉ូមសម្រាប់ជំនួយសក់តែម្តងក៏បាន។ សេរ៉ូមសក់ភើហ្វិកឃែរ ល្បីខ្លាំងខាងជំនួយសរសៃសក់ ដែលចម្រាញ់ចេញពីប្រេងគ្រាប់ធញ្ញជាតិ៣ប្រភេទ៖

ប្រេងArgan (Argan Oil)៖ប្រេងនេះសម្បូរវីតាមីនធ្វើឲ្យសរសៃសក់មានសំណើម។ អាស៊ីតខ្លាញ់ចាំបាច់នៃប្រេងArganជួយឲ្យពង្រឹងប្រូតេអ៊ីនសរសៃសក់ធ្វើឲ្យសក់មានសុខភាពល្អរលាស់ជាងមុន។
ប្រេងផ្លែប៊ើរ (Avocado Oil)៖ប្រេងផ្លែប៊ើរមានគុណប្រយោជន៍យ៉ាងច្រើនដល់ស្បែកនិងសក់ ហើយថែមទាំងអាចជំរុញដល់ការលូតលាស់របស់សរសៃសក់ថែមទៀតផង។ ផ្លែប៊ើរមានប្រូតេអ៊ីនចាំបាច់ និងខ្លាញ់មិនរលាយមានស្ដេរ៉ូលីននិងសារធាតុប្រឆាំងអុកស៊ីតកម្មខ្ពស់ ដូចជាវីតាមីន A, D, E ព្រមទាំងលីស៊ីទីននិងប៉ូតាស្យូម។
ប្រេងសណ្ដែក Macadamia (Macadamia Oil)៖សារធាតុដែលចម្រាញ់ចេញពីសណ្ដែក Macadamia គឺជាប្រភេទអាហារបំប៉នផ្សំពីរុក្ខជាតិ។ សណ្ដែក Macadamia មានវីតាមីន B ខ្ពស់ វីតាមីន B1, B6 និងប៉ូតាស្យូមដែលផ្ដើមសំណើមល្អបំផុតសម្រាប់សរសៃសក់។ របៀបប្រើ៖ លាងសម្អាតសក់ឲ្យស្អាតរួចជូតឲ្យស្ងួតល្មម ឬនៅសើមតិចៗ ចាក់សេរ៉ូមសក់ភើហ្វិកឃែរម៉ាល្មមលើបាតដៃរួចលាបលើសក់ឲ្យសព្វ សេរ៉ូមសក់ភើហ្វិកឃែរអាចរកទិញបាននៅគ្រប់ផ្សារទំនើបនិងផ្សារធម្មតា។

ចំពោះមនុស្សស្រី គឺត្រូវតែយកចិត្តទុកជាមួយនឹងសម្រស់ខ្លួនឯងបន្តិចទើបបាន!

អត្ថបទ៖ ផេង ផលធិតា