ធ្វើម៉េចឲ្យគេនឹកយើង?

2017-01-23 08:44:58
ចំនួនមតិ 0 | ចំនួនចែករំលែក 0

ស្រីៗយើងតែងចង់ឲ្យដៃគូនឹកមែនអត់? ពេលខ្លះមានអារម្មណ៍ថាគាត់នឹក ហើយពេលខ្លះក៏អត់។ ចឹងសាកមកអានវិធីទាំង៦ដែលធ្វើឲ្យគាត់នឹកនេះមើល៍ក្រែងធ្វើឲ្យគាត់នឹកគ្រប់ពេល។

១ កុំទំនេរសម្រាប់គាត់រហូត៖ ធ្វើឲ្យគាត់មានអារម្មណ៍ថាអ្នកមិនទំនេរសម្រាប់គាត់ប៉ុន្មានទេ។ បើអាចពេលគាត់ផ្ញើសារមកធ្វើឃើញខ្លះមិនឃើញខ្លះទៅ។ បែបនេះគាត់នឹងព្យាយាមសម្រាប់អ្នកកាន់តែខ្លាំង។

២ មិនទៅ បើហៅភ្លាមៗ៖ បើគាត់ហៅទៅក្រៅភ្លាមៗអ្នកមិនគួរទៅទេ ដោយប្រាប់ថារវល់។ ធ្វើចឹងគាត់ប្រាកដជាមានអារម្មណ៍ថាមិនងាយស្រួលក្នុងការណាត់ជួប ហើយនឹងចង់ជួបកាន់តែខ្លាំង។

៣ ប្រាប់គាត់ពីក្ដីស្រលាញ់អ្នកចំពោះគាត់៖ ធ្វើបែបនេះវានឹងរក្សាក្ដីស្រលាញ់ឲ្យរឹងមាំ ហើយលើកទឹកចិត្តគាត់ឲ្យនៅជាមួយអ្នកបន្តទៀត។

៤ ធ្វើឲ្យគាត់ភ្ញាក់ផ្អើល៖ ស្លៀកខោអាវដែលគាត់ពេញចិត្ត ច្រៀងចម្រៀងដែលគាត់ស្រលាញ់ រំលឹកអនុស្សាវរីយល្អៗជាមួយគាត់ជាដើម។

៥ ទឹកអប់ទាក់ទាញ៖ រើសយកទឹកអប់ណាដែលមានក្លឹបក្រអូប ទាក់ទាញដែលធ្វើឲ្យគាត់បំភ្លេចមិនបាន។

៦ ជីវិតផ្ទាល់ខ្លួន៖ មានជីវិតផ្ទាល់ខ្លួន ដើរលេងជាមួយមិត្តភ័ក្ដិជាដើម។ មានសង្សារមិនត្រូវចោលមិត្តភាព។ ធ្វើឲ្យគាត់មានអារម្មណ៍ថាអ្នកក៏សប្បាយចិត្តពេលមិននៅជាមួយគាត់ ។ ចឹងគាត់កាន់តែចង់នៅក្បែរអ្នក នឹកអ្នកគ្រប់ពេល។