៦យ៉ាង!!!ដែលអ្នកមិនគួរធ្វើនៅថ្ងៃចូលឆ្នាំចិន

2017-01-19 10:02:05
ចំនួនមតិ 0 | ចំនួនចែករំលែក 0

ជិតដល់ចូលឆ្នាំចិនហើយ អ្នកខ្លះនៅមិនទាន់ច្បាស់ពីត្រណមដែលអាចនាំសំណាងអាក្រក់នៅឡើយ។ ថ្ងៃនេះកញ្ញាសូមនាំទាំងអស់គ្នាមកស្គាល់នូវត្រណមទាំង៦ ដែលអ្នកមិនគួរធ្វើនៅថ្ងៃទី១ នៃថ្ងៃចូលឆ្នាំចិន។

១ កុំញ៉ាំថ្នាំ៖ ប្រសិនអ្នកញ៉ាំ ឬទៅយកថ្នាំនៅថ្ងៃនោះ អ្នកនឹងអាចឈឺពេញមួយឆ្នាំ។

២ កុំបោស ឬយកសំរាមចេញ៖ ប្រជាជនចិនមានជំនឿថាការដែលបោស ឬយកសំរាមចេញនៅថ្ងៃទី១ប្រៀបដូចបោស ឬយកទ្រព្យសម្បត្តិចេញពីផ្ទះ។

៣ កុំញ៉ាំបបរ និងសាច់ជាអាហារពេលព្រឹក៖ គេជឿថាការញ៉ាំបបរនៅពេលព្រឹកគឺសម្រាប់តែអ្នកក្រខ្សត់ប៉ុណ្ណោះ។ ចឹងការចាប់ផ្ដើមដើមឆ្នាំដោយញ៉ាំបបរគឺជាប្រផ្នូលអាក្រក់។ មិនញ៉ាំសាច់ពេលព្រឹកព្រោះតែការគោរពសាសនាព្រះពុទ្ធ (ព្រះអង្គប្រឆាំងនឹងការសម្លាប់សត្វ)។ ដូចនេះថ្ងៃដំបូងនៃឆ្នាំថ្មីត្រូវសប្បាយចិត្តទៅវិញទៅមកដាក់គ្នា មិនត្រូវមានការសម្លាប់។

៤ កុំបោកខោអាវ និងកក់សក់៖ មិនបោកសម្លៀកបំពាក់នៅថ្ងៃទី១ និងទី២ ព្រោះជាថ្ងៃខួបកំណើតរបស់ព្រះទឹក។ មិនឲ្យកក់សក់ព្រោះពាក្យ"សក់"ក្នុងភាសាចិនមានសំឡេងដូចនឹងពាក្យ១ក្នុងពាក្យ"ក្លាយជាអ្នកមានទ្រព្យ"។ ចឹងវាមិនមែនជារឿងល្អទេដែលលាងជម្រះទ្រព្យរបស់អ្នកក្នុងថ្ងៃនោះ។

៥ ការងារម្ជុលមិនត្រូវបានធ្វើ៖ មិនមែនមានតែម្ជុលមួយទេ នៅមានកន្ត្រៃ កាំបិតជាដើម ព្រោះបើវាខូចឬមុតនោះ តំណាងឲ្យរឿងអពមង្គលនិងថយចុះទ្រព្យសម្បត្តិ។

៦ ស្ត្រីដែលរៀបការរួចមិនឲ្យទៅផ្ទះឪពុកម្ដាយ៖ កូនស្រីដែលរៀបការរួចមិនអនុញ្ញាតឲ្យទៅលេងផ្ទះឪពុកម្ដាយព្រោះគេជឿថាអាចនាំសំណាងអាក្រក់ដែលបង្កឲ្យលំបាកសេដ្ឋកិច្ចគ្រួសារ៕

ប្រភព៖ Chinahighlights

ប្រែសម្រួល៖ វិទូ