កូនមហាសេដ្ឋីកាស៊ីណូអាស៊ី រៀបការនឹងបុគ្គលិកពន្លត់អគ្គិភ័យ
- 2022-09-21 02:30:00
- ចំនួនមតិ 0 | ចំនួនចែករំលែក 0
កូនមហាសេដ្ឋីកាស៊ីណូអាស៊ី រៀបការនឹងបុគ្គលិកពន្លត់អគ្គិភ័យ
Florinda Ho កូនស្រីរបស់កំពូលមហាសេដ្ឋីចិន Stanley Ho បានទទួលពាក្យសុំរៀបការពីមិត្តប្រុសធ្វើជាបុគ្គលិកពន្លត់អគ្គិភ័យកាលពីពេលថ្មីៗនេះ។
កាលពីថ្ងៃទី ១៩ ខែកញ្ញាមុននេះ បណ្ដាញព័ត៌មាន Sohu បានរាយការណ៍ថា មិត្តប្រុសរបស់ អ្នកនាង Florinda Ho មកពីត្រកូលអ្នកមានស្ដុកស្ដម្ភនៅហុងកុង បានរៀបចំកម្មវធីសុំនាងរៀបការយ៉ាងរ៉ូមេនទិកមួយ។ នៅកម្មវីធី ស្រីស្អាតស្នងមរតក ១៤០០លានដុល្លារពីម្ដាយ បានទទួលពាក្យសុំរៀបការពីមិត្តប្រុសរបស់ខ្លួន។ យ៉ាងណាក្ដី រាល់ព័ត៌មានទាំងអស់ទាក់ទងនឹងមង្គលការត្រូវបានរក្សាសម្ងាត់។
មុននោះដែរ ក្រុមអ្នកប្រមាញ់រូប បានថតបានរូបអ្នកទាំងពីរទៅទិញទំនិញនៅផ្សារទំនើបក្នុងតំបន់ Tsim Sha Tsui ដោយពួកគេបានពាក់កងដៃគូ។ មនុស្សជាច្រើនបានលាន់មាត់សរសើរពីស្នេហារបស់អ្នកទាំងពីរដោយមិនប្រកាន់ពីវណ្ណៈ ដ្បិតខាងស្រីធំដឹងក្ដីក្នុងគ្រួសារមានបំផុតនៅហុងកុង ដោយឪពុក Stanley Ho គឺជាកំពូលមហាសេដ្ឋីកាស៊ីណូ រីឯខាងប្រុសជាបុគ្គលិកពន្លត់អគ្គិភ័យម្នាក់។
Florinda Ho គឺជាកូនស្រីធំរបស់លោក Stanley Ho និងប្រពន្ធទី៣របស់លោក ដោយលោកស្រីស្នងមរតកក្រោយលោកស្លាប់បាន ១៤០០លានដុល្លារ៕