ឈាមប្រែទៅជាពណ៌ទឹកដោះគោ ដោយសារញ៉ាំស៊ុបមួយសប្ដាហ៍ច្រើនដង

2022-09-12 02:50:00
ចំនួនមតិ 0 | ចំនួនចែករំលែក 0

នារីម្នាក់មកពីប្រទេសចិន បានក្អួត និងឈឺពោះរយៈពេលវែងមិនបាត់ដោយសារតែឧស្សាហ៍ញ៉ាំស៊ុបខ្លាំងពេក។

កាលពីថ្ងៃទី ៧ ខែកញ្ញាមុននេះ បណ្ដាញព័ត៌មាន Sohu បានរាយការណ៍ថា នារីត្រកូល Liu ម្នាក់មកពីខេត្ត Zheng Zhou ប្រទេសចិន ត្រូវចូលមន្ទីរពេទ្យក្រោយពេលនាងឧស្សាហ៍ញ៉ាំស៊ុបជាមួយមិត្តភ័ក្ដិខ្លាំងពេក ដោយមួយសប្ដាហ៍អាចញ៉ាំឡើងដល់ទៅ ៣ដង។

ពោះរបស់នាងចេះតែឈឺរ៉ាំរ៉ៃមិនបាត់ និងនាងត្រូវក្អួតជាបន្តបន្ទាប់។ ដើមឡើយ នាងគិតថាខ្លួនឈឺក្រពះ តែទោះបីជាលេបថ្នាំអស់ច្រើនហើយក៏ដោយ នៅតែមិនបាត់។ នៅពេលទៅធ្វើតេស្តទើបនាងស្លុតថា ឈាមរបស់នាងប្រមាណកន្លះលីត្របានប្រែទៅជាពណ៌សទៅហើយ ដោយសារតែនាងរលាកលំពែងខ្លាំងពេក។

លំពែងគឺជាសររីរាង្គដែលជួយសម្រួលជាតិស្ករក្នុងឈាម តែដោយសារលំពែងរបស់នាងរលាក ទើបស្ករក្នុងឈាមរបស់នាងឡើងច្រើនលើសកម្រិតធ្វើឲ្យឈាមប្រែទៅជាពណ៌ទឹកដោះគោ។ ខ្លាញ់ក្នុងឈាមរបស់នាងក៏ឡើងដល់ ៩១mmol/L ដែលជាធម្មតាអត្រានេះគឺ ០.៤mmol/L។ ក្រោយពេលបូមឈាមដែលលើសជាតិ Lipid ចេញអស់កន្លះលីត្រ ពោះនាងចាប់ផ្ដើមលែងឈឺ និងលែងក្អួតទៀត។ វេជ្ជបណ្ឌិតព្យាបាលលឲ្យនាងបានឲ្យដឹងថា ជាតិខ្លាញ់លើសចំណុះនៅក្នុងស៊ុបគឺជាមូលហេតុចម្បងនាំមកនូវរឿងខាងលើ៕