មនុស្សជាច្រើនតែងតែនិយាយថាការមានស្នេហាគឺជាការឈឺចាប់បំផុត ប៉ុន្តែវាមិនមែនទាំងអស់នោះទេ វាអាស្រ័យទៅតាមដៃគូសង្សារម្នាក់ៗតែប៉ុណ្ណោះ។ ប៉ុន្ដែអ្វីដែលធ្វើឲ្យអ្នកឈឺចាប់បំផុតនោះគឺភាពឯកកោ និងការរស់នៅជាមួយមនុស្សដែលធ្វើឲ្យអ្នកពិបាកចិត្តគ្រប់ពេលវេលាវិញទេ។ ប្រសិនបើទំនាក់ទំនងស្នេហារបស់អ្នកមិនមានសុភមង្គល មិនដំណើរការល្អទេ តើហេតុអ្វីអ្នកត្រូវនៅស៊ូទ្រាំនោះ! អ្នកអាចចាប់ផ្តើមសារជាថ្មី ជាមួយមនុស្សថ្មីដែលគេគោរពឲ្យតម្លៃអ្នក ស្រឡាញ់អ្នក និងចង់បានអ្នកជាគូអនាគតជាមួយគេ។

ប៉ុន្តែតើអ្នកអាចដឹងទេថាតើមនុស្សដែលអ្នកគម្រោងថានឹងយកជាដៃគូជីវិតសម្រាប់ទៅថ្ងៃអនាគតនោះគឺជាគាត់មែនឬមិនមែន? ការស្វែងរកដៃគូដែលខ្វល់យកចិត្តទុកដាក់ផ្គត់ផ្គង់លើកទឹកចិត្តរាល់ពេលដែលអ្នកត្រូវការមិនថានៅក្នុងកាលៈទេសៈណាក៏ដោយ ទាំងរាងកាយនឹងផ្លូវចិត្តក៏មិនមែនជារឿងងាយស្រួលដែរ ពីព្រោះមនុស្សម្នាក់ៗគឺមិនល្អឥតខ្ចោះនោះឡើយ។

ប្រសិនបើគេនោះធ្វើ ឬមានចំណុចទាំងប្រាំខាងក្រោមនេះ វាបញ្ជាក់បានថាគេម្នាក់នោះពិតជាស័ក្ដិសមជាដៃគូអនាគតសម្រាប់អ្នក៖

• គាត់តែងតែផ្តល់ភាពស្មោះត្រង់ជានិច្ចរាល់ការនិយាយ និងការធ្វើសកម្មភាពនានាទៅកាន់អ្នក
• គាត់យកចិត្តទុកដាក់ខ្លាំងបំផុតរាល់ពាក្យពេចជ៍ដែលអ្នកបាននិយាយជាមួយ ឬបានប្រាប់គាត់
• គាត់គឺជាកន្លែងដែលផ្តល់ភាពកក់ក្តៅសម្រាប់អ្នក និងសុវត្ថិភាពដល់អ្នកគ្រប់កាលៈទេសៈ
• ការលើកទឹកចិត្តរបស់គាត់ចំពោះអ្នកគឺមានគ្រប់ពេលវេលា គ្រប់កាលៈទេសៈដែលអ្នកត្រូវការ
• គាត់តែងតែចំណាយពេលវេលាសម្រាប់អ្នក បើទោះបីជាគាត់រវល់យ៉ាងណាក៏ដោយ

វាអាចជារឿងពិបាកក្នុងការស្វែងរកដៃគូដ៏ល្អមួយរូប តែប្រសិនបើអ្នករកឃើញនរណាម្នាក់ដែលអ្នកកត់សម្គាល់ឃើញថា គាត់បានធ្វើរឿងទាំងប្រាំយ៉ាងខាងលើនេះជាប្រចាំនោះ គាត់គឺជាមនុស្សម្នាក់ដែលអ្នកអាចពឹងពាក់បានគ្រប់កាលៈទេសៈ ហើយធ្វើអ្វីគ្រប់យ៉ាងដើម្បីធ្វើឲ្យជីវិតរបស់អ្នកនឹងគាត់បានប្រសើរឡើង អ្នកកំពុងតែទទួលបានដៃគូដ៏ល្អម្នាក់ហើយ ត្រូវចេះស្រឡាញ់គ្នា និងថែរក្សាគ្នាឲ្យបានគង់វង្ស៕

ចុចអានបន្ត៖ សញ្ញាបង្ហាញថាដៃគូរបស់អ្នកកំពុងតែអាក់អន់មិនសប្បាយចិត្ត និងវិធីដោះស្រាយ