មានមនុ្សជាច្រើនណាស់ដែលបានធ្លាប់ឆ្លងកាត់នឹងទទួលបានអារម្មណ៍នៃការបាត់បង់មនុស្សដែលខ្លួនស្រឡាញ់។ សេចក្តីស្រឡាញ់របស់អ្នកដែលមានចំពោះគេម្នាក់នោះបានដក់ជាប់នៅក្នុងខួរក្បាល និងក្នុងបេះដូងរបស់អ្នក ប៉ុន្តែគេនោះវិញមិនមានអារម្មណ៍ដូចជាអ្នកឡើយដែលវាជាហេតុធ្វើឲ្យអ្នកមានការឈឺចាប់ និងធ្វើបាបផ្លូវចិត្តរបស់អ្នកយ៉ាងធ្ងន់ធ្ងរ។

ប៉ុន្តែវាសំខាន់ណាស់ដែលអ្នកត្រូវចាំថា នៅក្នុងពិភពលោកដ៏ធំមួយនេះមិនមែនមានតែរូបគេនោះទេ។ វាប្រហែលជារឿងពិបាកក្នុងការបំភ្លេចដកចិត្តចេញពីគេនោះ ប៉ុន្តែវាពិតជាអាចធ្វើទៅបាននៅថ្ងៃណាមួយ។

ទាំងនេះគឺជារឿងដែលអ្នកត្រូវធ្វើប្រសិនបើមនុស្សដែលអ្នកស្រឡាញ់មិនទទួលយកការស្រឡាញ់ពីអ្នក ឬហៅថាការបដិសេធ៖

• រឿងដែលសំខាន់បំផុតនោះគឺការផ្តល់ក្តីស្រឡាញ់ឲ្យខ្លួនឯងច្រើនៗវិញប្រសិនបើគេនោះមិនទទួលយក
• ព្យាយាមចំណាយពេលជាមួយក្រុមគ្រួសារ និងមិត្តសម្លាញ់របស់អ្នកឲ្យបានច្រើនជាងរាល់ដង
• ធ្វើការសិក្សាទៅលើអារម្មណ៍ខ្លួនឯងថាវាជាក្តីស្រឡាញ់ចេញពីចិត្ត ឬក៏គ្រាន់តែជាក្ដីស្រឡាញ់ធម្មតាលើកដំបូងដើម្បីអ្នកធ្វើការកាត់ចិត្ត
• ហើយត្រូវចាំថាកុំឲ្យសោះការធ្វើបាបខ្លួនឯង និងការអស់សង្ឃឹមនៅក្នុងរឿងស្នេហាបន្ទាប់ពីការបដិសេធនោះ

ប្រសិនបើអ្នកដាក់ចិត្តស្រឡាញ់គេទាំងស្រុងហើយនោះ ត្រូវគិតថាវាប្រៀបបានដូចជាការចូលបើកមើលហ៊្វេកបុកអញ្ចឹង គិតថាអ្នកភ្លេចលេខសំងាត់ចុចចូល ចឹងបោះបង់វាចោលទៅ ហើយចាំបង្កើតថ្មីនៅថ្ងៃណាមួយដែលអ្នកគិតថា អ្នកត្រៀមខ្លួនរួចហើយ។ ត្រូវគិតថាវាជារឿងធម្មតាទៅហើយសម្រាប់មនុស្សលោក ជាពិសេសនោះគឺរឿងស្នេហានេះតែម្តង កុំអស់សង្ឃឹមឬបោះបង់ចោល តែទុកពេលវេលានឹងផ្តល់ពេលវេលាឲ្យបានច្រើនពីព្រោះនៅថ្ងៃណាមួយអ្នកនឹងបាននូវអ្វីដែលអ្នកចង់បានជាមិនខាន៕

ចុចអានបន្ត៖ រឿង ៤ យ៉ាងដែលអ្នកគួរចៀសវាធ្វើ នៅពេលណាដែលអ្នកកំពុងតែមានការណាត់ជួប