នៅក្នុងសម័យបច្ចុប្បន្ននេះវាជារឿងធម្មតាទៅហើយដែលមនុស្សចែចង់គ្នាតាមរយៈការផ្ញើសារនោះ ហើយវាជាទម្រង់នៃការប្រាស្រ័យទាក់ទងបែបសម័យទំនើប។ យើងទាំងអស់គ្នាដឹងថាតើការប្រាស្រ័យទាក់ទងមានសារសំខាន់យ៉ាងណានៅពេលនិយាយអំពីទំនាក់ទំនងស្នេហា។

មានវិធីមួយចំនួនដែលអាចប្រាប់បានថា តើមនុស្សម្នាក់នោះកំពុងតែចាប់អារម្មណ៍មកលើអ្នកដែលឬអត់ តាមរយៈការផ្ញើសាររបស់គេនោះមកកាន់អ្នក។ វានឹងមិនងាយស្រួលដូចដែលយើងអាចដឹងដោយផ្ទាល់ភ្នែក និងតាមរយៈការប្រស្រ័យទាក់ទងទល់មុខគ្នានោះទេ។

ប៉ុន្តែអ្នកនៅតែអាចធ្វើការវាស់ស្ទង់ដឹងបានអំពីភាពទាក់ទាញរបស់អ្នកចំពោះគេនោះ ដោយផ្អែកទៅលើប្រភេទសារទាំងនេះដែលពួកគេកំពុងតែផ្ញើមកឲ្យអ្នក៖

• សួស្តី! ឬអរុណ​សួស្តី! ខ្ញុំសង្ឃឹមថាអ្នកនឹងទទួលបានថ្ងៃដ៏ល្អមួយ!
• អ្នកពិតជាមនុស្សកំប្លែងណាស់ ហាហា!
• រូបភាពសញ្ញានៃការអោប ឬថើប
• ហេតុអ្វីបានជាអ្នកមិនមកលេងខ្ញុំពេលខ្លះ?
• មិត្តភក្តិរបស់ខ្ញុំពិតជាចង់ជួបអ្នកខ្លាំងណាស់!
• មកលេងផ្ទះខ្ញុំអៃ! ដើម្បីជាការជួបជុំគ្រួសារបន្តិចបន្តួច
• ខ្ញុំក៏ពិតជាចង់ជួបគ្រួសាររបស់អ្នកដែរ!
• ហេ! ខ្ញុំបានដឹងកន្លែងថ្មីមួយដែលទើបតែនឹងបើក យើងគួរតែទៅជាមួយគ្នា!

ទាំងនេះគឺជាប្រភេទសារដែលអ្នកអាចដឹងបានថា គេម្នាក់នោះកំពុងតែមានចំណាប់អារម្មណ៍ចំពោះអ្នក ហើយប្រភេទនៃសារទាំងនេះក៏ជាវិធីមួយក្នុងការចាប់ផ្តើមចំណងមិត្តភាព និងឈានទៅរកទំនាក់ទំនងស្នេហាបានដែរ។ ប្រសិនបើមនុស្សម្នាក់នោះតែងតែធ្វើការផ្ញើសារប្រភេទនេះមកកាន់អ្នក វាអាចបញ្ជាក់បានយ៉ាងច្បាស់ថាគេនោះកំពុងតែគិតអំពីអ្នកដោយក្ដីស្រឡាញ់៕

ចុចអានបន្ត៖ ៩ ដំណាក់កាល ដែលដៃគូទាំងអស់នឹងត្រូវឆ្លងកាត់នៅក្នុងទំនាក់ទំនងស្នេហារបស់ពួកគេ