រៀបការហើយ ១០ខែទើបដឹងថាប្ដីជាមនុស្សស្រី
- 2022-06-24 02:40:00
- ចំនួនមតិ 0 | ចំនួនចែករំលែក 0
រៀបការហើយ ១០ខែទើបដឹងថាប្ដីជាមនុស្សស្រី
ក្រោយរៀបការ នារីជាប្ដីតែងបិទភ្លើងរាល់ពេលរួមដំណេក ដោយប្រើឧបករណ៍ជំនួស។
កាលពីថ្ងៃទី ២៣ ខែមិថុនាកន្លងទៅនេះ បណ្ដាញព័ត៌មាន Coconuts Jakarkat បានរាយការណ៍ថា តុលាការខណ្ឌ Jambi ប្រទេសឥណ្ឌូនេស៊ី បានទទួលសំណុំរឿងក្ដីពីនារីវ័យ២២ឆ្នាំម្នាក់ ដោយរកឃើញថាប្ដីរបស់ខ្លួនជាមនុស្សស្រី។
នារីមកពីកោះ Sumatra បានឲ្យដឹងថា ខ្លួនបានស្គាល់នារីជាប្ដីនេះតាមរយៈកម្មវិធីទូរសព្ទមួយ ដោយនាងបានណែនាំខ្លួនជាពេទ្យកែសម្ផស្សម្នាក់ ហើយចង់រៀបការឆាប់ៗ។
ក្រោយស្រលាញ់គ្នាតែ៣ខែ ពួកគេសម្រេចចិត្តរៀបការ។ យ៉ាងណាក្ដី ដោយសារតែមានបញ្ហាឯកសារ ពួកគេមិនបានចុះឈ្មោះរៀបការឡើយ ដោយគ្រាន់តែធ្វើពិធីមង្គលការប៉ុណ្ណោះ ដោយរៀបការបានរយៈពេល ១០ខែហើយ។
ក្រោយពេលការ រាល់ពេលរួមមេត្រី នារីជាប្ដី តែងបិទភ្លើង ហើយប្រើឧបករណ៍ ដោយនារីជាប្រពន្ធមិនដឹងឡើយថា ប្ដីខ្លួនជាមនុស្សស្រី។ យ៉ាងណាក្ដី រឿងចាប់ផ្ដើមបែកការក្រោយពេល ឪពុកម្ដាយខាងស្រី ចេះតែសួររកសញ្ញាបត្រពីអាមេរិករបស់កូនប្រសារ ហើយកូនប្រសាររូបនេះ ក៏គ្មានការងារច្បាស់លាស់ដោយតែងខ្ចីលុយខាងប្រពន្ធជានិច្ច។ ដោយសារតែត្រូវគេសង្ស័យខ្លាំងពេក ប្ដីប្រពន្ធនេះក៏រើទៅនៅកន្លែងផ្សេង។
កាលពីដើមខែនេះ អ្នកទាំងពីរត្រូវបានគេរកឃើញ ដោយប្រពន្ធត្រូវបាននារីជាប្ដីវាយធ្វើបាបពេលខឹង និងបានលួចលុយខាងប្រពន្ធចំនួន២ម៉ឺនដុល្លារ ហើយប៉ូលិសក៏រកឃើញថា តាមការពិតប្ដីនេះគឺជាមនុស្សស្រី។ នារីជាប្ដីត្រូវបានតុលាការកាត់ក្ដីឲ្យជាប់ពន្ធគារ១០ឆ្នាំពីបទ ប្រើអំពើហិង្សារ និងលួចទ្រព្យសម្បត្តិ៕