បច្ចុប្បន្ននេះមិនដូចកាលពីមុនឡើយ មនុស្សមានការយល់ដឹងច្រើនអំពីរឿងស្នេហា កុំទម្លាប់ថាឲ្យតែបាននៅជាមួយគ្នាហើយគឺត្រូវតែរៀបការនោះ ពីព្រោះសុភមង្គលស្នេហាទាំងអស់មិនមែនបញ្ចប់ ឬចាប់ផ្តើមពីការរៀបការនោះទេ។ មនុស្សម្នាក់ៗគឺមានអតចរឹតខុសៗគ្នា អ្នកខ្លះអាចថែរក្សាទំនាក់ទំនងស្នេហានោះបានគង់វង្សយូរអង្វែង តែអ្នកខ្លះទៀតក៏មិនអាចទេដោយសារតែភាពអាត្មានិយមឬសាវា។

ភាពសប្បាយរីករាយ ការកើតទុក្ខ ជម្លោះ និងការប៉ះទង្គិចគ្នាជារើយៗមិនថាជាមួយគូស្នេហ៍ មិត្តភក្តិ ឬក្រុមគ្រួសារឡើយ វាជារឿងដែលតែងតែកើតឡើងចំពោះមនុស្សលោក។ ដូច្នេះមានតែការខិតខំព្យាយាមរបស់អ្នក ការឆ្លងកាត់ឧបសគ្គ ការប្តេជ្ញាចិត្ត និងឆន្ទៈក្នុងការសម្របសម្រួលគ្នាជាមួយដៃគូរបស់អ្នក និងការតស៊ូជាមួយគ្នាទើបអាចរក្សាសុភមង្គលនោះបាន។

ប្រសិនបើដៃគូសង្សាររបស់អ្នកធ្វើរឿងទាំងបួនយ៉ាងនេះឡើងចំពោះអ្នកជាប្រចាំបានន័យថាគាត់គឺជាមនុស្សស្មោះពិត និងស័ក្ដិសមជាដៃគូជីវិតរបស់អ្នកទៅថ្ងៃអនាគត៖

• គាត់ធ្វើការលះបង់រឿងគ្រប់យ៉ាងដើម្បីបាននៅជាមួយអ្នក និងដើម្បីប្រាកដថាអ្នកមានភាពសប្បាយរីករាយ
• គាត់ស្រឡាញ់អ្នកដោយមិនប្រកាន់ឬមានលក្ខខណ្ឌអ្វីឡើយ តែផ្អែកទៅលើបុគ្គលិកលក្ខណៈនឹងអតចរឹតរបស់អ្នក
• គាត់តែងតែជួយអ្នកជានិច្ចទាំងតម្រូវការជីវភាពប្រចាំថ្ងៃ និងតម្រូវការផ្លូវចិត្តទោះបីក្នុងកលៈទេសៈណាក៏ដោយ
• គាត់តែងតែគោរពឲ្យតម្លៃអ្នកជានិច្ច ផ្តល់ភាពស្មោះត្រង់ និងយកចិត្តទុកដាក់អ្នកច្រើនជាងខ្លួនគាត់ទៅទៀត

ការស្វែងរកដៃគូសង្សារល្អមកធ្វើជាប្ដី ឬប្រពន្ធគឺមិនមែនជារឿងងាយស្រួលឡើយ ពីព្រោះរឿងស្នេហាមួយគឺមានច្រើនរស់ជាតិណាស់ ក្តីស្រឡាញ់ ភាពសប្បាយរីករាយផ្អែមល្លែម ការឈឺចាប់ពេលទាស់ទែង ឬបែកបាក់ជាដើម តែប្រសិនបើដៃគូរបស់អ្នកកំពុងព្យាយាមធ្វើរឿងទាំងបួនយ៉ាងខាងលើនេះ គាត់ពិតជាស្រឡាញ់អ្នកដោយភាពស្មោះត្រង់ដែលអាចបង្កើតសុភមង្គលស្នេហាដ៏ល្អសម្រាប់អ្នកទាំងពីរទៅថ្ងៃអនាគត៕

ចុចអានបន្ត៖ មូលហេតុចម្បង ដែលបណ្ដាលឲ្យកូនៗមានចរិតមិនល្អ និងប្រព្រឹត្តខុស